فى عيد الحب احتفل اليوم السابع مع كبار السن ليروون لنا ذكريات فات عليها أكثر من 40 عام ولكنها ما زالت محفورة فى قلوبهم وتأبى النسيان ، حكى كل واحد منهم عن قصة حبه الأولى وكيف بدأ الحب وعن أول دقة قلب وعن الاغانى التى كانوا يرددوها دائما وعن معاكسات زمان ومواجهة بين حب الستينات وحب الالفينات.

 

تعلمنا من ماما نبيلة  معنى الحب والاخلاص فهى فى السبعينات من عمرها بدأت كلامها عن حكاياتها مع رفعت حبيبها وزوجها الراحل ، وحتى الأن تعيش على ذكراه وما زالت تتذكر كل اياماها معه ، بداية من حب المدرسة وخروجهم معا حتى جوابه الاول واخر يوم كانوا معا، قالت " الحب هو ميثاق الحياة لو حبيت نفسك هتعرف تحب غيرك ، وبزعل جدا من شباب اليومين دول اللى مبيعرفوش يحبوا وبيسيبوا بعض على اسباب تافهة وبيبقى فيه أطفال بينهم"، كما كتبت رسالة لحبيبها رفعت عبرت فيها عن حبها له واشتياقها الشديد وتدعوا الله ان تلتقى بيه ويحسن الله ختامها".

 

ومن جانبها عم صلاح الذى لا يفتكر فى حياته سوى حب عمره وزوجته "ليلى"، حبه الأول والأخير وقال" كانت بتعملى كل حاجة نفسى فيها لكن دلوقتى مفيش حد معايا الله يرحمها ، كنت بحب اسمع اغنية بحب أتنين سوى وفاكر انى شبكتها ب 100 جنيه وكانت كل حاجة فى الدنيا سهلة زمان دلوقتى الحب بقى صعب وبقى فيه خداع وخيانة".

 

"سافرت عشانها وعملت كل حاجة فى الدنيا عشانها ولما رجعت لقيتها اتخطبت"، هو ما قاله درويش الدنجوان كما يلقبونه عاش قصة حب فى شبابه يتذكرها حتى الأن وما زال يحتفظ بأول هدية منها ولكن بكل ألم يروى قصة افتراقهم قائلا" رجعت من السفر لقيتها اتخطبت وكتبت لها قصيدة  بتقول ليه تكونى لغيرى كونى ليا يا وردة صافيه منديه، قائلا الحب يعنى ارتباط واخلاص ومحبة هو ده الحب مش زى دلوقتى ".

 

وقالت صفاء " انا اللى مخلينى عايشة لغاية دلوقتى انى فعلا بحب جوزى وبنحتفل سوى بأى مناسبة مش بس عيد الحب، كنا بنكتب جوابات لبعض وبنسمع أغانى فريد الأطرش وعيشت معاه أجمل قصة حب ولغاية دلوقتى ربنا يخليه ليا ".

 

"لغاية دلوقتى بفتكرها وبدعيلها "، هو ما قال عادل عن قصة حبه الأولى وذكريات زمان  حيث قال " كنت بكتب اسم الحبيبة فى كشكول بخط كبير ومن جوا أكتب الأسم ألف مرة تانى، وكنت بغنيلها أسمر يا أسمرانى عشان كانت سمرا، وعشان الحب يعيش لازم يكون فيه احترام وإخلاص متبادل".

 

"كان لك معايا أجمل حكاية فى العمر كله..سنين بحالها ما فات جمالها على حب قبله"، أجمل ما غنت أم كلثوم وواحدة من الأغانى التى عرفنا منها معنى الحب والاخلاص تربى على هذه الاغانى الجيل القديم وما زالت محفورة بداخلنا حتى الأن .

 

فى عيد الحب احتفل اليوم السابع مع كبار السن ليروون لنا ذكريات فات عليها أكثر من 40 عام ولكنها ما زالت محفورة فى قلوبهم وتأبى النسيان ، حكى كل واحد منهم عن قصة حبه الأولى وكيف بدأ الحب وعن أول دقة قلب وعن الاغانى التى كانوا يرددوها دائما وعن معاكسات زمان ومواجهة بين حب الستينات وحب الالفينات.

 

تعلمنا من ماما نبيلة  معنى الحب والاخلاص فهى فى السبعينات من عمرها بدأت كلامها عن حكاياتها مع رفعت حبيبها وزوجها الراحل ، وحتى الأن تعيش على ذكراه وما زالت تتذكر كل اياماها معه ، بداية من حب المدرسة وخروجهم معا حتى جوابه الاول واخر يوم كانوا معا، قالت " الحب هو ميثاق الحياة لو حبيت نفسك هتعرف تحب غيرك ، وبزعل جدا من شباب اليومين دول اللى مبيعرفوش يحبوا وبيسيبوا بعض على اسباب تافهة وبيبقى فيه أطفال بينهم"، كما كتبت رسالة لحبيبها رفعت عبرت فيها عن حبها له واشتياقها الشديد وتدعوا الله ان تلتقى بيه ويحسن الله ختامها".

 

ومن جانبها عم صلاح الذى لا يفتكر فى حياته سوى حب عمره وزوجته "ليلى"، حبه الأول والأخير وقال" كانت بتعملى كل حاجة نفسى فيها لكن دلوقتى مفيش حد معايا الله يرحمها ، كنت بحب اسمع اغنية بحب أتنين سوى وفاكر انى شبكتها ب 100 جنيه وكانت كل حاجة فى الدنيا سهلة زمان دلوقتى الحب بقى صعب وبقى فيه خداع وخيانة".

 

"سافرت عشانها وعملت كل حاجة فى الدنيا عشانها ولما رجعت لقيتها اتخطبت"، هو ما قاله درويش الدنجوان كما يلقبونه عاش قصة حب فى شبابه يتذكرها حتى الأن وما زال يحتفظ بأول هدية منها ولكن بكل ألم يروى قصة افتراقهم قائلا" رجعت من السفر لقيتها اتخطبت وكتبت لها قصيدة  بتقول ليه تكونى لغيرى كونى ليا يا وردة صافيه منديه، قائلا الحب يعنى ارتباط واخلاص ومحبة هو ده الحب مش زى دلوقتى ".

 

وقالت صفاء " انا اللى مخلينى عايشة لغاية دلوقتى انى فعلا بحب جوزى وبنحتفل سوى بأى مناسبة مش بس عيد الحب، كنا بنكتب جوابات لبعض وبنسمع أغانى فريد الأطرش وعيشت معاه أجمل قصة حب ولغاية دلوقتى ربنا يخليه ليا ".

 

"لغاية دلوقتى بفتكرها وبدعيلها "، هو ما قال عادل عن قصة حبه الأولى وذكريات زمان  حيث قال " كنت بكتب اسم الحبيبة فى كشكول بخط كبير ومن جوا أكتب الأسم ألف مرة تانى، وكنت بغنيلها أسمر يا أسمرانى عشان كانت سمرا، وعشان الحب يعيش لازم يكون فيه احترام وإخلاص متبادل".