إعرف حظك اليوم وتوقعات الأبراج معانا كل يوم وياريت متاخدش الكلام على صدرك..ف الأول والأخر انتا اللي بتعمل حظك اليوم وكل يوم بتصرفاتك ف الحياة ومينفعش حد يقولك هتبقى مبسوط النهاردة أو لأ إلا انتا..إنتا بس اللي تقدر تحدد دة اليوم وكل يوم..متنساش دة..صباحك فل وسعادة..

  : كلام جد

ازاي واحدة بتقول انها مبتحبش نفسها زعلانة ان مفيش واحد بيحبها.. هيعمل حاجة انتي فشلتي فيها ازاي يافالحة؟.   

عشان تعرف حظك بشكل كامل .. صفي نيتك ودوس على اسم برجك بإيدك اليمين.

إعرف حظك اليوم برج الحمل بالتفصيل الجمعة 2/3/2018 مع عبدالله أحمد..

الحمل: من 21 مارس إلى 19 ابريل

برج الحمل عاطفياً

( الكراش والإكس والبوي فريند والجيرل فريند والجوز والزوجة والقرايب ):

بلا عاطفيا بلا بتاع بقى ياجدع هو انتا فاضي اساسا تحب حد.. انتا مشغول بثبيت الاخرين وبس

برج الحمل عملياً

( الشغل والمذاكرة والتخطيط لبكرة ):

بتحتاج تضمن الناس بزيادة وتثبتهم كدة ليه بقى.. مكسل تحب وتتحب وفالح تهرب وتهبأ وبس.. عموما انتا حر.. جايز معاك حق برضة احنا منعرفش التفاصيل

برج الحمل صحياً

( نفسيا وجسمانيا وكل مايخص طاسة المزاج ):

صحيا النهاردة انتا محتاج تنام كويس النهاردة ومتقعدش مع اي عيال صغننة تماما

إعرف توافق برج الحمل مع باقي الأبراج النهاردة:

متوافق مع الابراج الحسواكية والفرفورية والحنتوسية والبرمائية والمائية والهوائية..

إعرف حظك اليوم برج الثور بالتفصيل الجمعة 2/3/2018 مع عبدالله أحمد..

الثور : من 20 ابريل إلى 20 مايو

برج الثور عاطفياً

( الكراش والإكس والبوي فريند والجيرل فريند والجوز والزوجة والقرايب ):

حاول تتعامل مع قلبك بشكل احسن من كدة حبة عشان ممكن يقفش عليك ويزعلك فجأة النهادرة خصوصا بالليل

برج الثور عملياً

( الشغل والمذاكرة والتخطيط لبكرة ): 

مش كل يومين هنقولك نفس الكلام ياكابتن.. راعي مشاعرك حبة ومتعاملش قلبك بسادية وافترا.. بلاش

برج الثور صحياً 

( نفسيا وجسمانيا وكل مايخص طاسة المزاج ):

صحيا النهاردة انتا محتاج تجري ف مكانك حبة ومحتاج برضة تشوف حل ف نوبات البانيك اتاك اللي بقت تجيلك بالليل دي

إعرف توافق برج الثور مع باقي الأبراج النهاردة:

متوافق مع الابراج البسكوتية والبربوشية والكتكوتية والبرمائية والنارية والترابية..

إعرف حظك اليوم برج الجوزاء بالتفصيل الجمعة 2/3/2018 مع عبدالله أحمد..

الجوزاء: من 21 مايو إلى 20 يونيو

برج الجوزاء عاطفياً 

( الكراش والإكس والبوي فريند والجيرل فريند والجوز والزوجة والقرايب ):

متنكرش انك مبسوط خصوصا لو الناس اللي حواليك فاكرينك مبسوط.. بالعكس.. انفخلهم ف احلامهم وتصوارتهم لحد ما تملى دماغهم ويحلوا عنك

برج الجوزاء عملياً 

( الشغل والمذاكرة والتخطيط لبكرة ):

متحكيش حاجة لحد مش هيفهمها.. بلاش.. انتا لا ناقص تعاطف من حد ولا شفقة

برج الجوزاء صحياً 

( نفسيا وجسمانيا وكل مايخص طاسة المزاج ):

صحيا النهاردة انتا محتاج تلبس اي حاجة زرقا عشان تخزي العين حبة ومتتحسدش

تعرف على توافق برج الجوزاء مع باقي الأبراج النهاردة:

متوافق مع الابراج البرجماتية والحنكوشية والنباتية والسمكمكية والهوائية..

إعرف حظك اليوم برج السرطان بالتفصيل الجمعة 2/3/2018 مع عبدالله أحمد..

السرطان: من 21 يونيو إلى 22 يوليو

برج السرطان عاطفياً 

( الكراش والإكس والبوي فريند والجيرل فريند والجوز والزوجة والقرايب ):

مترفعش سقف توقعاتك النهاردة ومتركبش فيه كرانيش عشان متقعش عليك وتبقى حوسة بعدين

برج السرطان عملياً 

( الشغل والمذاكرة والتخطيط لبكرة ):

خليك واقعي وواجه نفسك النهاردة بحقيقتها

برج السرطان صحياً 

(نفسيا وجسمانيا وكل مايخص طاسة المزاج ):

صحتك النهاردة ماشي حالها بس حاول تبطل هيستريا حبة كل ماتحصل حاجة مش على مزاجك

تعرف على توافق برج السرطان مع باقي الأبراج النهاردة:

متوافق مع الابراج الحلبسية والكهربائية والبرمائية والكتكوتية والمائية و الترابية والنارية والبهوائية ( اخت الهوائية بس مبهوئة حبة).

إعرف حظك اليوم برج الأسد بالتفصيل الجمعة 2/3/2018 مع عبدالله أحمد..

الأسد: من 23 يوليو إلى 22 اغسطس

برج الأسد عاطفياً 

( الكراش والإكس والبوي فريند والجيرل فريند والجوز والزوجة والقرايب ):

اضحك عشان الدنيا تضحكلك مش تضحك عليك وعلى شكلك وانتا بتضحك

برج الأسد عملياً 

( الشغل والمذاكرة والتخطيط لبكرة ):

خلي بالك انك لو ضربت بوز او كشرت النهاردة برضة الدنيا هتضحك عليك ف مفيش فايدة

برج الأسد صحياً 

( نفسيا وجسمانيا وكل مايخص طاسة المزاج ):

صحتك النهاردة محتاجة شوية راحة وانبساط وفرفشة بريئة زي امبارح

تعرف على توافق برج الأسد مع باقي الأبراج النهاردة:

متوافق مع الابراج الفشكولية والباراكودية والسمكمكية والكرِيبّية والإستحواذية والهوائية والمائية والنارية..

إعرف حظك اليوم برج العذراء بالتفصيل الجمعة 2/3/2018 مع عبدالله أحمد..

العذراء: من 23 اغسطس إلى 22 سبتمبر

برج العذراء عاطفياً 

( الكراش والإكس والبوي فريند والجيرل فريند والجوز والزوجة والقرايب ):

التفكير الكتير المرير قبل النوم خطر ومضر ومالوش اي فايدة علمية وعاطفية من اي نوع

برج العذراء عملياً 

( الشغل والمذاكرة والتخطيط لبكرة ):

قبل النوم تسمع مزيكا هادية منعشة تشجعك تحلم احلام حلوة وبس

برج العذراء صحياً 

( نفسيا وجسمانيا وكل مايخص طاسة المزاج ):

صحتك النهاردة محتاجة منك نوم من بدري ومتسهرش تفكر ف كل حاجة وحشة.. بالراحة على مخك عشان ميهربش منك

تعرف على توافق برج العذراء مع باقي الأبراج النهاردة:

متوافق مع الابراج البرطمانية والكستبانية والبرمائية والهوائية والترابية والبرمائية..

إعرف حظك اليوم برج الميزان بالتفصيل الجمعة 2/3/2018 مع عبدالله أحمد..

الميزان : من 23 سبتمبر إلى 22 اكتوبر

برج الميزان عاطفياً 

( الكراش والإكس والبوي فريند والجيرل فريند والجوز والزوجة والقرايب ):

حاول متنبهرش بحد او بحاجة النهاردة بشكل اوفر وزيادة عن اللزوم.. خليك كوول واعصابك ف التلاجة

برج الميزان عملياً 

( الشغل والمذاكرة والتخطيط لبكرة ):

النهاردة اجازة من الاوفر ثينكينج يابرنس

برج الميزان صحياً 

( نفسيا وجسمانيا وكل مايخص طاسة المزاج ):

صحتك النهاردة محتاجة حبة حركة وركوب عجل الليلة

تعرف على توافق برج الميزان مع باقي الأبراج النهاردة:

متوافق مع الابراج الدرامية والبحرية والبرميلية والسمكمكية والنيلية والفضية والبربئية والترابية والهوائية..

إعرف حظك اليوم برج العقرب بالتفصيل الجمعة 2/3/2018 مع عبدالله أحمد..

العقرب: من 23اكتوبر إلى 21 نوفمبر

برج العقرب عاطفياً 

( الكراش والإكس والبوي فريند والجيرل فريند والجوز والزوجة والقرايب ):

محتاج تفضفض وتشكي همومك بشكل رومانسي عاجل لحد بتحبه وبتثق فيه النهاردة

برج العقرب عملياً 

( الشغل والمذاكرة والتخطيط لبكرة ):

كرامتك ناقحة عليك ومانعاك ومخليكا مكسوف.. مكسوف من ايه بالظبط.. ماتتكلم وبراحتك.. ايه المشكلة

برج العقرب صحياً 

( نفسيا وجسمانيا وكل مايخص طاسة المزاج ):

صحتك النهاردة محتاج نوم كويس واكل كويس عشان تخف بسرعة ياكتكوت

تعرف على توافق برج العقرب مع باقي الأبراج النهاردة:

متوافق مع الابراج الحنكوشية والكهربائية والبرطمانية والكهرمانية والبرمائية والترابية والهوائية والنارية..

إعرف حظك اليوم برج القوس بالتفصيل الجمعة 2/3/2018 مع عبدالله أحمد..

القوس: من 22 نوفمبر إلى 21 ديسمبر

برج القوس عاطفياً 

( الكراش والإكس والبوي فريند والجيرل فريند والجوز والزوجة والقرايب ):

خلي بالك عشان انبساطك ومرحك المعتادين ممكن يتفسروا غلط النهاردة ويتفهموا على انهم كيد وشماتة.. على الاقل داريهم حبة مش كدة ياجدع

برج القوس عملياً 

( الشغل والمذاكرة والتخطيط لبكرة ):

فكك من رغي الحاقدين وركز ف اللي بتعمله وبس وسيبهم يتفلقوا ويخبطوا دماغهم ف الحيط

برج القوس صحياً 

( نفسيا وجسمانيا وكل مايخص طاسة المزاج ):

صحتك النهاردة زي الفل بس انتا محتاج تداري الموضوع دة عشان متتحسدش

تعرف على توافق برج القوس مع باقي الأبراج النهاردة:

متوافق مع الابراج الفركتوزية والحبشتكانية والحنجورية والهوائية والنارية والمائية

إعرف حظك اليوم برج الجدي بالتفصيل الجمعة 2/3/2018 مع عبدالله أحمد..

الجدى: من 22 ديسمبر إلى 19 يناير

برج الجدي عاطفياً 

( الكراش والإكس والبوي فريند والجيرل فريند والجوز والزوجة والقرايب ):

دلع نفسك حبة النهاردة ومتبخلش عليها بأكل وفسح وخروج وسينما.. دلعها وفك الكيس حبة

برج الجدي عملياً 

( الشغل والمذاكرة والتخطيط لبكرة ):

اليوم مناسب للإسترخاء وللتفكير ف كل حاجة انتا كنت مأجل التفكير فيها ليوم اجازة

برج الجدي صحياً 

( نفسيا وجسمانيا وكل مايخص طاسة المزاج ):

صحتك النهاردة محتاجة دلع ودندشة وخروج

تعرف على توافق برج الجدي مع باقي الأبراج النهاردة:

متوافق مع الابراج البربئية والمونوكرومية والحنتوسية والحلبسية والكشرية والترابية والنارية..

إعرف حظك اليوم برج الدلو بالتفصيل الجمعة 2/3/2018 مع عبدالله أحمد..

الدلو: من 20 يناير إلى 18 فبراير

برج الدلو عاطفياً 

( الكراش والإكس والبوي فريند والجيرل فريند والجوز والزوجة والقرايب ):

مود خطر النهاردة جدا على الكوكب كله.. واضح ان حد زعلك بجد وعرف ازاي يضايقك.. معلش.. روق انتا بس وكل حاجة هتيقى كويسة وزي الفل من تاني

برج الدلو عملياً 

( الشغل والمذاكرة والتخطيط لبكرة ):

قدامك اختيارت كتير النهاردة وكلها حاجات مكن تنجح فيها وببساطة وبدون مجهود مضني او تضييع وقت تحت مظلة الرأسمالية الروتينية او الغير روتينية.. واضح انه آن الآوان عشان تبتدي تفكر وتاخد خطوات عملية جادة ف اتجاه انك تعتمد على نفسك وبس ف النجاح.. نصيحة بس صغيرة جدا.. ابعد عن الفاشلين بمزاجهم ف الحياة عشان مرضهم النفسي فعلا كله إحباط ومعدي

برج الدلو صحياً 

( نفسيا وجسمانيا وكل مايخص طاسة المزاج ):

صحتك اليوم ف تحسن خصوصا وانك مهتم حبة وبتنام كويس.. يارب دايما ياخويا والله

تعرف على توافق برج الدلو مع باقي الأبراج النهاردة:

متوافق مع الابراج الكستبانية والدخانية والمونوكرومية والكتكوتية والبرمائية والكبريتية والجنية والمائية والنارية والخيالية..

إعرف حظك اليوم برج الحوت بالتفصيل الجمعة 2/3/2018 مع عبدالله أحمد..

الحوت: من 19 فبراير إلى 20 مارس

برج الحوت عاطفياً 

( الكراش والإكس والبوي فريند والجيرل فريند والجوز والزوجة والقرايب ):

للأسف مينفعش تشتري الحب او الاحترام بفلوسك.. لو كان ينفع مكانش حد غلب.. بس دايما تقدر تحب وتتحب واللي يحبك يحترمك ويشيلك فوق دماغه من فوق كمان.. لو اخترت صح.. لو شغلت دماغك واخترت صح

برج الحوت عملياً 

( الشغل والمذاكرة والتخطيط لبكرة ):

المود النهاردة محتاج شوية روقان وتمشية على اي شط بحر ولو ف الخيال حتى

برج الحوت صحياً 

( نفسيا وجسمانيا وكل مايخص طاسة المزاج ):

صحيا كل حاجة سالكة وماشية وزي الفل.. استغل الطاقة والصحة والنشاط ف الخير واتصرف صح وانبسط.. بلاش نكد النهاردة خالص بجد

تعرف على توافق برج الحوت مع باقي الأبراج النهاردة:

متوافق مع الابراج البسبوسية واللولبية والفهلوية والكتكوتية والمستحية والنارية والهوائية