يستضيف ستاد القاهرة مباريات المجموعة الأولى ببطولة كأس الأمم الأفريقية 2019، والتي تضم منتخب مصر.

ويعد حضور مباريات منتخب مصر أمر ممتع للجميع، لذلك نقدم لكم فيديو تفصيلي لشرح طريقة الوصول إلى ستاد القاهرة الدولي.

ستاد القاهرة

طبعا هو الاستاد الرئيسي للبطولة والذي يستضيف مباريات المجموعة الأولى التي تضم المنتخب المصري.

ستاد القاهرة يقع في منطقة مدينة نصر، وله مدخلين، الأول من طريق صلاح سالم والثاني من طريق الأتوستراد.

اخترنا ميدان عبد المنعم رياض في التحرير ليكون نقطة التحرك التي نشرح منها، اتجاهك سيكون كالتالي:

طريقة الوصول إلى ستاد القاهرة الدولي

لو معاك عربيتك، السير بطريق كوبري أكتوبر ثم نزلة صلاح سالم، هتمشي شوية صغيرين وستجد بوابة الاستاد على يمينك بعد أرض المعارض، أو هتكمل وتدخل يمين في شارع يوسف عباس للوصول للبوابة التانية على طريق الأوتستراد.

تقريبا المشوار حوالي 10 كيلو متر، ممكن ياخد وقت حوالي 25 دقيقة لو الكثافة المرورية متوسطة.

لو هتركب تاكسي عادي ممكن المشوار ده يتكلف حوالي 40 أو 50 جنيه.

يمكن الاستعانة بمترو الأنفاق، هتركب من محطة مترو أنور السادات اللي موجودة في ميدان التحرير، هتركب الخط التاني اتجاه شبرا وهتنزل العتبة، هتغير وتركب خط المطار وهتنزل محطة اسمها ستاد القاهرة، وسعر التذكرة بيتحسب وفقا لعدد المحطات.