وأضاف حسني أنه كانت له العديد من الصداقات النسائية، لكنه كان يرفض فكرة الزواج، قائلا: "النساء كانوا كتيرا فى حياتى، ومفيش حد ملوش علاقات، ربنا هو اللى عمل كدة، عشان الحياة تكمل".

 

وقال "حسنى" خلال ندوة عقدها "اليوم السابع" احتفالا بمؤسسة فاروق حسنى الجديدة للثقافة والفنون: "وأنا فى باريس تعرفت على (ليديا) فضلت عايشة معايا 6 سنين، وحينها تأكدت أنى مش هينفع أن واحدة تعيش معايا، تقولى جيت منين ورايح فين، وأنا دماغى طايرة مش معقول حد هيحدها"، وتابع وزير الثقافة الأسبق: "عندما عدت إلى مصر كان لى صداقات نسائية كثيرة، لكنى كنت مستبعدا فكرة الزواج نهائيا، لأنى مش هقدر أعيش مع واحدة وأتقيد بيها، ففضلت إنى أعيش لفنى ومسئوليتى تجاه الوطن وهذا يكفيني.