وحول هذا الفيديو قالت الفنانة هالة صدقي  إن الفيديو الذى نسب إليها بتوجيه ألفاظ خارجة لزملائها الفنانين مفبرك،  والفيديو ده  صورته امبارح، وكان الصوت اللى عليه صوت الأشجار والعاملين بالمسلسل معايا، بس أنا لم أتكلم فيه نهائيا، وحتى نشرت فيديو أخر اتكلمت فيه وقلت أننا متذنبين فى البرد عشان مستنين الشمس تغيب عشان نصور بعض المشاهد".

 

هالة صدقي : فعلا كان على حسابى على "الانستجرام" 

 

وفى تصريج خاص لـ "دو ت مصر"،  تابعت هالة صدقي "اتفاجئت النهاردة بصوت على الفيديو وعليه ألفاظ ،وفعلا كان على حسابى على "الانستجرام" فاكتشفت إن شخص عمل اختراق لحسابى، ونزل الفيديو اللى فيه ألفاظ لزملائى.

 

هالة صدقي :  لما سمعت الصوت حسيت إنه صوتى

 

وتابعت هالة صدقي : "أنا نفسى لما سمعت الصوت حسيت إنه صوتى، بس عرفت بعدها إن فى برامج بتقدر تغير الصوت وحصلت كتير قبل كده، وانا ضعيفة فى التكنولوجيا جدا، ولا عارفة يعنى إيه اختراق، حتى الدليل إنهم ماخدوش فيديو أكون ظاهرة فيه بتكلم عشان حركة الشفايف مش هاتكون منطبقة على الكلام اللى بيتقال".

 

هالة صدقي : "أنا فنانة مش دكتورة

 

واختتمت  هالة صدقي حديثها مؤكدة :"أنا فنانة مش دكتورة، وأنا لو شتمت كده يبقى بشتم نفسى أنا كمان، واللى بيتابعونى يعرفوا إنى دايما بقول إن دول أهلى واخواتى وأصحابى وبدافع عنهم، يبقى إزاى هشتمهم بالطريقة دى، أنا حتى أصحابى مصدقوش الفيديو نهائى لأنهم عارفينى كويس، للأسف إحنا القوة الناعمة سواء مثقفين أو ممثلين أو كتاب بنتحارب من الخارج، ونفسهم فى أى غلطة لينا".

 

 

وكان فيديو نشر على حساب الفنانة هالة صدقى عبر حسابها على موقع "انستجرام"، صورت فيه مجموعة من العاملين من كواليس تصوير مسلسل وتضمن صوتا مشابها لها وتقوم بتوجيه إساءة للعاملين معها بالمسلسل واصفة اياهم بـ "الجرابيع والحثالة".