شن الإعلامي تامر أمين، اليوم الثلاثاء، هجوما على السيدة منى البحيري، صاحبة مقوله" شت أب يور ماوس أوباما"، وذلك بعد ظهورها ببرنامج المسابقات الشهير أراب جوت تالنت، مشيرا إلى أن تكرار ظهورها أصبح يضحك ملايين البشر علينا كمصريين.

وأضاف أمين، خلال برنامجه من الآخر على شاشة روتانا مصرية، قائلا "سمعنا النكتة مرة ضحكنا عليها وخلاص، لكن ما ينفعش أفضل أكررها وأضحك، وطبيعي أنا مش عبيط، منظر مؤسف، ولجنة التحكيم رفضوها فورا ، لأن بالنسبة لهم ده عبط، في النهاية ده برنامج مواهب".

وتسائل أمين، موجها حديثه  للبحيري قائلا "هل إنتي شايفه اللي بتقوليه ده موهبة؟ ده إسفاف، ده إبتذال، بتلخبطي الدنيا فى الإنجليزي، بالمنظر ده، كفاية كده، ارحموها وارحمونا، انقذوها وانقذونا، انتو كده بتلعبوا بيها وتستخدموها استخدام رخيص ومبتذل، وبتضرونا وتشوهوا صورتنا وتخلوا العالم كله يسخر مننا".

واستطرد أمين "الست دي سافرت دبي العام الماضي فى أحد المهرجانات، والعام الحالي سافرت بيروت في برنامج للمواهب، وأكيد حد وراء الست دي، ويدفع لتشويه صورة المصريين وواجهة مصر، الموضوع مش طبيعي، وسافرت على حساب مين يا ترى؟"

وختم أمين حديثه قائلا " كفوا هذا العبث، وبقولك يا أستاذة منى كنِّي، روحي اشتغلي واخدمي بلدك أو ربِّي عيالك أو اعلمي أي حاجة لها علاقة بخدمة الوطن غير تشويه صورة الوطن عن طريق إننا نضحك الناس علينا".