كشف طارق مصطفى مدرب عام منتخب مصر ونجم الزمالك السابق أبرز المواقف المضحكة التي جمعته مع التوأم حسام وإبراهيم حسن خلال مشوارهما في الملاعب.

قال مدرب المنتخب في حواره لموقع سوبر كورة: " أول حاجة لو مبصتلوش يبقى أنت مبتحبوش بس أنا كنت ببصيله فكان بيحبني، وكان بيحب ينزل أول واحد من الأتوبيس لأنه يتفاءل وكنت بضايقه أنا وعبد الستار صبري ونستخبي تحت الكرسي ولما ينزل ويشوفنا يقولنا إنزلوا وكان يرفض نزولنا بعديه، ولكنه للإمانة هو لاعب تاريخي فالجوهري خارج الملعب وحسام داخل الملعب".

أردف: "هناك موقف أخر عندما ظهرت الموبايلات لأول مرة والتوأم أول ناس اشتروه وأنا شفته مع إبراهيم وقولتله هاخده منك واتفقنا وقولتله اعرف إزاي مين كلمني قعد إبراهيم ربع ساعة بيشرحلي راح حسام سألني كان بيقولك ايه قولتله الموضوع راح قالي تعمل كدا ببساطة قولتله بس كدا قالى أه راح قالي مين اذكي فينا بقي قولتله أنت طبعا".