طالب رئيس نادي القضاة، المستشار أحمد الزند، بفرض ضريبة أمن على القادرين من المواطنين.

وقال الزند، في حواره مع المذيع أحمد موسى، في برنامجه "على مسؤوليتي"، على قناة "صدى البلد"، أمس الثلاثاء، "الشعب المصري من أفضل الشعوب، مطالبتي هي فرض ضريبة على القادرين فقط وليس سكان العشوائيات رغم قدرتهم"، مضيفا "الناس اللي بتحب البلد تدفع 20 جنيه كل شهر عشان تحرس مالك وولادك وأنت وزوجتك، يعني الخمسة يدفعوا 100 جنيه في الشهر، الـ 100 جنيه دول بتجيب بيهم إيه، هي دي فلوس".

وقاطع موسي الزند قائلا: "هيطلعوا يقولولك هو أنت هو إحنا ناقصين، شفتوا عايزين ياخدوا فلوس تاني مننا علشان عيال الداخلية"، ورد رئيس نادي القضاة قائلا "يقولوا اللي يقولوه، ما هم بيقولوا وهيقولوا، وعارف لو مخدتش فلوس هيقولك شوفوا ما بيخدوش منا فلوس"، بحسب قوله.