إعرف حظك اليوم وتوقعات الأبراج معانا كل يوم وياريت متاخدش الكلام على صدرك..ف الأول والأخر انتا اللي بتعمل حظك اليوم وكل يوم بتصرفاتك ف الحياة ومينفعش حد يقولك هتبقى مبسوط النهاردة أو لأ إلا انتا..إنتا بس اللي تقدر تحدد دة اليوم وكل يوم..متنساش دة..صباحك فل وسعادة..

  : كلام جد

 تقدر تقول ان السوشي محشي سمك وتقدر تقول ان الممبار سوشي الفقراء.. الاتنين يمشوا عادي على فكرة.   

عشان تعرف حظك بشكل كامل .. صفي نيتك ودوس على اسم برجك بإيدك اليمين.

إعرف حظك اليوم برج الحمل بالتفصيل الاثنين 19/2/2018 مع عبدالله أحمد..

الحمل: من 21 مارس إلى 19 ابريل

برج الحمل عاطفياً

( الكراش والإكس والبوي فريند والجيرل فريند والجوز والزوجة والقرايب ):

محتاج الحب والدلع ومستكبر.. يافرحة الطبيعة الأم بيك والله.. يازين ماجبتي ياختي

برج الحمل عملياً

( الشغل والمذاكرة والتخطيط لبكرة ):

بركان فرحة مستخبي جواك ومحتاج منك تدور عليه كويس بنفسك ومتستناش اي علامات من العالم.. إنبسط وعاند ف نكد الحياة.. دة حقك المكتسب بوجودك ف العالم وحق وجدانك عليك... إنبسط.

برج الحمل صحياً

( نفسيا وجسمانيا وكل مايخص طاسة المزاج ):

صحيا النهاردة انتا محتاج تهتم بصحتك وبمزاجك حبة ياريت وبلاش طناش وشكوى ف الفاضية والمليانة.. كفاية دعاية لأحزانك وابتدي شوف حلول بقى..

إعرف توافق برج الحمل مع باقي الأبراج النهاردة:

متوافق مع الابراج الحسواكية والفرفورية والحنتوسية والبرمائية والترابية والهوائية..

إعرف حظك اليوم برج الثور بالتفصيل الاثنين 19/2/2018 مع عبدالله أحمد..

الثور : من 20 ابريل إلى 20 مايو

برج الثور عاطفياً

( الكراش والإكس والبوي فريند والجيرل فريند والجوز والزوجة والقرايب ):

نقي توجه مشاعرك لمين وياريت يكون يستحقها عشان عيب فعلا انك ترمي مشاعرك ف الاتجاه الغلط لمجرد انك حاسس بالوحدة.. نقي كويس

برج الثور عملياً

( الشغل والمذاكرة والتخطيط لبكرة ): 

سفر ف الطريق اليك.. جايز يكون سفر لخارج مربعك الجغرافي وممكن يكون سفر ف الخيال.. ف الحالتين حاول تتفاءل خير.. جايز التغيير اللي انتا خايف منه يكون ف مصلحتك.. مين يعرف.. جرب وشوف كدة.

برج الثور صحياً 

( نفسيا وجسمانيا وكل مايخص طاسة المزاج ):

صحيا النهاردة انتا محتاج التمشية والونس وقعدة الصحاب بشكل كبير هيفرق ف مودك ومزاجك بشكل إيجابي..

إعرف توافق برج الثور مع باقي الأبراج النهاردة:

متوافق مع الابراج البسكوتية والبربوشية والكتكوتية والمائية والترابية والنارية والبرمائية..

إعرف حظك اليوم برج الجوزاء بالتفصيل الاثنين 19/2/2018 مع عبدالله أحمد..

الجوزاء: من 21 مايو إلى 20 يونيو

برج الجوزاء عاطفياً 

( الكراش والإكس والبوي فريند والجيرل فريند والجوز والزوجة والقرايب ):

مود غريب وعجيب بيلعب جواك النهاردة.. نص عاوز يفرفش وينبسط ويرقص ونص مش شاغل دماغه غير بالعيوب والحاجات اللي ناقصة.. ف الحالتين متقلقش.. انتا ذكي بالفطرة وهتعرف تتصرف.. ثق ف كدة.

برج الجوزاء عملياً 

( الشغل والمذاكرة والتخطيط لبكرة ):

هتحتاج كل ذكائك وبراعتك عشان تعرف تعمل اللي انتا بتفكر فيه.. كمان خد بالك انك لازم تبان عاقل ودي حاجة صعبة حبة عليك..

برج الجوزاء صحياً 

( نفسيا وجسمانيا وكل مايخص طاسة المزاج ):

صحيا النهاردة محتاجة اهتمام وخصوصا ضهرك وكعوب رجليك.. جايز محتاج مساج وجايز محتاج تاكل كويس وجايز محتاج تريح حبة وتنام ساعة زيادة..

تعرف على توافق برج الجوزاء مع باقي الأبراج النهاردة:

متوافق مع الابراج البرجماتية والحنكوشية والنباتية والنارية والمائية والهوائية..

إعرف حظك اليوم برج السرطان بالتفصيل الاثنين 19/2/2018 مع عبدالله أحمد..

السرطان: من 21 يونيو إلى 22 يوليو

برج السرطان عاطفياً 

( الكراش والإكس والبوي فريند والجيرل فريند والجوز والزوجة والقرايب ):

حاجتين تبعد عنهم النهاردة لو سمحت وبعد إذنك.. التكشير والتفكير العميق الكتير..

برج السرطان عملياً 

( الشغل والمذاكرة والتخطيط لبكرة ):

القلق مش حل لأي مشكلة بتواجهك خصوصا وان الحياة مليانة حواليك فرص حلوة وجايز احلي وأجمل مما تتخيل.. روق انتا بس وكبر دماغك حبة.. مش أكتر.

برج السرطان صحياً 

(نفسيا وجسمانيا وكل مايخص طاسة المزاج ):

صحتك النهاردة ماشي حالها بس انتا محتاج شيكولاتة او ايس كريم او دلع برئ بشكل عاجل.. او التلات حاجات ورا بعض بنفس الترتيب دة

تعرف على توافق برج السرطان مع باقي الأبراج النهاردة:

متوافق مع الابراج الحلبسية والكهربائية والبرمائية والكتكوتية والنارية والترابية والمائية..

إعرف حظك اليوم برج الأسد بالتفصيل الاثنين 19/2/2018 مع عبدالله أحمد..

الأسد: من 23 يوليو إلى 22 اغسطس

برج الأسد عاطفياً 

( الكراش والإكس والبوي فريند والجيرل فريند والجوز والزوجة والقرايب ):

قدامك بحر حب كبير وأزرق.. هو جايز رخم حبة وتقيل حبتين بس جايز ورا البرود دة قلب بيعرف يحب بجد.. مين يعرف.. مين يعرف

برج الأسد عملياً 

( الشغل والمذاكرة والتخطيط لبكرة ):

محدش بينازع سلطاتك التخيلية ف اي حاجة.. بطل الوهم دة وركز ف حاجة واحدة بس النهاردة.. ازاي تنجح وتاخد وضعك المستحق بمجهودك وذكائك.. مش بالاستحواذ على كل حاجة ابدا.. ركز وفوق كدة وشوف اللي وراك بهمة عالية.

برج الأسد صحياً 

( نفسيا وجسمانيا وكل مايخص طاسة المزاج ):

صحتك النهاردة زي الفل وماشي حالها وبتتنطط كمان.. شوية فرفشة بس بعيد عن اي مذاكرة او شغل هتخليها تبرعش وتفرفش وتبقى اخر فرقعة وطعطعة..

تعرف على توافق برج الأسد مع باقي الأبراج النهاردة:

متوافق مع الابراج الفشكولية والباراكودية والسمكمكية والهوائية والنارية والمائية..

إعرف حظك اليوم برج العذراء بالتفصيل الاثنين 19/2/2018 مع عبدالله أحمد..

العذراء: من 23 اغسطس إلى 22 سبتمبر

برج العذراء عاطفياً 

( الكراش والإكس والبوي فريند والجيرل فريند والجوز والزوجة والقرايب ):

ركز ازاي تبقى شخص محبوب.. مش شخص كل اللي بيعمله هو انه قاعد مستني يتحب فجأة..

برج العذراء عملياً 

( الشغل والمذاكرة والتخطيط لبكرة ):

بتتخيل دايما ان الاجواء حواليك مليانة نفسنة وغيرة وأحقاد رخيصة وبتنسى انك ممكن تخلص من كل الواغش دة ببساطة وبدون اي حروب او صراعات تذكر.. مجرد تبان وتلمع بموهبتك وشطارتك وبس.. غير كدة حاول متنشرش الإكتئاب بين الناس اللي حواليك او اللي بتحاول تساعدك وتاخد بإيدك.. أولا عشان دة تصرف عيب وثانيا عشان دة مش حل لأي حاجة ابدا ابدا.. وانتا عارف كدة.

برج العذراء صحياً 

( نفسيا وجسمانيا وكل مايخص طاسة المزاج ):

صحتك النهاردة فل الفل بس ياريت تراعي قولونك حبة ف الاكل معلش عشان ميزعلكش طول الليل..

تعرف على توافق برج العذراء مع باقي الأبراج النهاردة:

متوافق مع الابراج البرطمانية والكستبانية والبرمائية والنارية والترابية والهوائية والمائية..

إعرف حظك اليوم برج الميزان بالتفصيل الاثنين 19/2/2018 مع عبدالله أحمد..

الميزان : من 23 سبتمبر إلى 22 اكتوبر

برج الميزان عاطفياً 

( الكراش والإكس والبوي فريند والجيرل فريند والجوز والزوجة والقرايب ):

حواليك كتير بيقولوك كلمة بحبك بس انتا مش عاوز تسمعها غير من شخص واحد بس بعيد ومش واخد باله اصلا ف الاغلب..

برج الميزان عملياً 

( الشغل والمذاكرة والتخطيط لبكرة ):

تاكل وبراحتك وبمزاجك ودي حاجة مش من حق حد يتدخل فيها اصلا.. وإتقل على الفلوس حبة عشان مسيرها تيجي ان شاء الله.. مفيش فايدة من النكد بقى وانتا قاعد مستنيها.. فرفش احسن طول ما الفرفشة ببلاش.. فرفش ياجدع بلا نكد بلا كلام فاضي.

برج الميزان صحياً 

( نفسيا وجسمانيا وكل مايخص طاسة المزاج ):

صحتك النهاردة في حاجة إلي القليل من تكبير الدماغ.. حاول متبقاش زي الكاميرا ماشي ف كل حتة تسجل ف تفاصيل.. كدة هتتعب وهتصدع ومش هتعرف تنام بعمق.. بلاش.. كبر دماغك احسن حبة

تعرف على توافق برج الميزان مع باقي الأبراج النهاردة:

متوافق مع الابراج الدرامية والبحرية والبرميلية والسمكمكية والنيلية والفضية والهوائية والبرمائية والترابية..

إعرف حظك اليوم برج العقرب بالتفصيل الاثنين 19/2/2018 مع عبدالله أحمد..

العقرب: من 23اكتوبر إلى 21 نوفمبر

برج العقرب عاطفياً 

( الكراش والإكس والبوي فريند والجيرل فريند والجوز والزوجة والقرايب ):

من حقك تتحب طبعا ومن حقك تحدد تحب مين بس صعب اوي تحدد مين يحبك ومين ميحبكش.. المفروض دي حاجة بديهية تبقى عارفها.. ولا ايه..

برج العقرب عملياً 

( الشغل والمذاكرة والتخطيط لبكرة ):

اليوم كله نشاط ورغبة وحماس.. نشن على الاهداف السهلة الاول وبعد كدة ابقى خش بدماغك ف حيطان الاهداف الصعبة براحتك.. المنطق بيقول كدة.. كمان ياريت متعملش زعارير ف شعرك خالص الليلة عشان العكوسات.

برج العقرب صحياً 

( نفسيا وجسمانيا وكل مايخص طاسة المزاج ):

صحتك النهاردة محتاجة نشاط رياضي وشوية جيمز كدة تفرفش بيهم خيالك حبة

تعرف على توافق برج العقرب مع باقي الأبراج النهاردة:

متوافق مع الابراج الحنكوشية والكهربائية والبرطمانية والكهرمانية والترابية والبرمائية والنارية..

إعرف حظك اليوم برج القوس بالتفصيل الاثنين 19/2/2018 مع عبدالله أحمد..

القوس: من 22 نوفمبر إلى 21 ديسمبر

برج القوس عاطفياً 

( الكراش والإكس والبوي فريند والجيرل فريند والجوز والزوجة والقرايب ):

تركيزك كله رايح لشغلك وللجانب العملي اليومين دول ودي حاجة تحترم وكويسة طبعا ومن حقك تنجح بس ياريت تفتكر اللي بيحبوك بالليل بمكالمة او رسالة حلوة.. يستاهلوا الدعم دة بقوة بصراحة وانتا عارف كدة كويس..

برج القوس عملياً 

( الشغل والمذاكرة والتخطيط لبكرة ):

هتحتاج رأي تاني جنب رأيك وعين تانية جنب عينك ومخ مختلف بيفكر بطريقة مختلفة عن مخك عشان تعرف تعمل اللي بتفكر فيه بنجاح حقيقي ومستمر.. ومتقلقش.. هتنجح يعني هتنجح.. دي حاجة مفيهاش كلام.

برج القوس صحياً 

( نفسيا وجسمانيا وكل مايخص طاسة المزاج ):

صحتك النهاردة تمام وماشي حالها بس ياريت تهتم حبة بصحتك بشكل إحتياطي تحسبا لأي حاجة برضة

تعرف على توافق برج القوس مع باقي الأبراج النهاردة:

متوافق مع الابراج الفركتوزية والحبشتكانية والحنجورية والهوائية والترابية والنارية..

إعرف حظك اليوم برج الجدي بالتفصيل الاثنين 19/2/2018 مع عبدالله أحمد..

الجدى: من 22 ديسمبر إلى 19 يناير

برج الجدي عاطفياً 

( الكراش والإكس والبوي فريند والجيرل فريند والجوز والزوجة والقرايب ):

إخرج من القوقعة النفسية وإنبسط وعيش النهاردة بثقة.. بكرة دايما فيه فرص أحسن وناس أجمل.. إفتكر دة كويس.. بكرة مش ملك حد.. بكرة مش ملك حد.

برج الجدي عملياً 

( الشغل والمذاكرة والتخطيط لبكرة ):

اللي فات فات ومات خلاص واحنا ولاد النهاردة وبس.. إجترار الأحزان ممنوش رجا ولا فايدة.. ركز ف المستقبل وبس.. أحلامك سقفها السما..

برج الجدي صحياً 

( نفسيا وجسمانيا وكل مايخص طاسة المزاج ):

صحتك النهاردة تمام بس ياريت تتقل حبة ف الهدوم عشان الجو قلاب اليومين دول وأخر غدر

تعرف على توافق برج الجدي مع باقي الأبراج النهاردة:

متوافق مع الابراج البربئية والمونوكرومية والحنتوسية والحلبسية والكشرية والبرمائية والمائية والنارية..

إعرف حظك اليوم برج الدلو بالتفصيل الاثنين 19/2/2018 مع عبدالله أحمد..

الدلو: من 20 يناير إلى 18 فبراير

برج الدلو عاطفياً 

( الكراش والإكس والبوي فريند والجيرل فريند والجوز والزوجة والقرايب ):

جايز جنانك هو اجمل حاجة فيك.. جايز يكون سبب نجاحك بعدين ف الحياة.. جايز هو بصمتك ف الحياة اللي المفروض متغيرهاش ولا تتخلى عنها عشان اي حاجة أو أي حد.. حافظ علي جنانك دة وحطله مية وأكل ومتسيبش العالم يعقلك ابدا.. إوعى.

برج الدلو عملياً 

( الشغل والمذاكرة والتخطيط لبكرة ):

إشتغل من نار اليومين دول ومتقولش لأ لأي فرصة نجاح مهما بدت ليك ضئيلة او متستاهلش.. محدش يعرف الخير فين ابدا..

برج الدلو صحياً 

( نفسيا وجسمانيا وكل مايخص طاسة المزاج ):

صحتك اليوم بتتحسن ببطء ودي حاجة منعشة وجميلة بس ياريت تبعد عن العيش والجبنة لو بيتعبولك معدتك.. مش أكتر

تعرف على توافق برج الدلو مع باقي الأبراج النهاردة:

متوافق مع الابراج الكستبانية والدخانية والمونوكرومية والكتكوتية والبرمائية والمائية والنارية والهوائية..

إعرف حظك اليوم برج الحوت بالتفصيل الاثنين 19/2/2018 مع عبدالله أحمد..

الحوت: من 19 فبراير إلى 20 مارس

برج الحوت عاطفياً 

( الكراش والإكس والبوي فريند والجيرل فريند والجوز والزوجة والقرايب ):

ركز تعمل شغلك بايديك عشان دي حاجة ممكن تكون مصدر قوتك الحقيقية ضد تقلبات الايام اللي جاية.. كمان الشغل اليدوي علاج لأي هموم وقاتل للإكتئاب بجد..

برج الحوت عملياً 

( الشغل والمذاكرة والتخطيط لبكرة ):

ركز تعمل شغلك بايديك عشان دي حاجة ممكن تكون مصدر قوتك الحقيقية ضد تقلبات الايام اللي جاية.. كمان الشغل اليدوي علاج لأي هموم وقاتل للإكتئاب بجد..

برج الحوت صحياً 

( نفسيا وجسمانيا وكل مايخص طاسة المزاج ):

صحيا انتا تمام النهاردة بس ياريت تعمل اي تمرينات رياضية بسيطة عشان تحس بادفا مش أكتر..

تعرف على توافق برج الحوت مع باقي الأبراج النهاردة:

متوافق مع الابراج البسبوسية واللولبية والفهلوية والكتكوتية والمستحية والنارية والهوائية والترابية.