الفول.. هو الوجبة الرسمية للمصريين، أول الخيارات عند السؤال عن وجبة الإفطار طوال العام، أو السحور في شهر رمضان.

متبقاش مصري أصيل لو مكلتش مرة على الأقل من على عربية فول، أكلة الأغنياء والفقراء، الأكلة اللي اتجمع عليها الكل، ولكن كثير منا لا يعرف تاريخ الفول فى شهر رمضان وأكله فى وجبة الافطار طول العام.

تاريخ الفول

الفول أكلة عرفها المصريين من أيام الفراعنة، وأصبحت الأكلة الشعبية في وقتها، وفي العصر الحديث انتشرت عرباتها في شوارع مصر، واللي نقدر نعتبرها بداية محال الفول وفروعها اللي ظهرت لأول مرة في أوائل الخمسينيات، وهذه العربيات كان عليها قدرة الفول النحاس المشهورة، وكان الرجل يضعها على نار هادئة لساعات طويلة، ولكن هذا الأمر كانت تعطل وتؤخر مواعيد الناس.

خرج رجل يوناني اسمه الخواجة (ديموس) بفكرة اقتصادية عبقرية، كان لديه حمام شعبي، وفكرة الحمامات تستلزم حرق القمامة لتسخين المواسير المتوصلة للحمام، وبالتالي تسخن المياه، وفكر إنه يدفن قدر الفول داخل فرن الحرق بتاع القمامة، وبكده المواسير تسخن وتوصل المياه الدافئة للحمام، وقدر الفول تدمس في وقت أقصر، وفعلا تنجح الفكرة وتبقى أرض الخواجة ديموس قبلة عربات الفول، وتطلع كلمة المدمس من كلمة ديموس.