علقت الفنانة رانيا يوسف على طلاقها قائلة: "لا يوجد امرأة تنفصل عن زوجها وتكون سعيدة، لكن الناس بتقولى انى أصبحت أجمل بعد الطلاق وأعتقد ده حقيقى، لأنى بدأت أهتم بنفسى بشكل أكبر بعد ما خلصت من مشاكلى مع طليقى".

وأَضافت فى تصريحات لـ"دوت مصر": المشاكل فى الحياة الزوجية بتأثر على الحالة النفسية، كما أننى عيشت فترة اكتئاب جعلتنى غير سعيدة، لكن حاليًا أصبحت أهتم بنفسى أكثر وبدأت أركز على مظهرى ورياضتى".

وعن زواجها مرة أخرى قالت: "لازم يكون فى حب بس مش لازم يكون فى زواج، انا خلاص تزوجت 3 مرات واستنفذت مرات الزواج بتاعتى، لكن انا عن نفسى مقدرش اعيش من غير حب لانى من الشخصيات اللى ماشية بقلبها، والحب عندى لبناتى وشغلى، وممكن يظهر شخص جديد فى حياتى وأحبه ودة حاجة فى علم الله ولو محصلش انا تمام كده".