نظم معهد جوته، اليوم الثلاثاء، جلسة مناقشة تحت عنوان "افعل ولا تفعل"، ضمن فعاليات مهرجان دي كاف للفنون المعاصرة في نسخته الرابعة هذا العام، وتُركت مساحة لإلقاء مجموعة من الأسئلة من الحضور على أحمد العطار، مدير مهرجان دي كاف، ومنظمة الأحداث الثقافية، أنيا ديركس.

وقال أحمد العطار، في الإجابة عن سؤال حول أسعار التذاكر وتنوع فعاليات مهرجان دي كاف عن السنوات السابقة، "أعتقد إن في عمر 4 سنين لمهرجان مبتدئ عندنا تغييرات ضخمة تنظيميا وإداريا"، وتابع "بالنسبة لأسعار التذاكر أنا من المقتنعين تماما إن الفن لا بد يكون له قيمة، ده حتى مسارح وسينمات الدولة بتدفع الناس تذاكر، لأن الناس لازم تحس إن العمل اللي هيتفرجوا عليه له قيمة، والتذكرة هي العقد بين الجمهور وبين المؤدي اللي بيقدم الفن".

وتابع مدير مهرجان دي كاف "لدينا المزيد من الفعاليات، نحن مصممون أن الفنون الأدائية مثل السينما والمسرح لا بد وأن يكون لها تذكرة" موضحا "كلها السنة دي كانت كومبليت، ودي نتيجة كويسة".

وأضاف العطار "في نوستالجيا في مصر عن الجمهور بتقول إنه مش عايز يدفع وإنه عايز يروح حاجة ببلاش، وده مش صح، لأننا لو روحنا أي مكان ثقافي، هنلاقي الناس اللي عايزة تحضر ببلاش، هما هما نفس الناس في كل حتة، وهنا في اختلاف بين اللي رايح يشوف عرض، وبين اللي بيروح مع أصحابه وخلاص، والحقيقة إن الشباب بيصرف ع القهوة أكتر ما بيصرف على تذكرة المسرح اللي بـ 20 جنيه".

وأنهي العطار قائلا "لذا لا بد أن يكون لدي المهرجانات تمويلا كي تحقق استمرارية".