إعرف حظك اليوم وتوقعات الأبراج معانا كل يوم وياريت متاخدش الكلام على صدرك..ف الأول والأخر انتا اللي بتعمل حظك اليوم وكل يوم بتصرفاتك ف الحياة ومينفعش حد يقولك هتبقى مبسوط النهاردة أو لأ إلا انتا..إنتا بس اللي تقدر تحدد دة اليوم وكل يوم..متنساش دة..صباحك فل وسعادة..

  : كلام جد

ال?الانتين أحسن وقت للطلاق.. بتبقى فعلا ذكرى متتنسيش.

عشان تعرف حظك بشكل كامل .. صفي نيتك ودوس على اسم برجك بإيدك اليمين.

إعرف حظك اليوم برج الحمل بالتفصيل الاثنين 12/2/2018 مع عبدالله أحمد..

الحمل: من 21 مارس إلى 19 ابريل

برج الحمل عاطفياً

( الكراش والإكس والبوي فريند والجيرل فريند والجوز والزوجة والقرايب ):

حافظ علي اتزانك النهاردة على قد ماتقدر وبلاش تهور وطيش.. إعقل كدة وإركز وإنبسط بهدوء وثقة.. بلاش مصايب عشان انتا مش ناقص مصايب.

برج الحمل عملياً

( الشغل والمذاكرة والتخطيط لبكرة ):

الهارموني النهاردة مهمة جدا ف كل حاجة.. مهم تتوحد مع الطبيعة وتسمعلها حبة.. مهم تتوه حبة ف شكل سحاب السما وهو بيلف حواليك.. مهم تبص للقمر بالليل زي مابيبصلك بالظبط ولو لدقيقة.. مش أكتر..

برج الحمل صحياً

( نفسيا وجسمانيا وكل مايخص طاسة المزاج ):

صحيا النهاردة انتا زي الفل.. حاول بس تاكل كويس وتلعب كويس وتغني برضة كويس جدا.. زي إمبارح بالظبط.. وياريت تحافظ على صحتك حبة زيادة معلش عشان خاطر نفسك مش حد تاني..

إعرف توافق برج الحمل مع باقي الأبراج النهاردة:

متوافق مع الابراج الحسواكية والفرفورية والحنتوسية والبرمائية والنارية والهوائية..

إعرف حظك اليوم برج الثور بالتفصيل الاثنين 12/2/2018 مع عبدالله أحمد..

الثور : من 20 ابريل إلى 20 مايو

برج الثور عاطفياً

( الكراش والإكس والبوي فريند والجيرل فريند والجوز والزوجة والقرايب ):

إبعد عن الكهربا النهاردة خالص وعن اي حاجة بتشتغل بالكهربا.

برج الثور عملياً

( الشغل والمذاكرة والتخطيط لبكرة ): 

النهاردة مهم جدا تخطط للايام اللي جاية ولو بخيال بسيط على ورق.. حدد اهدافك لنفسك مش اكتر وببساطة.. دة هيريحك نفسيا جدا وخصوصا ف مواجهة قلق ماقبل النوم..

برج الثور صحياً 

( نفسيا وجسمانيا وكل مايخص طاسة المزاج ):

صحيا النهاردة انتا محتاج تاخد بالك من صحتك بشكل عام

إعرف توافق برج الثور مع باقي الأبراج النهاردة:

متوافق مع الابراج البسكوتية والبربوشية والكتكوتية والترابية والنارية والمائية والبرمائية..

إعرف حظك اليوم برج الجوزاء بالتفصيل الاثنين 12/2/2018 مع عبدالله أحمد..

الجوزاء: من 21 مايو إلى 20 يونيو

برج الجوزاء عاطفياً 

( الكراش والإكس والبوي فريند والجيرل فريند والجوز والزوجة والقرايب ):

هتحس النهاردة إحساسات جميلة جدا وهتشوف ف خيالك حاجات حلوة جدا جدا.. صفي نيتك بس ومتشاكلش مع حد خالص.

برج الجوزاء عملياً 

( الشغل والمذاكرة والتخطيط لبكرة ):

تقدر تغني النهاردة براحتك سواء قدام حد او لوحدك.. غني وبراحتك.. دة فال خير كبير ليك اساسا..

برج الجوزاء صحياً 

( نفسيا وجسمانيا وكل مايخص طاسة المزاج ):

صحيا النهاردة انتا محتاج شوية اهتمام بضهرك وبكعوب رجليك..

تعرف على توافق برج الجوزاء مع باقي الأبراج النهاردة:

متوافق مع الابراج البرجماتية والحنكوشية والنباتية والنارية والترابية والهوائية..

إعرف حظك اليوم برج السرطان بالتفصيل الاثنين 12/2/2018 مع عبدالله أحمد..

السرطان: من 21 يونيو إلى 22 يوليو

برج السرطان عاطفياً 

( الكراش والإكس والبوي فريند والجيرل فريند والجوز والزوجة والقرايب ):

المود النهاردة فيه شوائب إكتئاب وحزن بسيط خالص رغم انك بتحاول تتظاهر ان مفيش حاجة حصلت وبتنكر انك متضايق.. بص.. مش عيب تتضايق ولا عيب تبين انك متضايق.. اهو على الاقل حقك تعبر عن مكنونات صدرك وقلبك وعقلك بدل ماتحوش كل حاجة وتكبتها جواك وتتوجع وانتا ساكت.. إتكلم واشتكي وبراحتك.

برج السرطان عملياً 

( الشغل والمذاكرة والتخطيط لبكرة ):

امشي ورا الحاجات الحلوة اللي تنعشك وتفرفشك النهاردة وثق انك هتنجح ف حياتك.. الموضوع متعب ومقرف بس يستاهل .. النتايج الحلوة على الاقل تستاهل..

برج السرطان صحياً 

(نفسيا وجسمانيا وكل مايخص طاسة المزاج ):

صحتك النهاردة متأثرة حبة بمزاجك ومودك.. ف ايدك لوحدك تحس انك تمام او لأ.. غير كدة محدش يقدر لا يقولك ولا يقررلك القرار دة الا نفسك وبس

تعرف على توافق برج السرطان مع باقي الأبراج النهاردة:

متوافق مع الابراج الحلبسية والكهربائية والبرمائية والمائية والهوائية والكتكوتية والنارية..

إعرف حظك اليوم برج الأسد بالتفصيل الاثنين 12/2/2018 مع عبدالله أحمد..

الأسد: من 23 يوليو إلى 22 اغسطس

برج الأسد عاطفياً 

( الكراش والإكس والبوي فريند والجيرل فريند والجوز والزوجة والقرايب ):

هتحتاج تنقي صحبتك النهاردة كويس جدا خصوصا وانك هتحتاج حد تطمنله كويس ومفيش من ناحيته اي قلق عشان تعملوا سوا المصايب اللي بتخططلها ف السر بثقة.

برج الأسد عملياً 

( الشغل والمذاكرة والتخطيط لبكرة ):

بلاش تخترع لنفسك مشاكل من العدم.. انتا مشس محتاج دة ف حياتك خالص اليومين دول.. عدي اليوم بروقان وإنجاز وبس

برج الأسد صحياً 

( نفسيا وجسمانيا وكل مايخص طاسة المزاج ):

صحتك النهاردة فل وتمام وكيرف طاقتك عالي ف السما ماشاء الله..

تعرف على توافق برج الأسد مع باقي الأبراج النهاردة:

متوافق مع الابراج الفشكولية والباراكودية والسمكمكية والترابية والهوائية والنارية..

إعرف حظك اليوم برج العذراء بالتفصيل الاثنين 12/2/2018 مع عبدالله أحمد..

العذراء: من 23 اغسطس إلى 22 سبتمبر

برج العذراء عاطفياً 

( الكراش والإكس والبوي فريند والجيرل فريند والجوز والزوجة والقرايب ):

متتواجدش النهاردة ف مكان مهواش شيك وديكوره معمول بمزاج وذوق.. بلاش.

برج العذراء عملياً 

( الشغل والمذاكرة والتخطيط لبكرة ):

خيالك مهرب حلو من المشاكل مفيش كلام بس مينفعش تهرب الليلة اكتر من ساعة مش اكتر..

برج العذراء صحياً 

( نفسيا وجسمانيا وكل مايخص طاسة المزاج ):

صحتك النهاردة قشطة عليها بس خد بالك من العكوسات اللي ممكن يسببها اللون الأخضر ف الهدوم او الاصفر..

تعرف على توافق برج العذراء مع باقي الأبراج النهاردة:

متوافق مع الابراج البرطمانية والكستبانية والبرمائية والنارية والترابية والمائية..

إعرف حظك اليوم برج الميزان بالتفصيل الاثنين 12/2/2018 مع عبدالله أحمد..

الميزان : من 23 سبتمبر إلى 22 اكتوبر

برج الميزان عاطفياً 

( الكراش والإكس والبوي فريند والجيرل فريند والجوز والزوجة والقرايب ):

هتحس النهاردة انك متشتت مابين مشاعرك اللي بتتخانق مع بعضها.. ياترى تتنكد ولا تفرفش وتزقطط وتنبسط.. إختار اللي يعجبك بس خد بالك ان النكد مينفعش رياضة وممنوش فايدة ف الاخر لأن الحياة مبتعبرش اللي بيتقمص منها.

برج الميزان عملياً 

( الشغل والمذاكرة والتخطيط لبكرة ):

شد حيلك كدة وتآلق النهاردة.. الفرص سانحة وجاهزة ومقشرة.. بطل خوف واتحرك بشجاعة وثقة بدون ماتبقى مغرور او حاسس بنفسك بزيادة..

برج الميزان صحياً 

( نفسيا وجسمانيا وكل مايخص طاسة المزاج ):

صحتك النهاردة كويسة بس خد بالك من اي حد عنده برد حواليك ليعديك..

تعرف على توافق برج الميزان مع باقي الأبراج النهاردة:

متوافق مع الابراج الدرامية والبحرية والبرميلية والسمكمكية والنيلية والفضية والترابية والبرمائية..

إعرف حظك اليوم برج العقرب بالتفصيل الاثنين 12/2/2018 مع عبدالله أحمد..

العقرب: من 23اكتوبر إلى 21 نوفمبر

برج العقرب عاطفياً 

( الكراش والإكس والبوي فريند والجيرل فريند والجوز والزوجة والقرايب ):

هتحصل حاجة النهاردة ف حياتك او قدامك هتحسسك ف الاول انها خطر ونكد بس لو صبرت ومنفعلتش او اتسرعت هتاخد بالك انها جاية ف مصلحتك.. مش العكس ابدا.

برج العقرب عملياً 

( الشغل والمذاكرة والتخطيط لبكرة ):

تجاوز وعدي ومتقفش عند مشاكل صغنتتة تافهة وتعمل منها مشاكل مهمة وضخمة لمجرد انها مضايقاك وخنقاك.. كبر دماغك وعدي اليوم أحسن وهتنبسط بالليل.. ثق ف دة

برج العقرب صحياً 

( نفسيا وجسمانيا وكل مايخص طاسة المزاج ):

صحتك النهاردة محتاجة منك تسقي دماغك ف طبق مية سخنة بشوية شاور چيل نص ساعة مش أكتر

تعرف على توافق برج العقرب مع باقي الأبراج النهاردة:

متوافق مع الابراج الحنكوشية والكهربائية والبرطمانية والكهرمانية والترابية والهوائية والنارية..

إعرف حظك اليوم برج القوس بالتفصيل الاثنين 12/2/2018 مع عبدالله أحمد..

القوس: من 22 نوفمبر إلى 21 ديسمبر

برج القوس عاطفياً 

( الكراش والإكس والبوي فريند والجيرل فريند والجوز والزوجة والقرايب ):

متهيصش مع اللي بيهيصوا وخليك زي مانتا دايما.. مع نفسك وبتعمل وتقول اللي ف دماغك وبس.. ودة الصح النهاردة بصراحة.

برج القوس عملياً 

( الشغل والمذاكرة والتخطيط لبكرة ):

ريلاكس النهاردة وخليك مع المزيكا وخلص اللي وراك بهدوء وتركيز وبس..

برج القوس صحياً 

( نفسيا وجسمانيا وكل مايخص طاسة المزاج ):

صحتك النهاردة زي الفل.. جايز يكون في اثار كسل بس هتقهره بسهولة لما تخش ف المود وتنشغل ف حاجة بتحبها..

تعرف على توافق برج القوس مع باقي الأبراج النهاردة:

متوافق مع الابراج الفركتوزية والحبشتكانية والحنجورية والمائية والترابية والنارية..

إعرف حظك اليوم برج الجدي بالتفصيل الاثنين 12/2/2018 مع عبدالله أحمد..

الجدى: من 22 ديسمبر إلى 19 يناير

برج الجدي عاطفياً 

( الكراش والإكس والبوي فريند والجيرل فريند والجوز والزوجة والقرايب ):

إتشعبط النهاردة بكل قوتك ف اسباب الفرحة والمرح ف حياتك.. متستسلمش ابدا لأي نكد ومتسلفش حد فلوس.. مالوش لازمة بنط الجدعنة التخيلي دة الليلة خالص.

برج الجدي عملياً 

( الشغل والمذاكرة والتخطيط لبكرة ):

نفسيتك بتتحسن وثقتك بنفسك بترجعه واحدة واحدة عشان انتا مبتزهقش من محاولة تحسين اوضاعك ف الحياة.. على وضعك النهاردة علي وضعك..

برج الجدي صحياً 

( نفسيا وجسمانيا وكل مايخص طاسة المزاج ):

صحتك النهاردة محتاجة نفسية صافية وحركة واثقة ونشاط مستمر..

تعرف على توافق برج الجدي مع باقي الأبراج النهاردة:

متوافق مع الابراج البربئية والمونوكرومية والحنتوسية والحلبسية والكشرية والبرمائية والترابية والنارية..

إعرف حظك اليوم برج الدلو بالتفصيل الاثنين 12/2/2018 مع عبدالله أحمد..

الدلو: من 20 يناير إلى 18 فبراير

برج الدلو عاطفياً 

( الكراش والإكس والبوي فريند والجيرل فريند والجوز والزوجة والقرايب ):

هتحمي حد تعرفه وبتحترمه وتقدره من انه يآذي نفسه بمجرد انك تسمعه وتستوعبه وتفهم كل الكلام اللي محبوس جواه ف صدره ومش عارف يقوله.. مش بقولك انتا مهم للكوكب وللحضارة الانسانية بشكل عام.

برج الدلو عملياً 

( الشغل والمذاكرة والتخطيط لبكرة ):

اشتغل من نار وركز ومتقلقش ابدا.. انتا شاطر والشطارة تضمنلك تنجح طول مانتا مركز ومثابر ومستمر.. متشغلش بالك بأي نميمة خالص.. مالوش لازمة

برج الدلو صحياً 

( نفسيا وجسمانيا وكل مايخص طاسة المزاج ):

صحتك اليوم محتاجة منك تكتر حبة ف السوايل وعصير البقدونس على وجه الخصوص وبلاش اكل مسبك

تعرف على توافق برج الدلو مع باقي الأبراج النهاردة:

متوافق مع نفسك وبس زي إمبارح وان كان ممكن تتوافق بشكل ما غامض مع اي برج كتكوتي ف نفسه ولطيف ومش مزعج

إعرف حظك اليوم برج الحوت بالتفصيل الاثنين 12/2/2018 مع عبدالله أحمد..

الحوت: من 19 فبراير إلى 20 مارس

برج الحوت عاطفياً 

( الكراش والإكس والبوي فريند والجيرل فريند والجوز والزوجة والقرايب ):

متبصش للناس وتتشحتف.. جايز اللي انتا متخيل انه ناقصك ف الحياة مجرد حاجة من بعيد شكلها حلو وبس.. إنما لو قربت منها الصورة هتبكسل.. جايز.. مين يعرف

برج الحوت عملياً 

( الشغل والمذاكرة والتخطيط لبكرة ):

محتاج بشدة تشتغل حاجات من ابداعك الشخصي مش تقليد لأي حد تاني.. الموضوع جايز يبانلك صعب ف آوله بس.. انما لو سكرت حدة البدايات هتوصل لنهايات حلوة جدا ونتايج ف مصلحتك العملية والنفسية بالتأكيد..

برج الحوت صحياً 

( نفسيا وجسمانيا وكل مايخص طاسة المزاج ):

صحيا انتا ف حالة مستقرة وتمام جدا.. محتاج بس تقعد ساعة الليلة لوحدك تستف وتنظم فيضان افكارك مش اكتر.. وبلاش حساسية من حد ف الكلام.. بلاش

تعرف على توافق برج الحوت مع باقي الأبراج النهاردة:

متوافق مع الابراج البسبوسية واللولبية والفهلوية والكتكوتية والمستحية والنارية والترابية.