هاجم الإعلامي جابر القرموطي، الكاتب الصحفي مجدي الجلاد، بسبب مقال الأخير في جريدة الوطن، والذي اتهم فيه الإعلام الخاص بتدمير البلاد لمصالحه الشخصية، وعلق القرموطي قائلا: "يعني واحدة زي لبنى عسل بتدمر الوطن؟"

وأضاف القرموطي خلال برنامجه مانشيت على فضائية أون تي في، اليوم الإثنين: "أنا بدأت كتابة في الأهرام بـ 4 أقلام لكن مكنتش بـ 4 وشوش ولا كنت بخزوق زمايلي، واتعلمت من ناس كتير في حياتي زي عبدالله كمال الله يرحمه وشريف رياض ويوسف القعيد وجمال الغيطاني وعمري ما تسلقطت على قفا حد.

وتابع: "أنا مش على راسي بطحة والله وأنا شفاف لأبعد حد ويشهد على كده زميلك علي السيد اللي كنت بقسم معاه النص جنيه اللي بنكسبه، محدش بيسوقني ولا بيوجهني، ولا حد ليه كلمة عندي ولا مالك القناة ولا رئيس القناة".