قررت أبقى نباتية .. بهذه الكلمات بدأت المذيعة دعاء فاروق طلبها من متابعيها، بأن يقترحوا عليها بعض الأكلات النباتية لأنها قررت أن تتبع هذا النظام فى حياتها لبعض الوقت و استكملت ذلك بشرح عن بعض الأكلات التى قامت بصنعها لنفسها خلال هذه الفترة من أجل أن تشجع نفسها على الاستمرار فقالت:

"مقدرش أقول إني همنع اللحوم تمامًا لإني للأسف بحب الحمام والفراخ واللحم... إنما أخذت قرار عشان أريح معدتي قبل العجن بتاع شم النسيم وفعلا أنا حاليا بقالي 3 أسابيع باكل بقوليات وسلطات ونشويات بس مقلله النشويات شويه... واستبدلت النسكافيه بشاي أخضر بالنعناع ومنعت أي قهوة وبفطر دايما فول أو طعميه مشويه في الفرن بدون زيت ومنعت الجبنة واللبن وباكل يوم في الأسبوع سمك فقط .... كل اللي كان يحكيلي أنه بيعمل كده كنت بقول عليه إنه من بلاد الواق الواق ولا يمكن اتخيل نفسي أقدر أعيش من غير ماكل لحوم بس الموضوع مريح للمعدة بشكل غير طبيعي".

واستكلمت: "أنا بحب البقوليات زي اللوبيا والعدس والفاصوليا البيضاء والحمراء فمش متضايقة... دي أكلاتي اللي انا باكلها أثناء النظام ده... لوبيا وسلطة.. شوربة خضار.. نودلز بالخضار والصويا صوص وزيت الزيتون وعملت كب كيك بالجزر والتمر والشوفان وعين الجمل ولبن جوز الهند صحيح اتحرق بس اتاكل... ممكن تبعتولي أفكار لاكل نباتي لو عندكم عشان مزهقش واصمد".

 

 

 

 

 

من ناحية أخرى تقدم المذيعة دعاء فاروق برنامجى حياتنا  و إسأل دعاء  الذى يتناول الموضوعات الدينية من خلال الشيوخ و الدعاة الذى تقوم بإستضافتهم على شاشة قناة النهار