" اتعلمت منه حاجات كتير في الحياة أهمها الفن اللي كان بيعشقه المزيكا كانت كل حاجة بالنسبة لوالدى وهو اللي اكتشف في حبي للموسيقي والعزف علي العود فبدأ يوجهنى عشان ادرس " هكذا بدأ الملحن يحيي الموجى أبن الموسيقار الراحل محمد الموجى يحكى لنا عن ذكرياته مع والده في الحياة والفن .

 

وقال الملحن يحيي الموجى لـ دوت مصر: والدى قالي انا عاوز تدرس الموسيقي وتعوض اللي انا معرفتش اعمله عشان انا متعلمتش الموسيقي في معهد أو أكاديمية وبالفعل قدم اوراقي في الكونسر فتوار .

 

وقال الموجى والدى كان بيحب ويقدر المرأة واتجوز 8 مرات "عشان كان حبيب" بس لم ينجب غير من أمى .

 

 

 

 

 

واضاف الموجى صعب تكرار الجيل الجميل من عظماء الموسيقي حتي انا مش بعتبر نفسي خليفة الموجى في الموسيقي لأنى اخدت طريق تانى غير التلحين وهو التوزيع الموسيقي ولقيت نفسي في السكة دى .