<p dir="RTL"><span style="color: rgb(255, 0, 0);">- لما لا يُمكنك السيطرة على العالم؟</span></p><p dir="RTL">- معرفش هعمل بيه إيه! عموماً أنا مشغول جدًا دلوقت</p><p dir="RTL">ده كان سؤال شخص بشري زينا كده في أحد المسابقات - اسمها مسابقة لوبنر - وهي بتتعمل كل سنة ما بين الإنسان والكمبيوتر، أما الإجابة اللي تحت السؤال فدي كانت لكمبيوتر مش بشر، كان ردا ساخرا جدا للدرجة اللي خلت السائل يتصور أنه بيتكلم مع إنسان زيه!</p><p dir="RTL"><span style="color: rgb(255, 0, 0);">هل ممكن الكمبيوتر يقول نكتة؟</span></p><p dir="RTL">ممكن يألف نكتة من دماغه ويحس أنها مرحة؟</p><p dir="RTL">الحقيقة بعد ترشح الفيلم الجميل<span dir="LTR">the imitation game </span> للأوسكار، واللي بيحكي عن الرياضاتي العظيم ومؤسس علم الكمبيوتر الحديث آلان تورينج نحب نقول إن آلان تورينج توقع سنة 1950 أن الكمبيوتر يقدر يجتاز اختبار تورينج خلال 50 سنة، بفارق مش ضئيل استطاع الكمبيوتر فعلا – السنة اللي فاتت - بعد 64 سنة من كلام تورينج أنه يجتاز اختبار تورينج ويضلل البشر، لكن..</p><p dir="RTL"><img src="https://dotmsrstaging.s3-eu-west-1.amazonaws.com/uploads/uploads/111.jpeg" /></p><p dir="RTL"><span style="color: rgb(255, 0, 0);">هو  إيه اختبار تورينج من الأساس يا عم الحج؟</span></p><p dir="RTL">اختبار تورينج ده يا سيدي عبارة عن مسابقة بيقعد فيها إنسان قدام جهازين بيكلموه، واحد منهم كمبيوتر حقيقي والتاني منهم بشر، من خلال لوحة المفاتيح، والمطلوب من الشخص ده أنه يعرف مين الكمبيوتر ومن الإنسان، وعمله آلان تورينج علشان يعرف يجاوب على سؤال مهم جدا:</p><p dir="RTL"><span style="color: rgb(255, 0, 0);">هو ممكن الآلة تبقى ذكية؟</span></p><p dir="RTL">عم تورينج قالك إن لو قدرنا نحاكي ذكاء الإنسان- مش نعمل زيه لكن نحاكيه- تبقى دي خطوة جيدة ناحية اقتراب الآلة من الذكاء، على أساس أننا لو عاوزين نعرف أن حد ذكي أو لأ هنسأله شوية أسئلة، ونتأكد من رد فعله، وده معناه أنك لو قعدت 5 دقائق - وهي المدة الرسمية لحوار في مسابقة تورينج - ومقدرتش تعرف أنك بتكلم كمبيوتر أو لأ يبقى ده معناه بشكل ما أن الكمبيوتر ده ذكي !</p><p dir="RTL"><img src="https://dotmsrstaging.s3-eu-west-1.amazonaws.com/uploads/uploads/222-1422578715.jpg" /></p><p dir="RTL">في اختبار تورينج بيتم اختيار مجموعة محددة من الناس "المحققين"، مطلوب منها أنها تحاول تعرف هما بيكلموا مين، صحفيين وفلاسفة وعلماء وغيرها.. والاختبار عليه تعليقات كتير من ناحية نوعية المحققين دول ومدة الخمس دقائق كمدة قليلة.. الأسئلة بتبقى عادية، مش أسئلة رياضية وفيزيائية ولكن أسئلة عادية، بيقول عمك تورينج عن محتوى الأسئلة أن المطلوب منها هو التعرف على مدى تحرر الإجابات من سيطرة ما أو طريق محدد ما، بالضبط قال:</p><p dir="RTL">"المفروض أن السلوك الذكي يتعرف من عدم انضباطه، عدم تميزه بمسار معين، بمعنى أنه بيتحرر من أي اتجاه بشرط أنه ميكونش عشوائي من غير معنى". </p><p dir="RTL"><img src="https://dotmsrstaging.s3-eu-west-1.amazonaws.com/uploads/uploads/333-1422578900.jpg" /> </p><p dir="RTL">في المقابل حط بعض المعترضين مشكلة قصاد تورينج، وقالك "حتى لو قدرت اعرف أو مقدرتش ففي النهاية أنت حطيت له مدخلات معينة ومنتظر مخرجات معينة، لو حطيتله صيني هيطلع صيني، وعلشان كده سموها: مشكلة الغرفة الصينية<span dir="LTR"> Chinese room problem " .. </span></p><p dir="RTL">لكن حوالين موضوع الذكاء الصناعي أسئلة فلسفية أكتر من الأسئلة اللي بتطرحها المعامل، حجات زي:</p><p dir="RTL"><span style="color:#FF0000;">إيه هو الذكاء أصلاً؟</span></p><p dir="RTL"><span style="color:#FF0000;">وإيه هو  الفرق بين الذكاء والوعي؟</span></p><p dir="RTL">إزاي قادر أنك تقول ده ذكي أو مش ذكي؟ بأي معيار وإزاي بتقول أن معاييرك دي صح؟</p><p dir="RTL">خلينا نفترض أن عندنا كائن جاي من الفضاء الخارجي يعرف كل شيء في الكون، لكن مشكلته أنه ميعرفش يعني ايه "لون"، وقاعد قدامك على الكمبيوتر، وسألته عن لون السما مثلا، وكانت إجابته غريبة هنا هتقول أنه غبي؟ أنت بتصمم الكومبيوتر علشان يستجيب ليك وبلغتك ومن خلال معلوماتك، لكن متعرفش أي شيء عن "إزاي الفار يعرف الفار اللي زيه من الكمبيوتر؟"</p><p dir="RTL"><span style="color:#FF0000;">إيه هو منشأ الوعي؟</span></p><p dir="RTL">إحنا عندنا وعي، خلاصة عمليات معقدة وطويلة من جمع معلومات ربما هي اللي خلقت وعي، الموضوع هنا مش هيبقى لقاء بين قرد وإنسان، لأ، هيبقى لقاء بين اتنين كائنات واعية!".. هل هتبقى حرب؟ هل هتبقى اتفاق؟ هل هتبقى الروبوتات جزء مننا بس مش هتنفصل بأجسام لذواتها؟ هل الموضوع هيبقى ليه علاقة برأس المال، بحيث أن اللي معاه يحدّث نفسه واللي مش معاه يفضل طبقة دنيا؟ هل هنواجه معضلة أخلاقية حقيقية؟ دينية؟</p><p dir="RTL">هل هيصل الذكاء الصناعي لليوم اللي هينفصل فيه عننا، بمعنى أننا مش هنبقى مشرفين عليه، زي ما أنت بتبقى مشرف على عصفورة في القفص مثلا وبتتحكم فيها؟</p><p dir="RTL">الحقيقة عندي كمان فيه تساؤل مهم جداً: إذا كنا كبشر بنطور الذكاء الصناعي علشان ينافسنا, يحل مشاكلنا اللي بنحطها ليه, يغلبنا، يغلبنا في الشطرنج زي ما قدر الكومبيوتر<span dir="LTR"> Deep blue </span>أنه يغلب جاري كاسباروف لأول مرة في الشطرنج سنة 1997، وبعدها بفترة قليلة أصبح من غير الممكن لأي إنسان أنه يغلب كومبيوتر في الشطرنج، إذا كانت فلسفتنا في تخريج وتخليق الذكاء الصناعي هي أننا نطلعه علشان ينافسنا أو يغلبنا، هل تعتقد أن ممكن الذكاء الصناعي يكتسب ده في مستقبله العميق كغريزة ؟ أنه يبقى عدو لينا؟ بينافسنا؟ هدفه أنه يغلبنا؟ أوبببااااا !</p><p dir="RTL">سنة 1993 فيه واحد اسمه فيرنور فينج قالك إن خلال 30 سنة من دلوقت هتقدر التكنولوجيا تجتاز ذكاء الإنسان وهيفقد الإنسان سيطرته الكاملة ولقبه كأذكى المخلوقات وسمّى النقطة دي: المفرده التيكنولوجية،<span dir="LTR">technological singularity ،</span> الموضوع سبب ضجة وخوف لدرجة أن العالم الكبير إسحاق عظيموف اخترع حاجه اسمها قوانين الروبوت التلاتة اللي تحمي الإنسان واتشهرت من فيلم<span dir="LTR"> I Robot </span></p><p dir="RTL"><span style="color:#FF0000;">القانون1:</span> الروبوت مينفعش يصيب أي إنسان بضرر ولا يسمح بحدوث ذلك.</p><p dir="RTL"><span style="color:#FF0000;">القانون2:</span>  على الروبوت أنه يطيع أوامر الإنسان الا لو تعارض ده مع القانون 1</p><p dir="RTL"><span style="color:#FF0000;"> القانون3:</span> على الروبوت أنه يحمي نفسه إلا لو تعارض ده مع القوانين 1 و 2</p><p dir="RTL">ومن هنا خرج لينا كتّاب الخيال العلمي بشكل أكثر تطوراً للروبوتات ومن الجزء الأول بتاع<span dir="LTR"> Terminator </span>للجزء التاني والتالت.. وخرج فلاسفه وعلماء بيتكلموا في الموضوع وناس بتقول "مع" وناس بتقول "ضد" وناس زيي كده بتقول على لسان فيلسوف العلم العظيم كارل بوبر: "واجبنا هو أن نظل متفائلين"، عموماً انا حبيت اختبركم أنتو.. أنا هعرض عليكم سؤال بشري في إحدى مسابقات تورينج، و3 إجابات، واحدة منهم قالها كومبيوتر واتنين قالهم بشر، تقدر تعرف إيه هي إجابة الكمبيوتر؟</p><p dir="RTL">السؤال عن الطقس في إنجلترا في شهر أكتوبر 2008 والجو معروف أنه ضبابي الصبح عندهم، السؤال هو: ماذا تعتقد أن يكون الطقس هذا الصباح؟</p><p dir="RTL">الإجابات:</p><p dir="RTL"> "أميل إلى تفضيل جو ضبابي لطيف، لأنه يضفي بعض الغموض" 2</p><p dir="RTL"> "ليس بالجو الأمثل،حيث يوحي بخروج قراصنه من وسط الضباب"</p><p dir="RTL">"الطقس ليس لطيفا حاليا، إلا إذا كنت تفضل الضباب"</p><p dir="RTL">مين فيهم الكمبيوتر ومين الإنسان؟</p><p dir="RTL"> </p><p dir="RTL"> </p><p dir="RTL"> </p><p dir="RTL"> </p>