رصدت كاميرا دوت مصر حالة من الزحام الشديد داخل مكتب بريد الهرم قبل أيام قليلة من عيد الفطر المبارك وفى أواخر شهر رمضان المبارك، والتقت بإحدى المواطنين والتى بادرت بطلب التصوير معها لنقل شكواها للمسئولين.

وقالت القارئة سامية فتحى: "المفروض أولا يكون فى مقاعد لكبار السن والمعوقين أو شباك خاص بهم لان الزحام كبير جدا والواحد بيقعد فى المكتب أكتر من ساعتين علشان يبعت حوالة أو يستلمها، أو حتى علشان يقبض المعاش، الطوابير كبيرة جدا واحنا مش قادرين نقف".

وأضافت : "المفروض كمان يكون فى أمن لأن الناس بتدخل اللى بيسحب فلوس واللى بيجى يودع فلوس والمكتب سداح مداح وممكن اللصوص يتعقبوا اللى داخل واللى خارج، كمان مفيش وسيلة تهوية فى ظل ارتفاع درجات الحرارة غير مروحة حالتها تعبانة وبتفصل كل شوية، أه صحيح المكان فيه تكييفات بس دى موجودة عند الموظفين بس، اللى فى بينهم وبين المواطنين عازل زجاجى، الناس مش قادرة تاخد نفسها".