يعتبر مرض البهاق من الأمراض الجلدية التي تترك آثار واضحة على الجسم، حيث تنتشر بقع بيضاء اللون، والتي تعرض المريض للإحراج، وقد يلجأ إلى اتباع بعض الأدوية الطبية ولكن دون جدوى.

التقى "دوت مصر" أحد المواطنين والذي يدعى عبد القادر طه، رجل في الخمسين من عمره  وصاحب ورشة ميكانيكا سيارات، و يعانى من مرض البهاق، منذ سنوات طويلة، ليروى رحلته مع المرض، حيث قال: "أصيبت بمرض البهاق من 7 سنين، بدأ معايا بحساسية فى الجلد، بدأت بهرش فيها وأنا نايم، ألاقى جلد أبيض بينتشر فى الكوع والكف والمفاصل كمان، وهو مرض أصلا ملوش علاج، أنا جربت مراهم كتير لكن مفيش فايدة، بس أنا مش مضايقنى فى حاجة، والناس بتتعامل معايا عادى، وبطبخ أكل والناس الزباين وصحابى بياكلوا معايا عادى، لأنهم عارفين إنه مش معدى".

وعن الوصفات الطبيعية التى لجأ إليها عم عبد القادر قال: "واحد اقترح عليا إنى أجرب وصفة طبيعية وهى بتكون من ماء خل، وبرشام فحم، وبدأ يعمل نتيجة لكن أنا مهمتش بالاستمرار فى تجربة الوصفة، روحت لدكاترة جلدية كتير جداً، لكن مفيش فايدة، لحد ما اتنصب عليا فى دواء كان بيتقال إنه بيعالج البهاق وفى الآخر معملش حاجة ".

وأضاف: "كنت بكشف على عينى فى عيادة، صادفتنى ست استغربت البقع البيضا فى جلدى وقالت لى إيه ده؟ !، قولت لها من عند الله، قالت لى أصلى بنتى جالها كده وجوزها عايز يطلقها".

لمزيد من الفيديوهات الإخبارية والرياضية والسياسية والترفيهية زورا قناة فيديو 7 على الرابط التالى..

https://www.youtube.com/channel/UCbnJMCY2WSvvGdqWrOjo8oQ?disable_polymer=true