تعرف على حظك اليوم لبرج العقرب مع الكاتب عبدالله أحمد وتأكد إنك سواء عجبك الكلام المكتوب هنا في برجك أو لأ ف انتا تقدر تصنع حظك اليوم بإيديك سواء اليوم أو كل يوم

حظك اليوم برج العقرب عاطفياً

( الكراش والإكس والبوي والجيرل فريند والجوز والزوجة والقرايب ):

حاسس انك محبوس ومخنوق رغم انك بتبين العكس طول الوقت عشان مهم بالنسبالك تدي انطباع للناس حواليك انك متماسك وزي الفل ومش مرهق ولا مستهلك ولا تعبان ولا انه نفسك من جواك تعيط وتشتكي بس خايف تبان ضعيف وهش.. عموما الضعف مش عيب..العيب انك تحس انك لوحدك ومفيش حد تشتكيله ف وسط كل مليارات البشر اللي مالية الكوكب حواليك طول الوقت.

حظك اليوم برج العقرب عملياً

( الشغل والمذاكرة والتخطيط لبكرة ):

متزعلش نفسك..انتا بس محتاج تريح حبة وتناملك يومين تلاتة وكل حاجة هتبقى زي الفل لما تصحى من النوم متقلقش..

حظك اليوم برج العقرب صحياً 

( نفسيا وجسمانيا وكل مايخص طاسة المزاج ):

بتنسى تاكل ولما بتفتكر بتبقى وصلت لمرحلة من الجوع مش هتسمحلك تفتكر كرشك وهو بيتهز او جنابك وهي بصالك ف المراية ومدلدلة بالتالي هتخش شمال ويمين ف الاكل ومش هتديله فرصة يفهمك انه موجود ف حياتك لسنين جاية ومش هيطير ولا هيروح منك ف اي حتة..ميعرفش اساسا..عمرك شفت طبق مكرونة قام لم بعضه وخد المكرونة ف حجره وجري من قدامك قبل ما تضرب فيه اول ضربة بالشوكة..مفتكرش..

إعرف توافق برج العقرب مع باقي الأبراج النهاردة

متوافق مع الابراج البرمائية والمائية والترابية

من مشاهير برج العقرب

الحظ هزار من الحياة.. مش أكتر.. ومحدش يملك معلومات كافية ولا بصيرة كافية ولا علم كافي عشان يقولك هتبقى النهاردة كويس أو لأ.. دا دايما متوقف على اختيارك وعلى مزاجك ومودك وظروفك لوحدك.

الحظ ممكن يكون موجود ممكن ميكونش موجود..القرار قرارك لوحدك ف حياتك وبس..بس لو اخترنا نشوفه وندور عليه كويس وبإهتمام هنشوف تأثيره في حياتنا طول الوقت ومنقدرش ننكره.. بنشوف ناس مبسوطة وناس لأ.. بنقول على المبسوط حظه حلو وبنتمنى نبقى حظنا من حظه ونبقى مبسوطين زيه وبنتمنى نملك الانبساط دا ونتحكم فيه .. ونستدعيه كمان وقت اللزوم زي جني المصباح..زي الأحلام.. وزي الأماني والخيالات الحلوة.. وقت الضيقة والخنقة والمشاكل والاحتياج اليومي للأمل ف بكرة أفضل وأروق وأجمل وألوانه أحلى..بنتمنى يكون في منطق واسباب للسعادة ممكن تتحط وتتكثف ف كلام بسيط وقريب..

ومن هنا بقى في توقعات الحظ اليومية بالاعتماد على حركة الكواكب ومواقع النجوم وعلم الفلك.. محدش ينكر إن كوكب الأرض كله واقع تحت تأثير حركة الكواكب المحيطة وخصوصاً القمر.

ولولا تأثيره مكانش بقى في حركة مد وجزر ومكانش الإنسان عرف يسافر بمراكب في البحر.. ولا كان الإنسان اتحرك من بلد لبلد برضه ف البر لو مكانش في مواقع للنجوم مميزة ف السما يقدر يعتمد عليها..

إفتكر الكلام دا وانت بتقرا حظك النهاردة وبكرة وكل يوم ياريت .. 

وتأكد إنك سواء عجبك الكلام المكتوب هنا في برجك أو لأ فانت تقدر تصنع حظك بإيديك سواء اليوم أو كل يوم..

الكلام المكتوب هنا دايما الغرض منه الفرفشة والدلع والمزاج الرايق بعلامات حلوة من الحياة محطوطة ف كلام وحبة مزيكا على مزاجك..

 تابعنا يومياً عشان تعرف حظك كل يوم ومتنساش.. كل دة مجرد هزار برئ ياريت متاخدوش على صدرك..

تحياتنا الدائمة.