قصاص الحيوانات مهنة ليست بالهينة فهى مهنة شاقة وخطيرة وتواجه متاعب جمة، فالعناء والإجهاد الذى يواجهه قصاص الحيوانات يوميا فى التعامل مع الكائنات الأخرى التى لا تتفهم طبيعة البشر ولا نواياهم فالمسألة جد صعبة .

وأجرت كاميرا دوت مصر حوارا مصورا مع "محمد القصاص"، وهو قصاص حيوانات لنكشف لكم خبايا هذه المهنة الصعبة ومتاعبها .

ويقول "محمد القصاص"، المهنة دية وراثة من أجداد الأجداد وشغال فى المهنة دية من حوالى 17 عاما، من وانا صغير كنت بقف مع والدى وهو شغال واتعلمت المهنة وغاويتها واشتغلتها والعيلة كلها شغالة فى المهنة كمان .

وتابع، "المهنة كلها مخاطر وخطورتها أكبر لانك ممكن تقابل حصان مش طبيعى وواحد تانى شقى وتالت متعود على الرفص ورابع متعود على العض، والغلطة فى الحلاقة هنا بفورة، انا مرة بحلق لحصان كل صباعى وقعدت فى البيت 4 شهور من غير شغل، وفى مرة تانية حصان برضه كل حتى من العقلة الأولى من صباعى وربنا ستر إن الحصان مكلش العقلة كلها  .

واستطرد، أى حصان بيستطعم الدم بياخد عليه وياكل بعد كده اى حاجة منك تيجى فى بقه، الحصان بيسوق فيها بعدها وبياخد على العض، الناس فاكرة انى الشغلة سهلة وضربة الحصان انت ونصيبك

لما اجى ابدأ احلق اربط رجله وامسح جسمه من التراب وببدأ احلق بالماكينة ، ومش بندقق فى الاسعار لانى الناس غلابة ، وفى حصنة بيتحلقلها فى 6 ساعات وفك بقه بيمسك الحديد بيتنيه ولو دخلت صباعك غصب عنك فى بقة مش هيطلع تانى

الحصان لو اتقص ديله يحصله جنان ومبيقشا طبيعى وسعره ينزل لان ديه زينة الحصان ومن غير الحصان ولا ليه سعر ، والناس ظلمت الحصان والحمار من العطسة واتهمت الحيوانات بكدهانا بقالى 37 سنة بتعامل مع الحيوانات وعمرى ما جتلى نفرة من حد منهم والحصان ملوش ايد عشان يدارى عطسته.

لمزيد من الفيديوهات الإخبارية والرياضية والسياسية والترفيهية زورا قناة فيديو 7 على الرابط التالى..

https://www.youtube.com/channel/UCbnJMCY2WSvvGdqWrOjo8oQ?disable_polymer=true