في محاولة إضفاء حالة من البهجة على قاطني حي الأسمرات، حرص  عدد من طلاب كلية التربية الفنية، على رسم الجرافيتى والجداريات على الأسوار والمباني وأكشاك الكهرباء في حى الأسمرات 3.

هاني يونس المتحدث باسم وزارة الإسكان، علق على هذه الرسومات قائلا: "مساء الجمال، قبل ما تناموا قلت أمتعكم بالجمال ده، عارفين إيه الجمال ده؟ ده كمبوند الأسمرات 3، كمبوند ولا لأ بذمتكم؟، طيب مين هيسكن فيه؟، هيسكن فيه أهالينا اللى كانوا ساكنين فى المناطق العشوائية غير الآمنة، طيب يعنى إيه غير آمنة؟.. يعنى الناس دول لا قدر الله كانوا معرضين يموتوا تحت صخرة جبل لا قدر الله تقع عليهم، وحصل قبل كده أو يجرفهم السيل، أو تصعقهم أسلاك الضغط العالى، دلوقتى هيسكنوا فى النعيم ده".

وكشف يونس قائلا : "دول طلاب كلية التربية الفنية بيزيدوا هذا المكان جمالاً فوق جماله بيرسموا لوحات فنية على أكشاك الكهرباء، ناموا قريرى العين، فقد وهبكم الله أناسًا يتحملون المسئولية يتقون الله فيكم، يشعرون بآلام الناس، وأوجاعهم، ويسعون للتخفيف عنهم، تحيا مصر".