قال الفريق كامل الوزير، وزير النقل والمواصلات، إنه يتم إعداد بيان حول وفاة شاب سقط من قطار كفر الزيات، مضيفاً: "استعجلنا فى بيان المرة اللى فاتت عشان نهدى الرأى العام ونطلع معلومات للناس".

وأضاف خلال مداخلة هاتفية لبرنامج "90 دقيقة"، على فضائية "المحور"، مع الإعلامى محمد الباز،: "أنا على طريق مر الإسكندرية الصحراوى، عشان عندنا بكرة اجتماعات وزراء النقل العرب"، موضحاً أن المتوفى فى الحادث اسمه أحمد مبروك عبد الرحمن 27 سنة دبلوم صناعى، من قرية نفور مركز كفر الزيات، قبل محطة طنطا بحوالى 15 متر.

وتابع: "المتوفى قال له مندوب الشرطة هاتلى كارنيهك، لأنه كان بيدخن فى القطار، حاول يمنعه وقاله متشربش سجاير وصمم يشرب السيجارة، وقاله هنعمل لك محضر وهات الكارنيه بتاعك ، وبمجرد ما بيكلم الكمثرى، اللى هو فرد الشرطة، الناحية التانية فوجئ أن المتوفى قفز من القطار، وكان داخل على المحطة بسرعة إلى حد ما بطيئة، والسبب الرئيسى أنه قفز من القطار لما فرد الشرطة قاله ادينى الكارنيه عشان نعمل محضر مخالفة".