أم كريم أشهر جزارة في المدبح، تقول لـ"دوت مصر"، إنها دخلت هذا المجال منذ 7 أعوام وتعلمت هذه المهنة من والدها لأنه كان يعمل جزارا وأحبت المهنة منذ ذلك الوقت وعملت بها.

وتابعت، "أنا عارفة أني المهنة دية للرجالة بس أنا ست بميت راجل، أنا بواجه صعوبات كتيرة في المهنة دية في زبون بيريح وزبون بيتعب بسبب الأسعار، محدش يقدر يعاكسني لأن السوق كله يعرف مين أم كريم وكلنا هنا عارفين بعض بس لو حصلت أنا بتحول إلى راجل".

واستكملت: "مفيش فرق بين الست والراجل دلوقتي والست بقت زي الراجل ومعظم الستات دلوقتي بتشتغل، الجزارين بيحبوا الدهب وبيتباهوا بيه واللي متلبسش دهب متبقاش جزارة، ومش كل الناس بتاكل الحلويات بتاعت الجاموسة زى الكرشة عشان فيها روث وفي ناس بتحبها".