إعرف حظك اليوم وتوقعات الأبراج معانا كل يوم وياريت متاخدش الكلام على صدرك..ف الأول والأخر انتا اللي بتعمل حظك اليوم وكل يوم بتصرفاتك ف الحياة ومينفعش حد يقولك هتبقى مبسوط النهاردة أو لأ إلا انتا..إنتا بس اللي تقدر تحدد دة اليوم وكل يوم..متنساش دة..صباحك فل وسعادة..

  : كلام جد

تخيل سمكة قرش مدمنة على المكرونة بالبشاميل.

عشان تعرف حظك بشكل كامل .. صفي نيتك ودوس على اسم برجك بإيدك اليمين.

إعرف حظك اليوم برج الحمل بالتفصيل السبت 17/2/2018 مع عبدالله أحمد..

الحمل: من 21 مارس إلى 19 ابريل

برج الحمل عاطفياً

( الكراش والإكس والبوي فريند والجيرل فريند والجوز والزوجة والقرايب ):

تحت اي بند متقعدش مكشر وضارب بوز ومنكوش ومش متسرح النهاردة يابرج الحمل..إياك ثم ف إياك.. الكوكب مش ناقص عكوسات الله يباركلك.

برج الحمل عملياً

( الشغل والمذاكرة والتخطيط لبكرة ):

النهاردة يوم مناسب جدا عشان تقفل على نفسك وتعمل حفلة لنفسك مع نفسك وتديها رقص وفرفشة وزقططة وعند ف نكد الحياة

برج الحمل صحياً

( نفسيا وجسمانيا وكل مايخص طاسة المزاج ):

صحيا النهاردة انتا محتاج تهتم بعينك حبة زيادة يامعلم عشان واضح ان تقلبات الفصول مروقاها حساسية.. زى إمبارح بالظبط

إعرف توافق برج الحمل مع باقي الأبراج النهاردة:

متوافق مع الابراج الحسواكية والفرفورية والحنتوسية والبرمائية والنارية والهوائية..

إعرف حظك اليوم برج الثور بالتفصيل السبت 17/2/2018 مع عبدالله أحمد..

الثور : من 20 ابريل إلى 20 مايو

برج الثور عاطفياً

( الكراش والإكس والبوي فريند والجيرل فريند والجوز والزوجة والقرايب ):

مهم تخرج بالليل مع حد لطيف بيحب يسمعك وبيحب يبقى حواليك بشكل برئ مفيهوش أي نوع من انواع المصلحة.

برج الثور عملياً

( الشغل والمذاكرة والتخطيط لبكرة ): 

انتا بتتعب عشان مصلحتك مش عشان حد معين بيقولك اتعب.. ركز ف الاهداف الحياتية الكبيرة عشان تعرف تنجح وتتحقق وتنبسط وسيبك من الناس اللي بيتهيألها ان مصاير الناس لعبة ف ايديها.. دي كلها ناس مؤقتة ف حياتك ومسيرك تتخطاهم.. اوعى تزهق وتخليهم يفشلوك.. إوعى

برج الثور صحياً 

( نفسيا وجسمانيا وكل مايخص طاسة المزاج ):

صحيا النهاردة انتا محتاج تقاوم وتتحرك وتتحمس ومتخليش حد يصيبك باليآس لمجرد انه فاشل ف حياته او حاسس انه كتير على الكوكب..

إعرف توافق برج الثور مع باقي الأبراج النهاردة:

متوافق مع الابراج البسكوتية والبربوشية والكتكوتية والمائية والنارية والبرمائية..

إعرف حظك اليوم برج الجوزاء بالتفصيل السبت 17/2/2018 مع عبدالله أحمد..

الجوزاء: من 21 مايو إلى 20 يونيو

برج الجوزاء عاطفياً 

( الكراش والإكس والبوي فريند والجيرل فريند والجوز والزوجة والقرايب ):

يوم مناسب بشدة للتخطيط للمستقبل القريب ومناسب للطبيخ والفاكهة والمكرونة برضة.

برج الجوزاء عملياً 

( الشغل والمذاكرة والتخطيط لبكرة ):

يوم مناسب للأعمال الفنية بشكل عام.. ابعد عن الناس وعن الرغي وابدع براحتك.. دة حقك ف الحياة

برج الجوزاء صحياً 

( نفسيا وجسمانيا وكل مايخص طاسة المزاج ):

صحيا النهاردة تقدر تعمل اي حاجة تهب ف دماغك المهم ميكونش فيها اذى لصحتك ومتكونش حاجة هتنسيك تاكل كويس جدا الليلة

تعرف على توافق برج الجوزاء مع باقي الأبراج النهاردة:

متوافق مع الابراج البرجماتية والحنكوشية والنباتية والنارية والترابية والهوائية..

إعرف حظك اليوم برج السرطان بالتفصيل السبت 17/2/2018 مع عبدالله أحمد..

السرطان: من 21 يونيو إلى 22 يوليو

برج السرطان عاطفياً 

( الكراش والإكس والبوي فريند والجيرل فريند والجوز والزوجة والقرايب ):

ملاحظاتك اللاذعة بتخسرك ناس كتير طول الوقت.. حاول تخف حبة من مبرد لسانك على قلوب الناس.. حاول مش أكتر.. الموضوع مش إجباري.

برج السرطان عملياً 

( الشغل والمذاكرة والتخطيط لبكرة ):

خليك رايق النهاردة وإسرح مع المزيكا الحلوة وبس..

برج السرطان صحياً 

(نفسيا وجسمانيا وكل مايخص طاسة المزاج ):

صحتك النهاردة محتاجة حبة اهتمام خفيف بسيط للإطمئنان فقط.. مش أكتر

تعرف على توافق برج السرطان مع باقي الأبراج النهاردة:

متوافق مع الابراج الحلبسية والكهربائية والبرمائية والكتكوتية والهوائية والنارية والمائية..

إعرف حظك اليوم برج الأسد بالتفصيل السبت 17/2/2018 مع عبدالله أحمد..

الأسد: من 23 يوليو إلى 22 اغسطس

برج الأسد عاطفياً 

( الكراش والإكس والبوي فريند والجيرل فريند والجوز والزوجة والقرايب ):

في حد هيقولك حاجة النهاردة هو فاكر انها مهمة جدا.. حاول متكسرش بخاطره وإعمل نفسك مهتم معلش.

برج الأسد عملياً 

( الشغل والمذاكرة والتخطيط لبكرة ):

طول مانتا بتعمل اللي وراك وزيادة حتة كمان يبقى محدش له عندك حاجة ولا حد من حقه يحاسبك او يتلككلك اساسا.. خليك زي مانتا كبير ف نفسك وفكك منهم..

برج الأسد صحياً 

( نفسيا وجسمانيا وكل مايخص طاسة المزاج ):

صحتك النهاردة محتاجة نزهة تفاريحية كدة تفك فيها الكيس وتدلع روحك بأي حاجة حلوة بالليل..

تعرف على توافق برج الأسد مع باقي الأبراج النهاردة:

متوافق مع الابراج الفشكولية والباراكودية والسمكمكية والترابية والنارية والمائية..

إعرف حظك اليوم برج العذراء بالتفصيل السبت 17/2/2018 مع عبدالله أحمد..

العذراء: من 23 اغسطس إلى 22 سبتمبر

برج العذراء عاطفياً 

( الكراش والإكس والبوي فريند والجيرل فريند والجوز والزوجة والقرايب ):

دور على اللون التركواز النهاردة ف كل حاجة وإمشى وراه وانتا متطمن.

برج العذراء عملياً 

( الشغل والمذاكرة والتخطيط لبكرة ):

خد بالك النهاردة عشان في فرص هتبقى متاحة للتألق والنجاح بس محتاجة مجهود زيادة مش حد بيتعامل مع الشغل بروح الموظف.. خد بالك كويس..

برج العذراء صحياً 

( نفسيا وجسمانيا وكل مايخص طاسة المزاج ):

صحتك النهاردة تمام وزي الفل بس حاول بس تهتم اهتمام زيادة النهاردة ببشرتك وبعينيك..

تعرف على توافق برج العذراء مع باقي الأبراج النهاردة:

متوافق مع الابراج البرطمانية والكستبانية والبرمائية والنارية والهوائية والمائية..

إعرف حظك اليوم برج الميزان بالتفصيل السبت 17/2/2018 مع عبدالله أحمد..

الميزان : من 23 سبتمبر إلى 22 اكتوبر

برج الميزان عاطفياً 

( الكراش والإكس والبوي فريند والجيرل فريند والجوز والزوجة والقرايب ):

لازم تركز وتبذل كل طاقتك ف التركيز عشان تفلح ف الدنيا دي امال انتا فاكر ايه.. الصح دايما صعب.. الصح دايما صعب

برج الميزان عملياً 

( الشغل والمذاكرة والتخطيط لبكرة ):

صحتك النهاردة ماشي حالها بس حاول تخرج بسرعة من المود الضلمة دة قبل ما يأثر على مزاجك وصحتك..

برج الميزان صحياً 

( نفسيا وجسمانيا وكل مايخص طاسة المزاج ):

غذائيا النهاردة تقدر تتجه للمكرونة بالبشاميل او للفراخ.. الاتنين كويسين وزي الفل

تعرف على توافق برج الميزان مع باقي الأبراج النهاردة:

متوافق مع الابراج الدرامية والبحرية والبرميلية والسمكمكية والنيلية والفضية والهوائية والنارية والبرمائية..

إعرف حظك اليوم برج العقرب بالتفصيل السبت 17/2/2018 مع عبدالله أحمد..

العقرب: من 23اكتوبر إلى 21 نوفمبر

برج العقرب عاطفياً 

( الكراش والإكس والبوي فريند والجيرل فريند والجوز والزوجة والقرايب ):

يوم أخضر جميل وبراح وفيه قدر كبير جدا من الجمال المجاني والطيبة والسماح.. حاول تاكل تفاح.

برج العقرب عملياً 

( الشغل والمذاكرة والتخطيط لبكرة ):

خد بالك النهاردة كويس وخليك منتبه كدة ومصحصح عشان النهاردة يوم مميز جدا وممكن ميحصلش فيه اي حاجة تضايقك.. ركز كويس بقى

برج العقرب صحياً 

( نفسيا وجسمانيا وكل مايخص طاسة المزاج ):

غذائيا النهاردة تقدر تتجه للصواني والمحاشي وخصوصا محشي الفلفل والبتنجان سواء الابيض او الاسود

تعرف على توافق برج العقرب مع باقي الأبراج النهاردة:

متوافق مع الابراج الحنكوشية والكهربائية والبرطمانية والكهرمانية والهوائية والبرمائية والنارية..

إعرف حظك اليوم برج القوس بالتفصيل السبت 17/2/2018 مع عبدالله أحمد..

القوس: من 22 نوفمبر إلى 21 ديسمبر

برج القوس عاطفياً 

( الكراش والإكس والبوي فريند والجيرل فريند والجوز والزوجة والقرايب ):

خلي تليفونك مشحون وجاهز عشان احتمال تجيلك مكالمة حلوة من حد صوته حلو جدا ف التليفون بس انما ف الطبيعة صوته عادي يعني..

برج القوس عملياً 

( الشغل والمذاكرة والتخطيط لبكرة ):

دماغ تحليلية ذكية النهاردة.. ركز بقى عشان هتنفعك وهتكشفلك حاجات كتير النهاردة انتا مكنتش واخد بالك منها ف السابق.

برج القوس صحياً 

( نفسيا وجسمانيا وكل مايخص طاسة المزاج ):

صحتك النهاردة كويسة ومفرفشة وتقدر تعمل اي حاجة من الحاجات الشريرة اللي نفسك تعملها براحتك..

تعرف على توافق برج القوس مع باقي الأبراج النهاردة:

متوافق مع الابراج الفركتوزية والحبشتكانية والحنجورية والمائية والهوائية والنارية..

إعرف حظك اليوم برج الجدي بالتفصيل السبت 17/2/2018 مع عبدالله أحمد..

الجدى: من 22 ديسمبر إلى 19 يناير

برج الجدي عاطفياً 

( الكراش والإكس والبوي فريند والجيرل فريند والجوز والزوجة والقرايب ):

الدايت مش بيظبط معاك عشان انتا بتعامل جسمك معاملة ناشفة وشديدة ومش واخد بالك ان وزنك مرتبط بحالتك النفسية وبالتالي لازم تبقى حنين عليه حبة وتصبر ومتتخانقش مع نفسك ف المراية ف كل مرة بتشوف فيها كرشك..

برج الجدي عملياً 

( الشغل والمذاكرة والتخطيط لبكرة ):

الدايت الحقيقي دايت القلب مش أي حاجة تانية على فكرة.. مش أكتر

برج الجدي صحياً 

( نفسيا وجسمانيا وكل مايخص طاسة المزاج ):

صحتك النهاردة تمام بس انتا محتاج تبطل تكدة نفسك عشان بتخس او بتتخن بدون سبب مفهوم.. جايز روحك مش مستريحة ف جسمك ولا حاجة ومحتاجة نمرة اوسع..

تعرف على توافق برج الجدي مع باقي الأبراج النهاردة:

متوافق مع الابراج البربئية والمونوكرومية والحنتوسية والحلبسية والكشرية والبرمائية والترابية والنارية..

إعرف حظك اليوم برج الدلو بالتفصيل السبت 17/2/2018 مع عبدالله أحمد..

الدلو: من 20 يناير إلى 18 فبراير

برج الدلو عاطفياً 

( الكراش والإكس والبوي فريند والجيرل فريند والجوز والزوجة والقرايب ):

حيران تفرح وتزقطط ولا تتنكد وتكتئب.. لو قسمت وقتك كويس هتقدر تعمل الاتنين النهاردة بشكل ناجح وجميل.

برج الدلو عملياً 

( الشغل والمذاكرة والتخطيط لبكرة ):

فرفش وكبر دماغك مفيش حاجة مستاهلة يتزعلا عليها اصلا ف الكوكب الازرق ف اخضر دة اساسا

برج الدلو صحياً 

( نفسيا وجسمانيا وكل مايخص طاسة المزاج ):

صحتك اليوم بتتحسن ونفسها تخف خالص بس انتا اللي مش مديها فرصة على فكرة

تعرف على توافق برج الدلو مع باقي الأبراج النهاردة:

متوافق مع الابراج الكستبانية والدخانية والمونوكرومية والكتكوتية والبرمائية والمائية والنارية والترابية..

إعرف حظك اليوم برج الحوت بالتفصيل السبت 17/2/2018 مع عبدالله أحمد..

الحوت: من 19 فبراير إلى 20 مارس

برج الحوت عاطفياً 

( الكراش والإكس والبوي فريند والجيرل فريند والجوز والزوجة والقرايب ):

متتكسفش وعبر عن نفسك براحتك النهاردة.. متخافش..

برج الحوت عملياً 

( الشغل والمذاكرة والتخطيط لبكرة ):

بتفكر جديا تعمل حاجة جديدة ف شعرك بدل ماتعمل حاجة ف حد من الناس اللي مضايقينك

برج الحوت صحياً 

( نفسيا وجسمانيا وكل مايخص طاسة المزاج ):

صحيا انتا زي الفل ومزاجك رايق وغالبا في حد معجب بيك ف السر..

تعرف على توافق برج الحوت مع باقي الأبراج النهاردة:

متوافق مع الابراج البسبوسية واللولبية والفهلوية والكتكوتية والمستحية والنارية والترابية.