انتشرت خلال الساعات الماضية شائعات حول انفصال الفنان محمود حجازي عن خطيبته أسما شريف منير، بعد الخلافات بينهما خلال الفترة الأخيرة، وهو ما دفع "أسما" لتوضيح حقيقة الأمر عبر حسابها الرسمي بموقع التوصل الإجتماعي "فيس بوك" .

وعلقت أسما علي خبر انفصالها قائلة "أنا طول عمري بحس اَي حاجة بقولها من غير ما أفكر أو أعمل حساب لحاجة واللي عارف عن برج الحمل إنه مندفع و متسرع، و ده أصلاً من أحد عيوبي إني متسرعة و مش صَبورة، و بنسي موضوع Public figure ده خالص مش متعودة، آه بحُكم شغل أبويا كان ممكن حد يعرفني ولا حاجة بس دلوقتي الموضوع بقي مختلف بقيت الناس عرفاني أنا و ده جديد عليا".

وتابعت أسما: "أنا مش بعرف أخبي حاجة كل اللي على قلبي علي لساني فدايماً اَي حاجة بكتب عنها مع كمان إن الناس اللي بتابعني بتزيد فلازم آخد بالي، أصل أنا برضه بتعامل عادي كإني بقول لصحابي بس في ناس إحساسها بيا مش كده، أنا أصل برضه مش بحب أشوف الجانب الوحش، أي حاجة بتسرع و بمشي ورا إحساسي و أكتبها من باب إني بفرغ طاقة زعل أو فرح يقوم هوپ نازل خبر" .

واعترفت أسما: "ساعات ممكن أنزل حاجة وأمسحها عشان مكنش مثلاً توقيتها صح مبلحقش أغير رأيي و أرجع في كلامي بتكون خلاص انتشرت، أنا لسه بتعلم إني أبطل أبقى متسرعة و مندفعة ولازم يكون في خصوصيات في حياتي شوية عشان برضه إنتوا مش بترحموا، اللي بيقع مبتسموش عليه.. أنا قلت أقولكم اللي في قلبي ههههه هتعلم هتعلم" .

واختتمت "أسما" كلامها قائلة "عموماً أهم حاجة بقي إنتوا وحشتوني يلا أنا كنت بس في لخبطة ورجعالكم نلعب مع بعض و أقدملكم حاجات تفيدكم و تفيدني.. بحبكم وأكيد فهمتوا أنا قصدي أيه.. (كله تمام)".

وأثار البوست تساؤل العديد من أصدقائها من خلال الكومنتات التي سألتها حول حقيقة انفصالها عن خطيبها محمود حجازي، لتؤكد "أسما" كذب هذه الإشاعات بالرد عليهم بالنفي.

اقرأ أيضا..

"ابن الوز".. أبناء هؤلاء النجوم يخوضون أولى تجاربهم الفنية في 2018