أعلن الفنان حسن الرداد عن مبادرة بعنوان "علشان الدم ما يقلش" لحق الناس على النزل والتبرع بالدم لصالح المركز القومى لنقل الدم فى العجوزة وكل فروعه على مستوى الجمهورية، متحدياً الفنانين أحمد السقا وايمى سمير غانم عمرو يوسف وأمير كرارة ورامي رضوان وهشام ماجد".

وقال الرداد فى فيديو له:"ظبعا احنا بنمر بظروف صعبة جدا ودا أكتر وقت احنا محتاجين اننا نقف جنب بعض فيه.. مفيش أهم من صحة الانسان وفى ناس قدرها انها تفضل تنقل دم طول عمرها وحياتها ممكن تتعرض للخطر لو الدم دا قل علشان كدا انا فكرت أعمل المبادرة دى علشان أشجع الناس انهم ينزلوا يتبرعوا بدمهم لننقذ أهالينا وكل حبايبنا".

انا بتحدى فى المبادرة دى أحمد السقا وايمى سمير غانم عمرو يوسف وأمير كرارة ورامي رضوان وهشام ماجد انهم يعملوا فيديوهات ويشجعوا أكبر قدر ممكن من الناس علشان ينزلوا يتبرعوا بدمهم لصالح المركز القومى لنقل الدم فى العجوزة وكل فروعه على مستوى الجمهورية وطبعا نخلى بالنا من نفسنا ونروح فى الوقت المخصص للنزول فيه ونلبس كمامات ونلبس جوانتيات وان شاء الله ربنا يحفظنا ويحفظكوا".

وفى سياق آخر يصور حسن الرداد مسلسله الجديد "شاهد عيان" المرشح للعرض فى شهر رمضان المقبل، والذى انطلق تصويره مؤخراً، من تأليف أحمد مجدى وإخراج محمد عبد الرحمن حماقى ويشارك فى بطولته هنا شيحة، وبسمة ووليد فواز ومحمد لطفى وعدد آخر من الفنانين.