نفت الفنانة نشوى مصطفى، الأنباء التي ترددت على مواقع التواصل الاجتماعي حول اعتزالها الفن، مؤكدة أن هذه الأخبار لا أساس لها من الصحة.

وقالت نشوى مصطفى في تصريح خاص لـ"دوت فن"، إنها لا تفكر في اعتزال الفن نهائيا، وأن ما كتبته على صفحتها الشخصية على موقع التواصل الاجتماعي "فيس بوك" ليس له علاقه باعتزالها للفن.

وكشفت نشوى عن عملها المقبل الذي ذكرته فى منشورها على "فيس بوك" أنها تجهز لعمل مسرحي "منو دارمي" منذ عامين، ومن المفترض عرضه فى شهر أكتوبر المقبل.

وتابعت نشوى:"أمنيتى منذ 20 عام أن أعمل عمل مسرحي وخصوصًا على مسرح الدولة".

وكانت نشوى قد كتبت عبر حسابها بموقع التواصل الاجتماعي "فيس بوك"، "مش حيفهم إحساسي غير فنان.. التمثيل بالنسبة لى مش مهنة.. التمثيل حياة أحياناً باحس إنى اتنين الإولى هى الزوجة والأم والابنة والأخت والصديقة ودول كلهم أنا اللي الظروف والقدر اختارونى فى المكان والزمان ده علشان أكونهم".

وتابعت نشوى مصطفى حديثها وكتبت "باجتهد وبادعى ربنا إنى أكون موفقة فيهم كلهم على أد ما أقدر.. التانية بقى هى دى نشوى اللي باحس معاها بمنتهى التطهير الروحى وتمام السلام النفسى، نشوى الممثلة هى دي اللي بتعدل ميزان روحى، بقالى سنين مفتقداها.. آخر مرة كانت معايا من حوالى تسع سنين تخيلوا لما مثلت فى مسلسل محمود المصرى، وفي إيد إمينة، وبعد الفراق، طول السنين اللي بعد كده مثلت كتير بره مصر فى الخليج فى اغلب الدول الشقيقة وأقل فى مصر بس كانت موجودة في الشغل ده.. نشوى اللى وظيفتها التشخيص مش نشوى اللي بتنسى نفسها جوه الشخصية ليه باقول الكلام ده لأني للأسف باجتهد بقالى فترة انى ادور على نشوى الممثلة اللي باتمنى تلازمنى الفترك الجاية واللي قررت إنى مش حاقبل وجود غيرها معايا .. بس للأسف كل ما أمشى خطوة بتحصل عكوسات".

واختتمت نشوى كلامها وقالت "دعواتكم لأن ميعادى معاها أول أكتوبر يا إما الاقيها يا إما أودعها للأبد".