ردًا على الفيديو المسرب له ولطاقم محللي قناة "On Sport" على شبكات التواصل الإجتماعي، قام أحمد حسام ميدو، بالاعتذار عن الألفاظ غير اللائقة، والتي ذكرت في تسريب محتوى الفيديو، متوعدًا من قام بنشر هذا المقطع.

وغرد أحمد حسام ميدو، عبر حسابه على موقع التدوينات القصيرة «تويتر»: "امبارح اتسرب فيديو واحنا قاعدين في الفاصل، بنعتذر طبعا لكل الناس على كل لفظ خارج فيه، وان شاء الله هنجيب الخائن للأمانه في أسرع وقت ممكن ..اكيد مش ذنب اَي حد انه يسمع الألفاظ دي!!"

ميدو على تويتر

وأضاف ميدو دفاعًا عن نفسه، "أما عن الشباب اللي عايشه الدور ومصدومين من الألفاظ وكده وكانوا فاكرين ان إحنا وإحنا بنتكلم مع بعض بنبيع سبح وفوانيس فبقولهم معلش ماتتخضش ميدو عمره ما عمل نفسه ملاك ولا عايز الناس تفتكره ملاك!!، كلنا واحنا بيننا وبين بعض بنهزر وبنضحك واكيد لو أي حد سجل ليك انت وصحابك في كلام أكتر من كده ممكن يطلع.. مره تانيه باوعدكم هنجيب اللي سرب الفيديو ومش هنسيبه!! صباح الفل عليكم جميعا!!"

ميدو على تويتر 

يذكر أن ذلك الفيديو المسرب ظهر فيه ميدو مع الثلاثي "مجدي عبدالغني، وحازم إمام، وسيف زاهر، أعضاء اتحاد الكرة".