قالت الفنانة الشابة منة فضالى، إنها دخلت علاقتى حب لكنها لم تنجح وانتهت بالانفصال نتيجة عدم التفاهم، إلى جانب اختيارها الخاطئ، وسوء التوقيت، وصغر سنها، مضيفة "ارتبطت فى لحظة وانفصلت فى لحظة برضوا، تعلمت من هذه التجارب، وفشل العلاقات كانت من الطرف الثانى، حتى اتخذت قرار الانسحاب".

وأضافت "فضالى" خلال حديثها ببرنامج "قالوا وقولنا"، المذاع على التلفزيون المصرى، "الجواز خطوة مش عايزة أخدها وتنتهى بانفصال، عايزة عيلة وأولاد وزوج كويس ومتفاهم ويقدر شغلى، مفيش راجل كامل، بس مش حابة اتزوج وتوصل فى النهاية للانفصال، الرجالة ليهم طريقة واحدة فى التعامل مع الفتيات فى علاقتهم العاطفية".

وتابعت: "لا أثق فى الرجال أدرس اللى قدامى وبعدين أختار، بتعلم من الغلط ومش بكرر الحاجة مرتين، الست أذكى من الراجل بكتير".