في البداية تقول مى صاحبة مشروع عربة مأكولات "سوبر ومن" أنا خريجة كلية حاسبات ونظم ومعلومات والفكرة راودتني من 4 سنوات، في البداية لم اجد ترحيب من الناس اللى حواليا وصعبوا الأمور عليا ولكن لم استسلم لذلك وبدأت اسال عن تكاليف المشروع بتاعى وكيفية تنفيذه لغاية ما قدرت اعمله واحقق حلمى في مشروعى .

وتابعت حديثها لكاميرا اليوم السابع قائلة ، المشروع مش مكلف وعلشان تعمل عربية مأكولات فأنت ممكن تبدأ بالفين جنيه إلى 20 الف جنيه .

تلتقط شريكها ندى الحديث قائلة أنا خريجة كلية أداب واحنا صاحب من 8 سنوات وكنا شغالين في مطاعم غربية قبل المشروع ، كنا بنعمل في مطعم صيني، فالمشروع في بدايته ليس مربح ولكن نحن على يقين بالله أن لكل مجتهد نصيب ، فنحن نعمل على تطوير مشروعنا والحمد لله كل يوم في جديد وكما عدد الزبائن والناس اللى بتدعمنا كتير أوى وده ليه تأثير علينا ومشجعنا في اننا نكمل .

واردفت ندى في حديثها قائلة اننا نتعرض من بعض المضايقات من قبل الاشغالات والحى وعندما تقدمنا بطلب لاستخراج تراخيص للعمل بشكل رسمي ، فوجئنا بأن التراخيص في منطقة الدقى وخاصة شارع محى الدين أبو العز غير متاحة ، وقالوا لنا ممكن تلاقوا في أماكن تانية ، المشكلة ان الناس بدأت تتعرف علينا هنا وعلشان نغير المكان هنبدأ من جديد.

وفي الختام قالت مى، مافيش حاجة اسمها بطالة فأى بنت مصرية جدعة تستطع أن تعمل وتشارك في بناء وطنها سواء من خلال العمل الشريف في أي مجال أو العمل من المنزل.