تستحوذ "الفُسح" والخروجات والورود والحفلات والأكلات، على اهتمامات المصريين في يوم شم النسيم، الذي لا تحتفل به أي دولة حول العالم إلا مصر ابتهاجا ولبدء فصل الربيع.

اعتاد المصريون ومنذ عهد الفراعنة استقباله في هذا اليوم بطقوس مصرية خالصة تتمثل في "تلوين البيض" والتنزه في الحدائق ونثر الورود واختتامه مساء بـ "أكلة رنجة محترمة"  أو وجبات سمك وجمبري "القريدس" بحسب تعبير مستخدمي مواقع التواصل الاجتماعي المصريين ردا على وسم (هاشتاج) #قول_هتعمل_أيه_ف_شم_النسيم.

ف بيض كتييييييييير انا بقي هلونه واغني البيض بقي لون بمبي #قول_هتعمل_ايه_ف_شم_النسيم

— AhmED_ElmoAwfy (@AHMED_Elmoafy) April 13, 2015

#قول_هتعمل_ايه_ف_شم_النسيم هاكل رنجة طبعاً وهخرج اكيد

— esraa saad (@esraasaad11) April 13, 2015

أسراب القريدس بقت هي الراعي الرسمي لشم النسيم #قول_هتعمل_ايه_ف_شم_النسيم

— Ahmed Hanafy (@Hanafy_25) April 13, 2015

"الأكلة" التي شبهها البعض في وصفهم بالسلاح، في نصيحتهم للبنات أثناء  خروجهن للاحتفال بيوم شم النسيم في المنتزهات لحماية أنفسهن من محاولات تحرش بعض الشباب والصبية بهن التي تظهر بكثرة خلال هذه المناسبات.

#قول_هتعمل_ايه_ف_شم_النسيم أحب أقول للبنات اللي خارجين بصلتك في إيدك فسيخك معاكي اللي يقرب لك فحي فيه زي الأناكوندا

— النيل مجاشي (@ahmedelzein83) April 13, 2015

اعمل الصح

على طريقة الفنان الراحل غسان مطر الذي اشتهر بجملته، في فيلم "لا تراجع ولا استسلام (القابضة الدامية)"، (اعمل الصح يا حزلئوم)، غرد مستخدمو تويتر المصريين ردا على هاشتاج متسائل عن ترتيباتهم للاحتفال بيوم شم النسيم، موضحين أن استعدادهم لما وصفوه بـ"الجريمة اللي هايرتكبوها"، في إشارة لمعركتهم مع وجبة طعام "الرنجة والفسيخ"، في حين رد آخرون، في سخرية، رافضين الإعلان عن أنشطتهم خوفا من "الحسد".

#قول_هتعمل_ايه_ف_شم_النسيم هعمل الصح

— المغرـــ شيخ ــدين (@cappuccion_hi) April 13, 2015

نازل اجيب الرنجه دلوقت وربنا يسمحنا ع الجريمه اللى هانرنكبها دلوقت #قول_هتعمل_ايه_ف_شم_النسيم

— هّدٌ???ء مُؤقٌت (@king_saudi2000) April 13, 2015

#قول_هتعمل_ايه_ف_شم_النسيم احلي حاجه في المناسبات دي بتطلعنا من جو الروتين وتحس في شويه تغير في ام الحياااااه دي

— Al?ne ßut ?a??ý (@hamdy_ali93) April 13, 2015

لا الحاجات دي بتتنظر #قول_هتعمل_ايه_ف_شم_النسيم

— Ali Samir (@3lisamir) April 13, 2015

هي الأحلام بفلوس..

لا طبعا، هكذا عبرت أراء بعض المصريين التي ظهرت بوضوح في تعليقاتهم على الوسم المذكور، التي جاءت مصحوبة بأحلام وأفكار خارج الإطار وبالرغم من أن الأحلام "مش بفلوس" -على حد تعبيرهم- إلا أن ما ستراه في التغريدات التالية تعد من فصيل "الأحلام الوردية"، كلمة شائعة في مصر تشير للأمور صعبة التحقيق، وأخرى ساخرة.

#قول_هتعمل_ايه_ف_شم_النسيم بفكر اسافر باريس وارجع في نفس اليوم

— Ahmed Said (@Bode10) April 13, 2015

انا محضرة خروجة حلوة.. هخرج من اوضة النوم للريسيبشن ومن الريسيبشن للمطبخ لحد مااموت من الفسحة #قول_هتعمل_ايه_ف_شم_النسيم

— ™ بنت صاحب تويتر (@bentmasrya100) April 12, 2015

وهو فيه احسن من النوم #قول_هتعمل_ايه_ف_شم_النسيم

— العندليب (@72a55eb834df440) April 13, 2015

البؤساء

المعذبون في الأرض أوصاف يطلقها في أغلب الأحيان طلاب مصريون ويختصون بها لوصف حالتهم النفسية أثناء الاحتفال ببعض المناسبات التي تكون في وقت قريب من ميعاد الامتحانات، ومنها اليوم الذي تعتبره الدولة المصرية عطلة رسمية كيوم شم النسيم، موضحين أنهم سيقضون اليوم في المذاكرة لكن هذا لن يمنعهم من تقضية بعض الطقوس الخاصة بهذا اليوم والمتمثلة في أكل الرنجة.

كنت بذاكر ..واشوف الناس رايحه الجناين ذكريات #ثانويه_عامه #قول_هتعمل_ايه_ف_شم_النسيم

— جعلوني ..طبيبا (@mamdouhsalah73) April 13, 2015

كذلك لا تفارق المغتربون المصريين روائح عادات وتقاليد هذه الاحتفالات ذات الطابع المصري الفرعوني خارج بلادهم، كما عبروا عن ذلك.

#قول_هتعمل_ايه_ف_شم_النسيم أنا بره مصر وشايف المصريين في السوبر ماركت بيشمشموا على رنجاية تايهة في أي ركن بس للأسف مفيش فسيخ هنا

— النيل مجاشي (@ahmedelzein83) April 13, 2015

لأقعدن عالطريق واشتكي..

هي حالة كل مصري في هذا اليوم لم يسعفه الوقت في شراء احتياجات الاستعداد الخاصة بهذا اليوم وهي أيضا حالة أغلب المصريين بعد الانتهاء من "عاركة واقعة الرنجة"، وهي مقتبسة من كلمات أغنية "يامن هواه أعزه وأذلني".

#قول_هتعمل_ايه_ف_شم_النسيم هاقعدن علي الطريق و اشتكي

— 13 (@____fatma______) April 13, 2015