ست عجوز اتعودت تقف في شارع التحرير بمنطقة عابدين تتسول، الناس بتعطف عليها وتديها فلوس، وفجاة جه ليها شابين وقالوا لها خدي العصير دا يا حاجة طري على قلبك..الست شربت العصير وراحت في النوم، واختفى الشابين واختفت معاهم شنطة كانت جنب الست.

الأهالي نقلوا الست العجوز للمستشفى بس كانت ماتت، لأن العصير فيه منوم ومادة مخدرة، ورصدت كاميرات المراقبة المتهمين، وتم القبض عليهم واعترفوا بجريمتهم، وقالوا أنهم وجدوا في الشنطة ألف جنيه، وعقود أراضي وبيوت.

يعني الست عاشت حياتها كلها تحوش وتجمع وتكنز وراحت في شربة عصير.

احنا قابلنا شاهد العيان اللي نقل الست للمستشفى تعالوا نشوف قال إيه.