أسماء إسماعيل

تحدثت أسماء إسماعيل، عن مشروعها الصغير، لـ "اليوم السابع"، قائلة: "أنا معتمدة على نفسى مادياً، وحاولت أدور على أى وظيفة، ولكن ملقيتش، فقررت أعمل مشروع صغير، أقدر أصرف منه على جامعتى وبنتى وادفع إيجار شقتى، فعملت كرڤان بعد تعب، وللأسف لسه ماخدتش تصريحه وما حدش راضي يديني تصريحه من الأساس، فقررت أحول شنطة العربية لعمل مشروبات ساخنة وقت انتشار كورونا، عشان أزود دخلى".

أسماء

تقف "أسماء" فى الشارع لساعات طويلة من أجل تحضير المشروبات الساخنة من قهوة وشاى وغيرها، متمنية أن تعود لابنتها بما يكفيها من المال الذى لا يجعلها تسأل أحد أو تحتاج لأى شخص، ولأنها فتاة فقد واجهت ردود فعل سلبية من المارة، حيث قالت: "رد فعل الشارع كان سلبى بعض الشىء، كذا مرة ناس تمشينى من الشارع، لكن الناس اللى بتشجعنى إنى استمر كتير الحمد لله، وفي ناس وقفت جمبي علشان أجر محل عشان أخد منه كهربا للعربية وأقدر أشتغل، واضطريت إنى استلف عشان أقدر أوضب المحل وأقدر أقف على رجلي".