روى الفنان محمد هنيدي أغرب موقف محرج حدث له، خلال حواره مع الإعلامي معتز الدمرداش، ببرنامج "أخطر رجل في العالم"، المذاع على شاشة "mbc مصر2"، اليوم الثلاثاء، قائلا إنه في أثناء تصويره لفوازير "أبيض وأسود" مع الفنان الراحل علاء ولي الدين في منطقة الأهرامات، تفاجأ بأن أحد الأشخاص يريد مقابلته بشكل عاجل.

أضاف هنيدي "لقيت واحد مفيش أي وجه شبه بيني وبينه إطلاقا، يخبرني أنني سببت له مشاكل في الشارع نظرا للشبه الشديد بيننا، على حد قول هذا الرجل، ولكنني قلت له لا يوجد أي شبه بيننا، حتى تفاجأت بقوله لي "لو مش مصدق اطلعلك الصورة"، بالرغم من وقوفه أمامي، وعندما وجدته مقتنعا قولتله "يشرفني إننا شبه بعض".

واستكمل هنيدي مواقف غريبة أخرى حدثت له، عندما ظهرت صور "السيلفي" لأول مرة، مضيفا "زمان كان لما حد عايز يتصور معاك كنت بتوافق عشان ما تحرجش حد، لكن فيه مواقف بتبقى صعبة وقت الأزمات"، لكن من وقت ظهور السيلفي بقى اللي عايز يتصور هياخدها يعني هياخدها".

واستطرد "قابلني واد في عزا وقالي أنا عارف إن الوقت مش مناسب يا حمادة والتقط الصورة بسرعة، ومن المثير للسخرية في هذه الصور إن اللي بيصور لازم ياخدك تحت باطه ويرميك بعدها ولا كأنه يعرفك".