إعرف حظك اليوم وتوقعات الأبراج معانا كل يوم وياريت متاخدش الكلام على صدرك..ف الأول والأخر انتا اللي بتعمل حظك اليوم وكل يوم بتصرفاتك ف الحياة ومينفعش حد يقولك هتبقى مبسوط النهاردة أو لأ إلا انتا..إنتا بس اللي تقدر تحدد دة اليوم وكل يوم..متنساش دة..صباحك فل وسعادة..

  : كلام جد

تميز الانسان عن باقي الكائنات بالوعي..بس هو تقريبا اكتفى بالمعلومة..مش بالاستفادة منها.

عشان تعرف حظك بشكل كامل .. صفي نيتك ودوس على اسم برجك بإيدك اليمين.

إعرف حظك اليوم برج الحمل بالتفصيل الخميس 1/2/2018 مع عبدالله أحمد..

الحمل: من 21 مارس إلى 19 ابريل

برج الحمل عاطفياً

( الكراش والإكس والبوي فريند والجيرل فريند والجوز والزوجة والقرايب ):

إبعد عن الأنانية وخليك قريب كدة للي بيحبوك وراعي ان مش كلهم فاهمينك زي مانتا فاكر.. صعب تتوقع من حد بيحبك يقرا افكارك بمجرد الاحساس كدة وخلاص.. لازم تتكلم وتشرح معلش عشان تتفهم وتتقدر صح..

برج الحمل عملياً

( الشغل والمذاكرة والتخطيط لبكرة ):

اعمل خير النهاردة واثبت انك مش اناني ولا حاجة واني ظالم ومفتري عليك.. حقك بصراحة..

برج الحمل صحياً

( نفسيا وجسمانيا وكل مايخص طاسة المزاج ):

صحيا انتا تمام وزي الفل طول مابتنام كوس وبتاكل كويس.. دي حاجة معروفة يعني 

إعرف توافق برج الحمل مع باقي الأبراج النهاردة:

متوافق مع الإصرار علي إنكار أي حاجة وكل حاجة النهاردة زي إمبارح وأول إمبارح وكل يوم تقريبا..بس مسيرك هتواجه..

إعرف حظك اليوم برج الثور بالتفصيل الخميس 1/2/2018 مع عبدالله أحمد..

الثور : من 20 ابريل إلى 20 مايو

برج الثور عاطفياً

( الكراش والإكس والبوي فريند والجيرل فريند والجوز والزوجة والقرايب ):

النهاردة أجازة من الحظ يابرج الثور.. إعتمد على روحك حبة انا مش كل يوم هاقولك تعمل ايه ومتعملش ايه..

برج الثور عملياً

( الشغل والمذاكرة والتخطيط لبكرة ): 

اعمل اللي يعجبك ويريحك.. براحتك

برج الثور صحياً 

( نفسيا وجسمانيا وكل مايخص طاسة المزاج ):

صحتك انتا ادرى بيها وبمطالبها من اي حد ف الكون

إعرف توافق برج الثور مع باقي الأبراج النهاردة:

متوافق مع الابراج البسكوتية والبربوشية والكتكوتية والترابية والنارية والهوائية والمائية..

إعرف حظك اليوم برج الجوزاء بالتفصيل الخميس 1/2/2018 مع عبدالله أحمد..

الجوزاء: من 21 مايو إلى 20 يونيو

برج الجوزاء عاطفياً 

( الكراش والإكس والبوي فريند والجيرل فريند والجوز والزوجة والقرايب ):

متقلقش.. وجودك ف الكون حلو وحبوب ومفيد وجميل ومهم جدا جدا.. مهم تفضل موجود وتسأل عنه خصوصا وانه معادش في حد بيهتم

برج الجوزاء عملياً 

( الشغل والمذاكرة والتخطيط لبكرة ):

ركز مع النجاح اليومين دول ومع مستقبلك عشان تنجح وتفلح ومتخافش لا من الزحمة ولا من الناس.. انتا رقيق اه ولتتكسف بس مش جبان ابدا.. بالعكس تماما

برج الجوزاء صحياً 

( نفسيا وجسمانيا وكل مايخص طاسة المزاج ):

صحيا النهاردة انتا زي الفل ومنطلق وحر ودي اهم حاجة ف الدنيا بالنسبالك..

تعرف على توافق برج الجوزاء مع باقي الأبراج النهاردة:

متوافق مع الابراج البرجماتية والحنكوشية والنباتية والهوائي والترابية

إعرف حظك اليوم برج السرطان بالتفصيل الخميس 1/2/2018 مع عبدالله أحمد..

السرطان: من 21 يونيو إلى 22 يوليو

برج السرطان عاطفياً 

( الكراش والإكس والبوي فريند والجيرل فريند والجوز والزوجة والقرايب ):

حاجات كنت مأجلها ومطنشها ولازم تتحسم النهاردة وتحدد موقفك تجاهها.. انا لو منك اهرب

برج السرطان عملياً 

( الشغل والمذاكرة والتخطيط لبكرة ):

حاول ياتواجه النهاردة ياتهرب.. ف كلا من الحالتين انتا صح متقلقش..

برج السرطان صحياً 

(نفسيا وجسمانيا وكل مايخص طاسة المزاج ):

صحتك كويسة النهاردة بس ياريت تهتم حبة بنوعية اكلك وبلاش عك.. بلاش..

تعرف على توافق برج السرطان مع باقي الأبراج النهاردة:

متوافق مع الابراج الحلبسية والكهربائية والكتكوتية والبرمائية والمائية والترابية..

إعرف حظك اليوم برج الأسد بالتفصيل الخميس 1/2/2018 مع عبدالله أحمد..

الأسد: من 23 يوليو إلى 22 اغسطس

برج الأسد عاطفياً 

( الكراش والإكس والبوي فريند والجيرل فريند والجوز والزوجة والقرايب ):

حاول متعضش حد النهاردة مهما حصل ومهما استفزك.. بلاش.. هتحصل عكوسات مش كويسة سواء ليك او ليه..

برج الأسد عملياً 

( الشغل والمذاكرة والتخطيط لبكرة ):

قدامك يوم جميل ولطيف جدا ومناسب للخروج ولفسح والزقططة براحة راحتك الليلة..

برج الأسد صحياً 

( نفسيا وجسمانيا وكل مايخص طاسة المزاج ):

صحتك النهاردة كويسة وماشي حالها.. نفسيتك هي اللي مش سالكة خالص

تعرف على توافق برج الأسد مع باقي الأبراج النهاردة:

متوافق مع الابراج الفشكولية والباراكودية والهوائية والمائية والترابية..

إعرف حظك اليوم برج العذراء بالتفصيل الخميس 1/2/2018 مع عبدالله أحمد..

العذراء: من 23 اغسطس إلى 22 سبتمبر

برج العذراء عاطفياً 

( الكراش والإكس والبوي فريند والجيرل فريند والجوز والزوجة والقرايب ):

خد بالك عشان في عواصف نفسية جاية ف الطريق.. حاول متتخانقش مع حد النهاردة خالص..

برج العذراء عملياً 

( الشغل والمذاكرة والتخطيط لبكرة ):

راقب السما والسحاب النهاردة وفكك من البشر خالص ومن تعقيداتهم ومشاكلهم المفتعلة البلاستك وخليك مع نفسك وبس..

برج العذراء صحياً 

( نفسيا وجسمانيا وكل مايخص طاسة المزاج ):

صحتك النهاردة محتاجة شوية اهتمام ونشاط وحركة بشكل بسيط مش اكتر..

تعرف على توافق برج العذراء مع باقي الأبراج النهاردة:

متوافق مع الابراج البرطمانية والكستبانية والبرمائية والترابية والمائية..

إعرف حظك اليوم برج الميزان بالتفصيل الخميس 1/2/2018 مع عبدالله أحمد..

الميزان : من 23 سبتمبر إلى 22 اكتوبر

برج الميزان عاطفياً 

( الكراش والإكس والبوي فريند والجيرل فريند والجوز والزوجة والقرايب ):

حاول تبقى أليف النهاردة ولطيف وتنبسط بدل ماتنكد على نفسك وعلى العالم من حواليك لمجرد انك حاسس بشوية مغص او شحتفة..

برج الميزان عملياً 

( الشغل والمذاكرة والتخطيط لبكرة ):

خليك مع المزيكا احسن بدل ما تقعد مع ناس نكدية او مبسوطين وتبقى انتا اللي نكدي ف وسطهم وتنكد عليهم.. خليك مع المزيكا ابرك واروق واحسن فعلا..

برج الميزان صحياً 

( نفسيا وجسمانيا وكل مايخص طاسة المزاج ):

صحتك النهاردة كويسة وممكن تبقى احسن واحسن لو فرفشت ورقصت ولو بينك وبين نفسك..

تعرف على توافق برج الميزان مع باقي الأبراج النهاردة:

متوافق مع الابراج الدرامية والبحرية والسمكمكية والنيلية والفضية والترابية والنارية والبرمائية..

إعرف حظك اليوم برج العقرب بالتفصيل الخميس 1/2/2018 مع عبدالله أحمد..

العقرب: من 23اكتوبر إلى 21 نوفمبر

برج العقرب عاطفياً 

( الكراش والإكس والبوي فريند والجيرل فريند والجوز والزوجة والقرايب ):

خايف تحب ليه وتنبسط وتفتح قلبك للحياة؟.. خايف على قلبك من ايه بالظبط.. ياخد برد مثلا ولا ايه..

برج العقرب عملياً 

( الشغل والمذاكرة والتخطيط لبكرة ):

داري على شمعتك تقيد وداري على حبك يزيد.. دي قاعدة كونية بتطبقها كل المخلوقات الا الديناصورات وعشان كدة انقرضت..

برج العقرب صحياً 

( نفسيا وجسمانيا وكل مايخص طاسة المزاج ):

صحتك النهاردة ماشي حالها وكويسة ومنتعشة.. ناقصها بس حبة فرفشة وانبساط وتبقى عال العال

تعرف على توافق برج العقرب مع باقي الأبراج النهاردة:

متوافق مع الابراج الحنكوشية والبرطمانية والنارية والترابية والهوائية.

إعرف حظك اليوم برج القوس بالتفصيل الخميس 1/2/2018 مع عبدالله أحمد..

القوس: من 22 نوفمبر إلى 21 ديسمبر

برج القوس عاطفياً 

( الكراش والإكس والبوي فريند والجيرل فريند والجوز والزوجة والقرايب ):

وماله لما تنام وبراحتك.. هيفوتك ايه يعني تفتكر.. اهم حاجة لما تصحى متحكيش احلامك لحد

برج القوس عملياً 

( الشغل والمذاكرة والتخطيط لبكرة ):

لو نمت النهاردة وقومت مش فاكر انتا حلمت بايه متتضايقش.. مش احسن ما تكون حلمت بحاجة وحشة وتصحى فاكرها ومتضايق..

برج القوس صحياً 

( نفسيا وجسمانيا وكل مايخص طاسة المزاج ):

صحتك النهاردة محتاجة رياضة ومحتاجة منك تبطل نكش ف البشر تماما وتقعد ف حالك.. ياترى هتقدر؟.. مسيرنا نشوف ونعرف

تعرف على توافق برج القوس مع باقي الأبراج النهاردة:

متوافق مع الابراج الفركتوزية والحبشتكانية والحنجورية والمائية والهوائية.

إعرف حظك اليوم برج الجدي بالتفصيل الخميس 1/2/2018 مع عبدالله أحمد..

الجدى: من 22 ديسمبر إلى 19 يناير

برج الجدي عاطفياً 

( الكراش والإكس والبوي فريند والجيرل فريند والجوز والزوجة والقرايب ):

فلوس ف الطريق اليك.. جايز حقيقية وجايز ف بنك الحظ وجايز تكون مشاعر قيمة من حد بيحبك ودة اكيد اهم من اي فلوس ويوازيها ف القيمة لو اعتبرناها فلوس للقلب.. بس تقول لمين ومحدش عاد بياخد باله..

برج الجدي عملياً 

( الشغل والمذاكرة والتخطيط لبكرة ):

سيبك من نكد العالم وانبسط لوحدك احسن بلاش خوتة ووجع دماغ ياجدع.. ميستاهلوش.. ميستاهلوش..

برج الجدي صحياً 

( نفسيا وجسمانيا وكل مايخص طاسة المزاج ):

صحتك تمام وزي الفل.. حاول بس تتمشى حبة مع حد بتحبه وبتحب اراءه ف الحياة النهاردة وترغوا حبة ف سبب الحياة ولغز الكون براحتكوم

تعرف على توافق برج الجدي مع باقي الأبراج النهاردة:

متوافق مع الابراج البربئية والمونوكرومية والحنتوسية والهوائية والبرمائية

إعرف حظك اليوم برج الدلو بالتفصيل الخميس 1/2/2018 مع عبدالله أحمد..

الدلو: من 20 يناير إلى 18 فبراير

برج الدلو عاطفياً 

( الكراش والإكس والبوي فريند والجيرل فريند والجوز والزوجة والقرايب ):

هتتلقى طاقة حب من الاصدقاء تكاد تكون مهولة وتكاد تكون زغلولة.. افرح وزقطط براحتك.. انتا بهجة للناس اللي بتحبك وتعرفك ف العموم..

برج الدلو عملياً 

( الشغل والمذاكرة والتخطيط لبكرة ):

خليك ف السرير النهاردة متتحركش منه لحد ماتبانلك علامة او حاجة تستاهل تقوم عشانها.. غير كدة متتحركش

برج الدلو صحياً 

( نفسيا وجسمانيا وكل مايخص طاسة المزاج ):

صحتك تمام النهاردة خصوصا لو واظبت على النقنقة ف البقدونس طول اليوم

تعرف على توافق برج الدلو مع باقي الأبراج النهاردة:

متوافق مع الابراج الكستبانية والدخانية والمونوكرومية والمائية.

إعرف حظك اليوم برج الحوت بالتفصيل الخميس 1/2/2018 مع عبدالله أحمد..

الحوت: من 19 فبراير إلى 20 مارس

برج الحوت عاطفياً 

( الكراش والإكس والبوي فريند والجيرل فريند والجوز والزوجة والقرايب ):

مش من حق حد يحبك بالعافية.. دة يبقى اسمه ظلم وافترى.. من حقك تختار مين يحبك ويمن يكرهك بمحض ارادتك انتا وبس

برج الحوت عملياً 

( الشغل والمذاكرة والتخطيط لبكرة ):

طالما مش مبسوط ف مكان ما يبقى تمشي منه في هدوء وبساطة.. دة حقك ومحدش يقدر يجبرك على العكس مهما عمل.. مسيرك هتهرب

برج الحوت صحياً 

( نفسيا وجسمانيا وكل مايخص طاسة المزاج ):

صحيا النهاردة انتا محتاج تكتشف الديناصور اللي جواك..

تعرف على توافق برج الحوت مع باقي الأبراج النهاردة:

متوافق مع الابراج البسبوسية واللولبية والفهلوية والنارية والمائية والترابية.