إعرف حظك اليوم وتوقعات الأبراج معانا كل يوم وياريت متاخدش الكلام على صدرك..ف الأول والأخر انتا اللي بتعمل حظك اليوم وكل يوم بتصرفاتك ف الحياة ومينفعش حد يقولك هتبقى مبسوط النهاردة أو لأ إلا انتا..إنتا بس اللي تقدر تحدد دة اليوم وكل يوم..متنساش دة..صباحك فل وسعادة..

  : كلام جد

زعلانة عشان ضحك عليكي ولا عشان انتي اللي معرفتيش تضحكي عليه.

عشان تعرف حظك بشكل كامل .. صفي نيتك ودوس على اسم برجك بإيدك اليمين.

إعرف حظك اليوم برج الحمل بالتفصيل الثلاثاء 6/2/2018 مع عبدالله أحمد..

الحمل: من 21 مارس إلى 19 ابريل

برج الحمل عاطفياً

( الكراش والإكس والبوي فريند والجيرل فريند والجوز والزوجة والقرايب ):

المود النهاردة فيه معيلة بشكل كبير.. من حقك تجيب بلالين والوان وترسم وتنفخ البلالين وترقص وتزقطط وتنبسط براحتك.. براحتك دة حقك.. اوعى تتكسف منه.

برج الحمل عملياً

( الشغل والمذاكرة والتخطيط لبكرة ):

النهاردة اجازة من النكد.. دور على سعادتك براحتك النهاردة..

برج الحمل صحياً

( نفسيا وجسمانيا وكل مايخص طاسة المزاج ):

صحيا انتا تمام.. اتحرك وفرفش براحتك النهاردة ياريت وابعد عن اي نكد من اي نوع زي امبارح بالظبط..

إعرف توافق برج الحمل مع باقي الأبراج النهاردة:

متوافق مع الابراج الحسواكية والفرفورية والحنتوسية والبرمائية والترابية والنارية والهوائية..

إعرف حظك اليوم برج الثور بالتفصيل الثلاثاء 6/2/2018 مع عبدالله أحمد..

الثور : من 20 ابريل إلى 20 مايو

برج الثور عاطفياً

( الكراش والإكس والبوي فريند والجيرل فريند والجوز والزوجة والقرايب ):

روحك مستريحة ف جسمك النهاردة وقلبك على استعداد يحب ويبرعش ويبقى اخر طعطعة.. اديله فرصة بس ومتخافش عليه..

برج الثور عملياً

( الشغل والمذاكرة والتخطيط لبكرة ): 

بلاش سلف او جمعيات او اقساط النهاردة.. بلاش..

برج الثور صحياً 

( نفسيا وجسمانيا وكل مايخص طاسة المزاج ):

صحيا النهاردة مهم تتدفى بالليل كويس ومتتخدعش ف جو بالنهار لو حر..

إعرف توافق برج الثور مع باقي الأبراج النهاردة:

متوافق مع الابراج البسكوتية والبربوشية والكتكوتية والترابية والمائية والنارية والبرمائية..

إعرف حظك اليوم برج الجوزاء بالتفصيل الثلاثاء 6/2/2018 مع عبدالله أحمد..

الجوزاء: من 21 مايو إلى 20 يونيو

برج الجوزاء عاطفياً 

( الكراش والإكس والبوي فريند والجيرل فريند والجوز والزوجة والقرايب ):

متلعبش مع حد أي العاب شر النهاردة لمجرد انك حابب تتسلى مش أكتر.. بلاش عشان هترجع تزعل والله

برج الجوزاء عملياً 

( الشغل والمذاكرة والتخطيط لبكرة ):

هتحقق نجاح النهاردة ف حاجة بسيطة بس هتبسطك جدا.. قشطة عليك..

برج الجوزاء صحياً 

( نفسيا وجسمانيا وكل مايخص طاسة المزاج ):

هتحقق نجاح النهاردة ف حاجة بسيطة بس هتبسطك جدا.. قشطة عليك..

تعرف على توافق برج الجوزاء مع باقي الأبراج النهاردة:

متوافق مع الابراج البرجماتية والحنكوشية والنباتية والنارية والهوائية..

إعرف حظك اليوم برج السرطان بالتفصيل الثلاثاء 6/2/2018 مع عبدالله أحمد..

السرطان: من 21 يونيو إلى 22 يوليو

برج السرطان عاطفياً 

( الكراش والإكس والبوي فريند والجيرل فريند والجوز والزوجة والقرايب ):

ركز كدة وصفي دماغك كويس النهاردة عشان احتمال كبير يكون يوم مميز جدا ف حياتك.. مجرد احتمال.. مش وعد..

برج السرطان عملياً 

( الشغل والمذاكرة والتخطيط لبكرة ):

خد بالك وخليك مصصح من اول اليوم عشان هتكتشف حاجة مهمة الليلة.. إستمتع..

برج السرطان صحياً 

(نفسيا وجسمانيا وكل مايخص طاسة المزاج ):

صحتك النهاردة تمام بس ياريت تتفاءل حبة وتحاول تضحك حبة من قلبك خصوصا بالليل..

تعرف على توافق برج السرطان مع باقي الأبراج النهاردة:

متوافق مع الابراج الحلبسية والكهربائية والكتكوتية والبرمائية والترابية والنارية والهوائية..

إعرف حظك اليوم برج الأسد بالتفصيل الثلاثاء 6/2/2018 مع عبدالله أحمد..

الأسد: من 23 يوليو إلى 22 اغسطس

برج الأسد عاطفياً 

( الكراش والإكس والبوي فريند والجيرل فريند والجوز والزوجة والقرايب ):

خد بالك يابرج الأسد النهاردة كويس انتا بتعامل اللي بيحبوك ازاي.. خد بالك وركز كويس بليز..

برج الأسد عملياً 

( الشغل والمذاكرة والتخطيط لبكرة ):

في عدوانية غالبا طالعة منك انتا مش حاسسها بشكل واضح ودة ممكن جدا يزعل الناس منك.. ف على ايه.. خليك نايس النهاردة احسن وبص لقدام مش ف اللي فات.. لسة قدامك ايام حلوة كتير..

برج الأسد صحياً 

( نفسيا وجسمانيا وكل مايخص طاسة المزاج ):

صحتك النهاردة زي الفل يابرنس.. قوم بس واتحرك وانبسط ومتشغلش بالك بحاجة..

تعرف على توافق برج الأسد مع باقي الأبراج النهاردة:

متوافق مع الابراج الفشكولية والباراكودية والسمكمكية والهوائية والنارية والترابية..

إعرف حظك اليوم برج العذراء بالتفصيل الثلاثاء 6/2/2018 مع عبدالله أحمد..

العذراء: من 23 اغسطس إلى 22 سبتمبر

برج العذراء عاطفياً 

( الكراش والإكس والبوي فريند والجيرل فريند والجوز والزوجة والقرايب ):

طالما بتهتم بشعرك النهاردة وشايفه ناعم وجميل يبقى متقلقش من اي حاجة من اي نوع..

برج العذراء عملياً 

( الشغل والمذاكرة والتخطيط لبكرة ):

تتفاءل او تتشاءم مش هتفرق.. المهم تخلص اللي وراك بحب وتفاني واخلاص وبس.. خد بالك ان اي حاجة بتعملها على الكوكب دة ف وشك بشكل مباشر وهتتحط ف سي في الحياة بتاعك وهتفرق جدا لو في كائنات عاقلة من كواكب تانية حبت تسفرك عندهم اعارة ولا حاجة.

برج العذراء صحياً 

( نفسيا وجسمانيا وكل مايخص طاسة المزاج ):

صحتك النهاردة ماشي حالها.. حاول تعمل اي نشاط رياضي من اي نوع انشالله تتاوب وتتمطع كتير وانتا قاعد.. هيتحسب نشاط برضة..

تعرف على توافق برج العذراء مع باقي الأبراج النهاردة:

متوافق مع الابراج البرطمانية والكستبانية والبرمائية والترابية والنارية والهوائية..

إعرف حظك اليوم برج الميزان بالتفصيل الثلاثاء 6/2/2018 مع عبدالله أحمد..

الميزان : من 23 سبتمبر إلى 22 اكتوبر

برج الميزان عاطفياً 

( الكراش والإكس والبوي فريند والجيرل فريند والجوز والزوجة والقرايب ):

متبقاش بتاع مصلحتك بشكل مفضوح وواضح.. حاول تداري الموضوع دة حبة معلش عشان متبقاش مفقوس بزيادة كدة..

برج الميزان عملياً 

( الشغل والمذاكرة والتخطيط لبكرة ):

ساعة تمشية لوحدك ف اي حتة لطيفة بالليل.. ولا تفكر ف شغل ولا مذاكرة ولا اي حاجة ولا حد.. روق دماغك حبة..

برج الميزان صحياً 

( نفسيا وجسمانيا وكل مايخص طاسة المزاج ):

صحتك النهاردة كويسة بس ياريت متنخدعش ف حرارة الجو عشان هيرجع يسقع بالليل..

تعرف على توافق برج الميزان مع باقي الأبراج النهاردة:

متوافق مع الابراج الدرامية والبحرية والبرميلية والسمكمكية والنيلية والفضية والبرمائية..

إعرف حظك اليوم برج العقرب بالتفصيل الثلاثاء 6/2/2018 مع عبدالله أحمد..

العقرب: من 23اكتوبر إلى 21 نوفمبر

برج العقرب عاطفياً 

( الكراش والإكس والبوي فريند والجيرل فريند والجوز والزوجة والقرايب ):

اللي يتكلم واللي يقول يقول.. سيبك منهم ومتعبرهمش..

برج العقرب عملياً 

( الشغل والمذاكرة والتخطيط لبكرة ):

العالم النهاردة غيران منك.. غيرانين من جمالك وحلاوتك.. مش أكتر..

برج العقرب صحياً 

( نفسيا وجسمانيا وكل مايخص طاسة المزاج ):

صحتك النهاردة تمام وزي الفل.. محتاج تتحب بس وتسمع كلام حلو كتير بزيادة..

تعرف على توافق برج العقرب مع باقي الأبراج النهاردة:

متوافق مع الابراج الحنكوشية والبرطمانية والترابية والهوائية والنارية..

إعرف حظك اليوم برج القوس بالتفصيل الثلاثاء 6/2/2018 مع عبدالله أحمد..

القوس: من 22 نوفمبر إلى 21 ديسمبر

برج القوس عاطفياً 

( الكراش والإكس والبوي فريند والجيرل فريند والجوز والزوجة والقرايب ):

لو الغضب المكتوم جواك هو اللي هيتكلم لما تفتح بوقك يبقى تسكت احسن..

برج القوس عملياً 

( الشغل والمذاكرة والتخطيط لبكرة ):

فكر ف المكسب مش ف الخسارة النهاردة.. بص لقدام وبس

برج القوس صحياً 

( نفسيا وجسمانيا وكل مايخص طاسة المزاج ):

صحتك النهاردة محتاجة عصير حلو منعش تنقيه على ذوقك ويكون فريش مش معلب ولا عليه اي مواد حافظة من اي نوع..

تعرف على توافق برج القوس مع باقي الأبراج النهاردة:

متوافق مع الابراج الفركتوزية والحبشتكانية والحنجورية والمائية والهوائية والترابية

إعرف حظك اليوم برج الجدي بالتفصيل الثلاثاء 6/2/2018 مع عبدالله أحمد..

الجدى: من 22 ديسمبر إلى 19 يناير

برج الجدي عاطفياً 

( الكراش والإكس والبوي فريند والجيرل فريند والجوز والزوجة والقرايب ):

مزاجك موجه عالي النهاردة وممكن ينجح ف انه يغرق سفن الاحزان اللي متخفية وعاملة نفسها نص نقل محملة بتنجان..

برج الجدي عملياً 

( الشغل والمذاكرة والتخطيط لبكرة ):

ركز وابتدي صفحة جديدة ف حياتك.. انتا عندك كل مؤهلات النجاح واهمها الاهتمام والطموح والموهبة والقدرة على تعلم اي حاجة تحبها وتركز فيها.. انجح وبراحتك.. دة حقك

برج الجدي صحياً 

( نفسيا وجسمانيا وكل مايخص طاسة المزاج ):

صحتك كويسة وماشي حالها النهاردة.. استغل دة ف الخير..

تعرف على توافق برج الجدي مع باقي الأبراج النهاردة:

متوافق مع الابراج البربئية والمونوكرومية والحنتوسية والحلبسية والهوائية والبرمائية

إعرف حظك اليوم برج الدلو بالتفصيل الثلاثاء 6/2/2018 مع عبدالله أحمد..

الدلو: من 20 يناير إلى 18 فبراير

برج الدلو عاطفياً 

( الكراش والإكس والبوي فريند والجيرل فريند والجوز والزوجة والقرايب ):

الف سلامة عليك وعلى أحلامك من النكد.. حاول متاكلش وتنام مكانك لو سمحت.. مليون مرة نقول الكلام دة..

برج الدلو عملياً 

( الشغل والمذاكرة والتخطيط لبكرة ):

ايه فايدة كل الناس اللي عاملة زحمة فظيعة حواليك دي لما مفيش حد فيهم بيبقى موجود لما تحتاجه او لما تحس بوحدة حقيقية؟.. واضح انهم موجودين بدافع الفضول او المصلحة.. مش أكتر..

برج الدلو صحياً 

( نفسيا وجسمانيا وكل مايخص طاسة المزاج ):

صحتك تمام النهاردة.. ميشغلكش العالم ف حاجة انبسوط ومتشلش همه.. هو نفسه مش مهتم اساسا والله..

تعرف على توافق برج الدلو مع باقي الأبراج النهاردة:

متوافق مع الابراج الكستبانية والدخانية والمونوكرومية والمائية والهوائية والبرمائية..

إعرف حظك اليوم برج الحوت بالتفصيل الثلاثاء 6/2/2018 مع عبدالله أحمد..

الحوت: من 19 فبراير إلى 20 مارس

برج الحوت عاطفياً 

( الكراش والإكس والبوي فريند والجيرل فريند والجوز والزوجة والقرايب ):

خد بالك من سقف عقلك النهاردة عشان ممكن يشقق ويقع من كتر مابتهري وتنكت ف نفسك ع الفاضية والمليانة..

برج الحوت عملياً 

( الشغل والمذاكرة والتخطيط لبكرة ):

ريح نفسك حبة ياحبيبي لتدوخ وتقع.. مش كدة.. بالراحة.. بالراحة..

برج الحوت صحياً 

( نفسيا وجسمانيا وكل مايخص طاسة المزاج ):

صحيا النهاردة انتا زي الفل.. ارجوك متنكدش على نفسك بقى بدون داعي.. اليوم حلو وجميل ومنعش غصبن عن اي حد..

تعرف على توافق برج الحوت مع باقي الأبراج النهاردة:

متوافق مع الابراج البسبوسية واللولبية والفهلوية والنارية والترابية.