كشف الشاعر الغنائى مينا مجدي، عن مفاجأة كانت تعدها الفنانة الشابة الراحلة غنوة لمصالحة شقيقتها النجمة أنغام، قبل وفاتها بأيام، وإزالة أسباب للخلاف بينهما.

وأكد مجدى أنه تلقى مكالمة من غنوة وطلبت منه كتابة أغنية خصيصا لها، وتقول كلماتها :" وحشانى يا أختى جدا، وحشتنى الذكريات، مهما الأيام خدتنا، عمرى ما أنسى اللى فات، فى بيننا حاجات كتيرة، وأنتى يا أختى الكبيرة، عندى ست البنات".

وكتب مجدى عبر حسابه بموقع "فيس بوك" :" الكلمات دى جزء من أغنيه كتبتها مخصوص بناء على طلب شخصى من صديقتى الراحلة غنوه محمد على سليمان، كتبتها علشان تغنيها وتعملها مفاجأة لاختها الفنانة أنغام، بعد مكالمة طويلة كانت ما بينى وبينها".

وتابع مجدى: "مكالمة كانت مليانة دموع وحنين لذكرياتها القديمة مع اختها، كل الناس كانوا عارفين إن أنغام وغنوة بقالهم فترة كبيرة قاطعين علاقتهم مع بعض، وبدون دخول فى أى تفاصيل، كان بقالهم سنين لا بيتكلموا ولا بيتقابلوا، وده كان مسبب جرح كبير

فى قلب غنوة، وفي يوم من الأيام كتبت بوست وطلبت فيه من الناس اللى بتتابعنى إنهم يعملوا منشن لأكتر حد واحشهم، واتفاجئت ساعتها لما لقيت غنوة كاتبة اسم أنغام فى كومنت، في نفس اليوم اتصلت بيها واتكلمنا، وعرفت منها إنها برغم كل الخلافات اللى

بينها وبين اختها إلا إنها لسه بتحبها، بتحبها ومحتاجة لوجودها فى حياتها زى زمان، ووصلنا لنتيجه إنى هكتبلها أغنية تقدمها مفاجأة وهدية لأنغام، علشان يرجعوا لبعض تانى ويدوب ما بينهم أى زعل، وفعلا الأغنية اتلحنت وسمعها والدها وأشاد بيها".

لمزيد من الفيديوهات الإخبارية والرياضية والسياسية والترفيهية