إعرف حظك اليوم وتوقعات الأبراج معانا كل يوم وياريت متاخدش الكلام على صدرك..ف الأول والأخر انتا اللي بتعمل حظك اليوم وكل يوم بتصرفاتك ف الحياة ومينفعش حد يقولك هتبقى مبسوط النهاردة أو لأ إلا انتا..إنتا بس اللي تقدر تحدد دة اليوم وكل يوم..متنساش دة..صباحك فل وسعادة..

  : كلام جد

ازاي واحدة بتقول انها مبتحبش نفسها زعلانة ان مفيش واحد بيحبها.. هيعمل حاجة انتي فشلتي فيها ازاي يافالحة؟.   

عشان تعرف حظك بشكل كامل .. صفي نيتك ودوس على اسم برجك بإيدك اليمين.

إعرف حظك اليوم برج الحمل بالتفصيل الخميس 1/3/2018 مع عبدالله أحمد..

الحمل: من 21 مارس إلى 19 ابريل

برج الحمل عاطفياً

( الكراش والإكس والبوي فريند والجيرل فريند والجوز والزوجة والقرايب ):

هتقول كلام مهم النهاردة قدام ناس كتير ف الاغلب وهتبقي محط الانظار ومحور الاهتمام.. حاول متضحكش ف النص مش اكتر

برج الحمل عملياً

( الشغل والمذاكرة والتخطيط لبكرة ):

مهم تضحك النهاردة ف اي فرصة متاحة واي وقت متاح للضحك والانبساط مهما كانت الحاجة اللي بتضحك عليها تافهة ف نظر الاخرين.. المهم انها عاجباك انتا وبس.. ث مالاخرين اسمهم اخرين ليه تفتكر؟.. اكيد عشان ناس تانية ومش مهمة ولا مهم تضحك معاك على كل حاجة بتضحك عليها ببراءة

برج الحمل صحياً

( نفسيا وجسمانيا وكل مايخص طاسة المزاج ):

صحيا النهاردة انتا محتاج تضحك علي قد ماتقدر

إعرف توافق برج الحمل مع باقي الأبراج النهاردة:

متوافق مع الابراج الحسواكية والفرفورية والحنتوسية والبرمائية والمائية والهوائية..

إعرف حظك اليوم برج الثور بالتفصيل الخميس 1/3/2018 مع عبدالله أحمد..

الثور : من 20 ابريل إلى 20 مايو

برج الثور عاطفياً

( الكراش والإكس والبوي فريند والجيرل فريند والجوز والزوجة والقرايب ):

جاهز للانبساط والدلع بس ناقصك تاخد القرار وتحس بجية انك مستحق للراحة دي من وجع اتلحياة وتفاصيلها ومخك اللي بيور اربعة وعشرين ساعة ف الاربعة وعشرين ساعة

برج الثور عملياً

( الشغل والمذاكرة والتخطيط لبكرة ): 

صحيا النهاردة انتا محتاج تقف على راسك حبة وتسند رجليك على الحيطة على الاقل لعشر دقايق.. حاسب تقع بس وانتا بتعمل الحركة البهلوانية دي

برج الثور صحياً 

( نفسيا وجسمانيا وكل مايخص طاسة المزاج ):

غذائيا النهاردة تقدر تاكل طبيخ او محاشي وفراخ وطواجن براحتك.. فكك بس من وهم الدايت خالص ياريت

إعرف توافق برج الثور مع باقي الأبراج النهاردة:

متوافق مع الابراج البسكوتية والبربوشية والكتكوتية والبرمائية والنارية والترابية..

إعرف حظك اليوم برج الجوزاء بالتفصيل الخميس 1/3/2018 مع عبدالله أحمد..

الجوزاء: من 21 مايو إلى 20 يونيو

برج الجوزاء عاطفياً 

( الكراش والإكس والبوي فريند والجيرل فريند والجوز والزوجة والقرايب ):

براح وامان ف الطريق اليك.. او بيتزا او بوكيه ورد او شيكولاتاية.. إستعد كويس لكل الاحتمالات دي

برج الجوزاء عملياً 

( الشغل والمذاكرة والتخطيط لبكرة ):

ركز وبطل تخوف نفسك من كل حاجة جديدة ف حياتك وحب نفسك حبة من غير ماتعمل اعلانات عن الموضوع دة خالص اذا سمحت

برج الجوزاء صحياً 

( نفسيا وجسمانيا وكل مايخص طاسة المزاج ):

صحيا النهاردة كل حاجة ماشية كويس بس انتا محتاج فعليا لشاور طويل سخن ومنعش

تعرف على توافق برج الجوزاء مع باقي الأبراج النهاردة:

متوافق مع الابراج البرجماتية والحنكوشية والنباتية والسمكمكية والهوائية..

إعرف حظك اليوم برج السرطان بالتفصيل الخميس 1/3/2018 مع عبدالله أحمد..

السرطان: من 21 يونيو إلى 22 يوليو

برج السرطان عاطفياً 

( الكراش والإكس والبوي فريند والجيرل فريند والجوز والزوجة والقرايب ):

إقرا علامات الحياة النهاردة بنفس مقبلة على الحياة.. انا عارف ان الموضوع صعب عليك حبة.. على الاقل حاول معلش

برج السرطان عملياً 

( الشغل والمذاكرة والتخطيط لبكرة ):

خليك مفتح النهاردة ومصحصح كويس لمصلحتك وبس

برج السرطان صحياً 

(نفسيا وجسمانيا وكل مايخص طاسة المزاج ):

صحتك النهاردة محتاجة منك تهتم بسنانك وبوزنك حبة زي إمبارح بالظبط

تعرف على توافق برج السرطان مع باقي الأبراج النهاردة:

متوافق مع الابراج الحلبسية والكهربائية والبرمائية والكتكوتية والمائية و الترابية والنارية والبهوائية ( اخت الهوائية بس مبهوئة حبة).

إعرف حظك اليوم برج الأسد بالتفصيل الخميس 1/3/2018 مع عبدالله أحمد..

الأسد: من 23 يوليو إلى 22 اغسطس

برج الأسد عاطفياً 

( الكراش والإكس والبوي فريند والجيرل فريند والجوز والزوجة والقرايب ):

محتاج تبقي شيك النهاردة وهادي وعاقل عشان تعرف تتصرف بجنان براحتك النهاردة من غير ما حد يعرف يلومك او يقفشك

برج الأسد عملياً 

( الشغل والمذاكرة والتخطيط لبكرة ):

بتتعب ف اللي بتعمله جدا جدا وبتفكر فيه طول الوقت ودة واخدك من كل الناس اللي حواليك تقريبا وعشان كدة مهم تريح النهاردة حبة لو قدرت تفضي نفسك حبة وتخرج وتتفسح حبة.. هيبقى نشاط جميل فعلا

برج الأسد صحياً 

( نفسيا وجسمانيا وكل مايخص طاسة المزاج ):

صحتك النهاردة محتاجة شوية راحة وانبساط وفرفشة بريئة

تعرف على توافق برج الأسد مع باقي الأبراج النهاردة:

متوافق مع الابراج الفشكولية والباراكودية والسمكمكية والكرِيبّية والإستحواذية والهوائية والمائية والنارية..

إعرف حظك اليوم برج العذراء بالتفصيل الخميس 1/3/2018 مع عبدالله أحمد..

العذراء: من 23 اغسطس إلى 22 سبتمبر

برج العذراء عاطفياً 

( الكراش والإكس والبوي فريند والجيرل فريند والجوز والزوجة والقرايب ):

الونس الحلو النهاردة مهم بس لو مش موجود قشطة عادي اليوم هيعدي عادي على فكرة ف متضايقش نفسك

برج العذراء عملياً 

( الشغل والمذاكرة والتخطيط لبكرة ):

محتاج تحكي وتفضفض مع حد بتحبه او بترتاحله الليلة خصوصا لو كان فعلا بيحب يسمعك مش بيهزلك راسه وخلاص

برج العذراء صحياً 

( نفسيا وجسمانيا وكل مايخص طاسة المزاج ):

صحتك النهاردة زي الفل.. بتشتكي ليه بقى ولما انتا بتشتكي مبتروحش للدكتور تكشف ليه برضة؟

تعرف على توافق برج العذراء مع باقي الأبراج النهاردة:

متوافق مع الابراج البرطمانية والكستبانية والبرمائية والهوائية والترابية والبرمائية..

إعرف حظك اليوم برج الميزان بالتفصيل الخميس 1/3/2018 مع عبدالله أحمد..

الميزان : من 23 سبتمبر إلى 22 اكتوبر

برج الميزان عاطفياً 

( الكراش والإكس والبوي فريند والجيرل فريند والجوز والزوجة والقرايب ):

خليك ف حالك النهاردة ومتشغلش بالك بمين بيعمل ايه ولا بيقول ايه خالص مالص.. كل واحد حر يعمل مصايب ف حياته براحته ملكش دعوة.. ف الاخر كل واحد بيحاسب علي مشاريبه وبس

برج الميزان عملياً 

( الشغل والمذاكرة والتخطيط لبكرة ):

اي مناحة هتمعلها النهاردة هتبقى عواقبها مش كويسة خالص خلي بالك.. فرفش كدة وزقطط من بداية اليوم وعاند ف نكد العالم بكل نفس من هواه بتاخده على صدرك وبكل خطوة بتدوس فيها علي وشه بثقة وجمال ورشاقة

برج الميزان صحياً 

( نفسيا وجسمانيا وكل مايخص طاسة المزاج ):

صحتك النهاردة محتاجة شوية اهتمام بسيط خالص وخصوصا ببشرتك وشعرك ولمعة طرطوفة مناخيرك

تعرف على توافق برج الميزان مع باقي الأبراج النهاردة:

متوافق مع الابراج الدرامية والبحرية والبرميلية والسمكمكية والنيلية والفضية والبربئية والترابية والهوائية..

إعرف حظك اليوم برج العقرب بالتفصيل الخميس 1/3/2018 مع عبدالله أحمد..

العقرب: من 23اكتوبر إلى 21 نوفمبر

برج العقرب عاطفياً 

( الكراش والإكس والبوي فريند والجيرل فريند والجوز والزوجة والقرايب ):

ابعد عن النار ومشتقاتها والناس اللي شبهها تماما عشان متتلسعش النهاردة بدون اي داعي.. جايز يكون شكلهم حلو وكله حياة وحركة وتميز وبيعرفوا ازاي يبهروك ويشدوا انتباهك بس صدقني عمر حبهم قصير وآذاهم خطير ومبيتنسيش بسهولة.. والكلام دة مالوش اي علاقة بالابراج النارية على فكرة عشان محدش يفهم غلط

برج العقرب عملياً 

( الشغل والمذاكرة والتخطيط لبكرة ):

بلاش تهور ورغبة ف إبهار الآخر.. انتا مش محتاج دة اساسا خصوصا وان اللي يعرف قيمتك مش هيحتاج منك كل شوية تثبتله وتشرحله ف تفاصيل القيمة دي الا لو كان حد بيلاعبك ومش مقدر مجهودك وقيمتك بشكل حقيقي

برج العقرب صحياً 

( نفسيا وجسمانيا وكل مايخص طاسة المزاج ):

صحتك النهاردة محتاجة مساج وماسك خيار وزبادي ومزيكا كتير جدا جدا وحاول تنكش شعرك بالليل لمدة لا تقل عن ساعة ولا تزيد عن ساعة ونص

تعرف على توافق برج العقرب مع باقي الأبراج النهاردة:

متوافق مع الابراج الحنكوشية والكهربائية والبرطمانية والكهرمانية والبرمائية والترابية والهوائية والنارية..

إعرف حظك اليوم برج القوس بالتفصيل الخميس 1/3/2018 مع عبدالله أحمد..

القوس: من 22 نوفمبر إلى 21 ديسمبر

برج القوس عاطفياً 

( الكراش والإكس والبوي فريند والجيرل فريند والجوز والزوجة والقرايب ):

متسمعش لحد النهاردة الا لنفسك وقلبك وبس غير كدة لأ.. ثق ف حدسك واحساسك ومش هيضللك ان شاء الله

برج القوس عملياً 

( الشغل والمذاكرة والتخطيط لبكرة ):

الجري كل الجدعنة مش نصها وبس.. خصوصا لما تبقى عامل مصيبة ف نظر العالم بس انتا عارف انها مصيبة صح ولازم تتعمل.. ودة المهم وبس.. العالم بقى يبقى يهتم بنفسه وبمصلحته براحته بقى ملكش فيه ولا تشيل ذنبه

برج القوس صحياً 

( نفسيا وجسمانيا وكل مايخص طاسة المزاج ):

صحتك النهاردة كويسة بس خد بالك من اي وجع مفاجئ تحس بيه مهما كان بسيط عشان جايز جسمك بيقولك حاجة وانتا محتاج تسمعها وتهتم بيها حبة

تعرف على توافق برج القوس مع باقي الأبراج النهاردة:

متوافق مع الابراج الفركتوزية والحبشتكانية والحنجورية والهوائية والنارية والمائية

إعرف حظك اليوم برج الجدي بالتفصيل الخميس 1/3/2018 مع عبدالله أحمد..

الجدى: من 22 ديسمبر إلى 19 يناير

برج الجدي عاطفياً 

( الكراش والإكس والبوي فريند والجيرل فريند والجوز والزوجة والقرايب ):

متستناش حد يقولك المفروض تعمل ايه ومتعملش ايه خصوصا وانك عارف من جواك المفروض تعمل ايه وتقول ايه كويس جدا جدا.. بلاش دلع واتصرف صح من فضلك

برج الجدي عملياً 

( الشغل والمذاكرة والتخطيط لبكرة ):

متفرهدش ف نفسك وف اللي حواليك عشان انتا حيران او خايف.. مهم محدش يحس بخوفك دة او يشم ريحة وجوده حبة.. ميغركش الحضارة اللي احنا فيها دي كلها ابدا.. احنا ف غابة متطورة حبة عن غابة الانسان البدائي

برج الجدي صحياً 

( نفسيا وجسمانيا وكل مايخص طاسة المزاج ):

صحتك النهاردة ماشي حالها جدا وتقدر تكسر بيها الدنيا.. بطل اكتئاب وتشاؤم عشان تقريبا دول اكتر حاجات مفرملة نجاحك وانبساطك ف الدنيا دي كلها

تعرف على توافق برج الجدي مع باقي الأبراج النهاردة:

متوافق مع الابراج البربئية والمونوكرومية والحنتوسية والحلبسية والكشرية والترابية والنارية..

إعرف حظك اليوم برج الدلو بالتفصيل الخميس 1/3/2018 مع عبدالله أحمد..

الدلو: من 20 يناير إلى 18 فبراير

برج الدلو عاطفياً 

( الكراش والإكس والبوي فريند والجيرل فريند والجوز والزوجة والقرايب ):

الحب موجود حواليك ف كل حتة بس غالبا مش مقاسك اليومين دول ف متضايقش نفسك وإحضن قلبك واعتبره مش موجود خصوصا وانه مبيدورش عليك وكل الموجود مجرد لعب معادش له طعم زي زمان خلاص

برج الدلو عملياً 

( الشغل والمذاكرة والتخطيط لبكرة ):

كبر دماغك واحضصن قلبك وداري عليه ومتديهوش لحد ممك نيلعب بيه حبة وبعد كدة يكسره.. بزيادة شروخ وكسور لحد كدة خصوصا وانها بتأثر بشكل مباشر على الجانب العملي من حياتك مهما انكرت دة او ادعيت انه مش حقيقي او انك جامد وبتعرف تفصل كويس

برج الدلو صحياً 

( نفسيا وجسمانيا وكل مايخص طاسة المزاج ):

صحتك اليوم احسن من امبارح حبة ودة كويس بس مازلت محتاج تعتني بنفسك وبتفاصيلك اكتر من كدة وخصوصا موضوع الاكل قبل النوم.. عارفين انك بدأت تبطل العادة المنيلة دي بس محتاج تواظب وتقدر على نفسك اكتر واكتر عشان تخف خالص بإذن الله.. ومتنساش الدوا.. من فضلك يعني

تعرف على توافق برج الدلو مع باقي الأبراج النهاردة:

متوافق مع الابراج الكستبانية والدخانية والمونوكرومية والكتكوتية والبرمائية والكبريتية والجنية والمائية والنارية والخيالية..

إعرف حظك اليوم برج الحوت بالتفصيل الخميس 1/3/2018 مع عبدالله أحمد..

الحوت: من 19 فبراير إلى 20 مارس

برج الحوت عاطفياً 

( الكراش والإكس والبوي فريند والجيرل فريند والجوز والزوجة والقرايب ):

خد بالك عشان في حد قريب منك بيمثل عليك وفاكر انه يقدر يشتغلك

برج الحوت عملياً 

( الشغل والمذاكرة والتخطيط لبكرة ):

بتقدر تميز بسهولة مابين مي نبيحبك بجد ومين عارفك بس لمجرد المصلحة وغالبا بتحب تسيب اللي بيمثل يمثل حبة عشان واثق ف ذكائك وقوتك.. خد بالك عشان الشخص دة خطر وممكن يغرق ويغرقك معاه

برج الحوت صحياً 

( نفسيا وجسمانيا وكل مايخص طاسة المزاج ):

صحيا الدنيا زي الفل النهاردة وتقدر تتمشى وتتعشى وتنبسط وتزقطط براحتك خالص.. كافئ نفسك بحاجة حلوة.. تستاهلها ونص

تعرف على توافق برج الحوت مع باقي الأبراج النهاردة:

متوافق مع الابراج البسبوسية واللولبية والفهلوية والكتكوتية والمستحية والنارية والهوائية