أعلن طلاب الثانوية العامة عبر حساباتهم الشخصية على مواقع التواصل الاجتماعي، حالة أستنفار قصوى، بسبب اقتراب موسم الامتحانات، إعمالاً بالقول الأشهر: "يوم الامتحان يُكرم المرء أو يُهان".

#دعوه_منك_للثانويه_العامة منك لله مش عليى شان كنتى سنة صعبة وبتجيبي اسئلة غير الي بنذاكرها ابسلوتلي داه على شان كنتى بتخلينا نتزلل لدحيحة :(

— الحزلقوم (@moonemoooo) May 8, 2015

ان الله لا يكلف نفسا الا وسع #دعوه_منك_للثانويه_العامه pic.twitter.com/dPQSKI75Ou

— Ahmed™ (@Ahmeedsamir96) May 8, 2015

وتحظى شهادة الثانوية العام في مصر، بأهمية خاصة، حيث يعتبرها البعض معركة مصير، وبداية الحياة العملية. وعبر موقع "تويتر"، دشّن الطلاب هاشتاج #دعوة_منك_للثانوية_ العامة.

#دعوه_منك_للثانويه_العامه ربنا يوفقكم و يكرمكم و تدخلوا الكليات الى تعرفوا تحققوا فيها هدفكم

— sondos (@Sondos_So_) May 8, 2015

يعد الإصابة بالقلق و التوتر أبرز سمات موسم الامتحانات، لكن الطلاب كذلك يشكون كل عام من وجود اسئلة خارج المقررات المعتمدة من قبل وزارة التعليم. وهى السمة الغالبة كل عام أمام لجان الامتحان.

هوا احنا بقينا غلابة لدرجة انهم عاملين هشتاج يدعولنا فيه الزمن غدار اوى يا خااال  #دعوه_منك_للثانويه_العامه

— آلاء ورديانية القهوة (@ales_khamis) May 8, 2015

#دعوه_منك_للثانويه_العامه كل ما مجموعك يكبر كل ما هتندم اكتر وخصوصا بعد متتخرج فاعمل اللى عليك ومتضغطش نفسك انت فى النهايه مصرى يعنى جاهل

— صاحب السعاده (@kirolos_sameh) May 8, 2015

#دعوه_منك_للثانويه_العامه بلاش حرقة دم واعصاب عشانها بجد مش فارقه كتيير في الآخر كلكم هتلمكم قهوه واحده غالبا هتكون نفس القهوه اللي لمتنا

— الـچوكر الـلامُنتـمي (@Mahmoud__R) May 8, 2015

عبّر البعض من خلال الهاشتاج عن شعوره بالاكتئاب، لمجرد تذكر أيام الامتحان، بينما حاول عدد آخر التخفيف من كم القلق لدى المقدمين على الامتحانات، من خلال تقديم بعض النصائح الساخرة، مثل: كيف يمكنك الغش وخداع المراقب.

#دعوه_منك_للثانويه_العامه ان شاء الله لما تتقفشوا وانتوا بتغشوا يقابلكوا رئيس الدور زى عادل امام كده ويضرب المراقب  pic.twitter.com/X8s4duYE77

— صاحب السعاده (@kirolos_sameh) May 8, 2015

اللى يقولك اتعب دلوقت هترتاح بعد كده اوعى تسيبه تف عليه و فهمه غلطه انا لحد دلوقت مش مستوعبه اللى انا فيه #دعوه_منك_للثانويه_العامه

— خفاشه ? (@shusha_mankucha) May 8, 2015

#دعوه_منك_للثانويه_العامه والله انا لما بافتكر كنت عامله ازاي في الوقت ده السنه اللى فاتت بيجيلي اكتئاب ربنا ما يضيعش تعبكوا ويكرمكوا يارب

— Hana'a Atteya (@shalomeath) May 8, 2015

اللهي يارب الكتب تولع وتنجحو كلكم   #دعوه_منك_للثانويه_العامه

— الشيخ مينا (@iMinaaaa) May 8, 2015