وجهت الفنانة فيفى عبده نصيحة للسيدات، قائلة:"مفيش حد بيطول منى كلمة، يعنى أنا ممكن أصاحب رجالة وما أصاحبش ستات، والرجالة مش هياخدوا منى غير اللى عاوزة أديهوله، عاوز بصة أو غمزة، لكن مش هتقدر تاخد منى أى حاجة غصب عنى".

وتابعت خلال لقائها مع الإعلامى عمرو أديب،:"الست زى التعبانة مع الست مش عاوزاها تبقى أحسن منها".

وقالت فيفى عبده، إنها تعبت كثيراً فى حياتها وتعلمت أشياء كثيرة، مردفةً:"انت شهادتك كل الناس واخداها.. أنا شهادتى لا لأن شهادتى شهادة الحياة، الدنيا علمتنى، أنا قعدت مع الغلبان اللى مش لاقى ياكل وقعدت مع الناس الكبار".

وأضاف:"أنا عندى 150 عازف، وكنت أخش البروفة يقولوا المدام جات، وألاقيهم واقفين كلهم"، مستطردة:"أنا عمرى ما شربت حاجة.. أنا مبحبهاش، ولا سجاير، لكن الشيشة اتعلمتها عشان كنت بعمل فيلم المزاد، وخليت محمد الدراوى جوزى يعلمنى أشرب الشيشة ازاى عشان أعمل الفيلم".

وتابعت "فيفى عبده"، :"أنا بحب البلاد العربية وطول عمرى برقص لهم، وبحب أحلام، ومحمد عبده، عشان ملقتش رقاصات رجعت أرقص تانى"، مستطردة:"الرقص لغة مش محتاجة ترجمة، لما بيجى وفد لمصر إحنا كنت بنمثل مصر برة، ووزارة السياحة كانت بتبعتنا، رحت الأرجنتين وألمانيا وتحدثت عن مدى أهمية الرقص الشرقى".

وأوضحت"فيفى عبده"،  أنها لا تحب الرجال البخلاء، موضحة أنها تحكم على الرجال من ملابسهم، وأخلاقهم.

بسبب كلمة اتقالتلى مكنش لى ذنب فيها، وذلة اللسان دى دفعته إنى اتطلقت منه، واتجوزت راجل سنة ونص، ورجعت تانى لجوزى ده".