مجدي عبدالغني: "تجربة احترافي كانت هتبوظ بسبب التليفون الأرضي"
الجمعة، 17 نوفمبر 2017 04:41 ص
أكد مجدي عبد الغني لاعب المنتخب الوطني السابق، أنه من عشاق التليفون الأرضي برغم انخفاض نسبة احتياجنا له حاليا.
وأضاف عبد الغني، في مداخلة مع برنامج يلا أونلاين، أن له تجربة مثيرة مع التليفون الأرضي، وقال: "جالي عرض احتراف من البرتغال وقالولي إدينا رقم هنكلمك عليه نتفق على العرض، إديتلهم رقم شقة إسكندرية عشان كنت هناك وقتها، ورجعت الشقة على ميعاد المكالمة فلقيت مفيش حرارة".
وتابع "قلبي وقع وقعدت ألعب في السلك عشان الحرارة تيجي، ونزلت عند البوكس صلحته بنفسي من غير ما أستنى حد من الشركة يجيلي، عقد الاحتراف كان هيطير بسبب حتة سلك".
وأكد عبد الغني أنه يتابع السوشيال ميديا ويتفاعل مع المتابعين، وقال "اللي بينتقدني مبزعلش، بس اللي بيشتمني بعمله بلوك علطول".
برنامج يلا أونلاين يذاع يومي الأحد والخميس في تمام الرابعة مساء عبر إذاعة نغم إف إم، ويقدمه هبة السيد وتامر إمام وأمنية يحيى وأحمد البرماوي وخلود نادر، ومن إنتاج شركة POD بالتعاون مع بروموميديا.
اقرأ أيضًا
مجدي عبد الغني للاعبي المنتخب: "اللي مش عاجبه المكافآت يعتزل"
