رد النجم أحمد فهمى على انتقادات التى تعرض لها بعد خطوبته بالفنانة هنا الزاهد على مواقع التواصل الاجتماعى قائلا، جالى تعليق غريب من واحدة بتقولى والجوازة الجاية امتى إن شاء الله .. كان نفسى أرد عليها وأقولها لما أمك تتطلق"، وفعلا كنت هارد عليها كده بس هنا قالتلى أنت مجنون.

وتابع:  انا عمرى ما أتكلمت فى اى حاجة شخصية، بس فعلا مش فاهم التعليقات دى هو أنا أتمسكت فى شقة د هانا بتجوز يعنى ، ده غير كمان التعليقات اللى جاتلى أن إزاى أنا وحسين فهمى فى فيلم "الكويسين" وأنا ومنة حسين فهمى انفصلنا.

وأضاف: أنا لو وريتكوا الرسايل اللى جتلى من أستاذ حسين فهمى بعد نجاح الفيلم، قالى مبروك يا احمد على نجاح الفيلم وألف مبروك على الخطوبة، وانا رديت عليه وقلتله الله يبارك فيك يا ريس وألف مبروك لمنة وطارق، يعنى اللى اقصده أن فى شياكة فى الموضوع.

وأستكمل: اللى بيكتب التعليقات دى ميعرفش عنى حاجة ولا يعرف عن هنا الزاهد حاجة ولا يعرف ليه قررنا نتخطب بسرعة رغم إننا أصدقاء زمان وهى اللى عملالى أكونت الانستجرام بتاعى، دى حاجات مكتوبة وليها وقتها مش بتكون مظبط تواريخ ليها، وأنا أتعاملت مع هنا الزاهد وفعلا أبقى شخص حمار لو ضيعتها من إيدى لان فعلا مفيش زيها.

وأختتم حديثه، اى جوازة حصلت فى الفترة الأخيرة زى حسام حبيب وشيرين عبد الوهاب، او معز مسعود وشيرى عادل، نالوا انتقادات على السوشيال بالرغم أنى شايف أن دى حاجة متخصش حد غير أصحاب الشأن.