ريم البارودي لوفاء عامر: " انسانه بمعني الكلمة في زمن صعب "
الخميس، 18 أبريل 2019 09:52 ص
شاركت الفنانة ريم البارودي مع متابعيها على انستجرام ، مقطع فيديو للفنانة وفاء عامر خلال حديثها عنها قائلة:" أحلى حاجة في الدنيا لما تلاقي حد بيحبك في الدنيا من قلبه من غير ما يكون عاوز منك حاجة والحد ده ليه في حياتي قصة كبيرة منذ أن كانت طفلة صغيرة ."
وكشفت الفنانة وفاء في حديثها أنها هي المحفز للفنانة ريم عن طريق ترشيحها لدور في صوت القاهرة بعد أن قالت لها وجهك فتوجنيكي وعملت دور من أهم الأدوار في العمل الدرامي رغم أنها غير مهتمة في ذلك الوقت .
وأضافت وفاء بحب يا ريم من قلبي بجد أن ربنا نصفك وبتعملي دور مهم جدا في مسلسل كبير وانتي تستهلي أكثر من كده بكثير وعقبال لما أبارك ليكي عن عملك الجديد ربنا يخليكي ليا ومش يحرمني منك ولا من قلبك ولا من عائلتك الجميلة اللي بيسئلوا عليا كل وقت .
وعلقت ريم قائلا علي الفيديو قائلة : "أحلي حاجة في الدنيا انتي الحب والرقي والأخلاق عمرك ما تغيرتي السنين دي كلها انتي زي ما انتي انسانه بمعني الكلمة في زمن صعب متواضعة كريمة وجدعة بنت بلد اصيله واخت صدوقة ومع كل الناس محبة وعطوفة بعيدا عن الوسط الفني بيتكدايما مفتوحلي بالحب في كل اوقاتي الحلوة والصعبة واللي بعتبره بيتي الثاني اما علي المستوي الفني تشرفت أني أكون جنب نجمه قيمة وقامة" .
