إعرف حظك اليوم وتوقعات الأبراج معانا كل يوم وياريت متاخدش الكلام على صدرك..ف الأول والأخر انتا اللي بتعمل حظك اليوم وكل يوم بتصرفاتك ف الحياة ومينفعش حد يقولك هتبقى مبسوط النهاردة أو لأ إلا انتا..إنتا بس اللي تقدر تحدد دة اليوم وكل يوم..متنساش دة..صباحك فل وسعادة..

  : كلام جد

ممكن تكون معظم مشاكلك ناتجة عن ان جسمك ضيق على روحك ومحتاج مقاس أكبر نمرة او نمرتين.   

عشان تعرف حظك بشكل كامل .. صفي نيتك ودوس على اسم برجك بإيدك اليمين.

إعرف حظك اليوم برج الحمل بالتفصيل السبت 10/2/2018 مع عبدالله أحمد..

الحمل: من 21 مارس إلى 19 ابريل

برج الحمل عاطفياً

( الكراش والإكس والبوي فريند والجيرل فريند والجوز والزوجة والقرايب ):

شياكة إستثنائية النهاردة سواء خارجيا أو داخليا مع ميل للنجاح والدلع ومعاندة الظروف والحياة.. ع البركة يابرنس.. ع البركة.

برج الحمل عملياً

( الشغل والمذاكرة والتخطيط لبكرة ):

هتتعب النهاردة حبة معلش لو بتتعامل مع اطفال او كبار بس من جواهم اطفال.. معلش دة قدرك وقدر حنية قلبك وصبرك اللي مالوش حدود..

برج الحمل صحياً

( نفسيا وجسمانيا وكل مايخص طاسة المزاج ):

صحيا النهاردة انتا مرهق مش عارف تنام كويس ولا تاكل كويس وقربت تشد ف شعرك من كتر المشاكل الصغننة السخيفة اللي عمالة تحصلك ورا بعضها.. شوية صبر وكل دة هيخلص قريب ان شاء الله.. متفقدش الامل بس مش أكتر..

إعرف توافق برج الحمل مع باقي الأبراج النهاردة:

متوافق مع الابراج الحسواكية والفرفورية والحنتوسية والبرمائية والنارية والترابية والهوائية..

إعرف حظك اليوم برج الثور بالتفصيل السبت 10/2/2018 مع عبدالله أحمد..

الثور : من 20 ابريل إلى 20 مايو

برج الثور عاطفياً

( الكراش والإكس والبوي فريند والجيرل فريند والجوز والزوجة والقرايب ):

مش كل حاجة هتشوفها النهاردة هيبقالها تفسير واضح وبسيط ومنطقي.. اوقات لازم تتفرج وتتطنش ومتركزش أوي بزيادة عشان متتعبش وعشان اليوم يعدي على خير وسموزلي كدة من غير مشاكل.

برج الثور عملياً

( الشغل والمذاكرة والتخطيط لبكرة ): 

صحيا النهاردة انتا محتاج تلعب جيمز عنيفة حبة على ديسك توب او بلاي ستيشن.. مش العاب موبايل بسيطة ومسطحة وملهاش عازة..

برج الثور صحياً 

( نفسيا وجسمانيا وكل مايخص طاسة المزاج ):

غذائيا النهاردة تقدر تتجه زي حاجة فيها بنجر أو جبنة سايحة براحتك..

إعرف توافق برج الثور مع باقي الأبراج النهاردة:

متوافق مع الابراج البسكوتية والبربوشية والكتكوتية والترابية والمائية والنارية والبرمائية..

إعرف حظك اليوم برج الجوزاء بالتفصيل السبت 10/2/2018 مع عبدالله أحمد..

الجوزاء: من 21 مايو إلى 20 يونيو

برج الجوزاء عاطفياً 

( الكراش والإكس والبوي فريند والجيرل فريند والجوز والزوجة والقرايب ):

مواجهة حاسمة النهاردة إلي حد ما مع حد غلط ف حقك او مقدركش التقدير الكافي او ماردش عليك ولا قالكش “وأنا كمان” لما انتا إتشجعت وقولتله “بحبك”.

برج الجوزاء عملياً 

( الشغل والمذاكرة والتخطيط لبكرة ):

إستثمر ف نفسك وف قدراتك وبس وبلاش لا جمعيات ولا اقساط النهاردة خالص.. فكر بتآني قبل اي خطوة تخص فلوسك كويس جدا..

برج الجوزاء صحياً 

( نفسيا وجسمانيا وكل مايخص طاسة المزاج ):

صحيا النهاردة انتا صحتك كويسة وزي الفل.. حاول تقرب من اللون الأخضر ف كل حاجة النهاردة خصوصا ف الخس والخيار

تعرف على توافق برج الجوزاء مع باقي الأبراج النهاردة:

متوافق مع الابراج البرجماتية والحنكوشية والنباتية والنارية والترابية والهوائية..

إعرف حظك اليوم برج السرطان بالتفصيل السبت 10/2/2018 مع عبدالله أحمد..

السرطان: من 21 يونيو إلى 22 يوليو

برج السرطان عاطفياً 

( الكراش والإكس والبوي فريند والجيرل فريند والجوز والزوجة والقرايب ):

من حقك تزعل طبعا ان الدنيا بقالها فترة مش مقدراك ولا مدياك وضعك وحجمك الطبيعي..

برج السرطان عملياً 

( الشغل والمذاكرة والتخطيط لبكرة ):

الحياة بترازيك من تحت لتحت.. فكك منها ومتستناش من حد يقدرك.. كفاية انتا عارف قيمة نفسك كويس وبس.. دي اكتر حاجة هتخليك النهاردة على وضعك.. على وضع وضعك كمان..

برج السرطان صحياً 

(نفسيا وجسمانيا وكل مايخص طاسة المزاج ):

صحتك النهاردة تمام وزي الفل.. فرفش بس حبة وإحتفل وطز ف اي حاجة تضايقك الليلة.

تعرف على توافق برج السرطان مع باقي الأبراج النهاردة:

متوافق مع الابراج الحلبسية والكهربائية والبرمائية والترابية والمائية والهوائية والنارية..

إعرف حظك اليوم برج الأسد بالتفصيل السبت 10/2/2018 مع عبدالله أحمد..

الأسد: من 23 يوليو إلى 22 اغسطس

برج الأسد عاطفياً 

( الكراش والإكس والبوي فريند والجيرل فريند والجوز والزوجة والقرايب ):

مهم تكلم حد بتحبه النهاردة وتقوله انك بتحبه وحاول متستناش تسمع منه كلام حلو عن نفسك.. مش وقته النرجسية دي خالص

برج الأسد عملياً 

( الشغل والمذاكرة والتخطيط لبكرة ):

خد وقتك وخليك على مهلك ف كل حاجة النهاردة.. مستعجل ومتسربع على ايه اساسا؟.

برج الأسد صحياً 

( نفسيا وجسمانيا وكل مايخص طاسة المزاج ):

صحتك النهاردة تمام وماشي حالها وتقدر تعمل اي حاجة نفسك فيها براحتك ولمصلحتك ولمصلحة الكوكب كله..

تعرف على توافق برج الأسد مع باقي الأبراج النهاردة:

متوافق مع الابراج الفشكولية والباراكودية والسمكمكية والترابية والنارية والمائية..

إعرف حظك اليوم برج العذراء بالتفصيل السبت 10/2/2018 مع عبدالله أحمد..

العذراء: من 23 اغسطس إلى 22 سبتمبر

برج العذراء عاطفياً 

( الكراش والإكس والبوي فريند والجيرل فريند والجوز والزوجة والقرايب ):

خد بالك ان لو فضلت مكتئب كدة ممكن تتسبب لكوكب الارض ف عكوسات ممكن تشقلب حاله وساعتها متلومش الا نفسك.. خد بالك كويس بقى.

برج العذراء عملياً 

( الشغل والمذاكرة والتخطيط لبكرة ):

مهم تخرج من حالة الزعل اللي ممنهاش رجا دي ف اسرع وقت على فكرة.. كمان خد بالك ان السكوت الكتير مش حلو لصحتك ولا لمزاجك.. إتكلم ومتخافش

برج العذراء صحياً 

( نفسيا وجسمانيا وكل مايخص طاسة المزاج ):

صحتك النهاردة محتاجة خروج وفسح او على الاقل تتكلم وتقول انتا متضايق من ايه وايه اللي خانقك بالظبط.. مهم والله الموضوع دة

تعرف على توافق برج العذراء مع باقي الأبراج النهاردة:

متوافق مع الابراج البرطمانية والكستبانية والبرمائية والترابية والهوائية والنارية..

إعرف حظك اليوم برج الميزان بالتفصيل الجمعة 9/2/2018 مع عبدالله أحمد..

الميزان : من 23 سبتمبر إلى 22 اكتوبر

برج الميزان عاطفياً 

( الكراش والإكس والبوي فريند والجيرل فريند والجوز والزوجة والقرايب ):

المود النهاردة مفرفش ومزقطط بس في عدوانية بسيطة خالص.. ف خد بالك وانتا سايق نفسيتك النهاردة لتخبط ف حد نفسيته هشة ولا حاجة وتكسرله الإكصدام وتبقى مصيبة.

برج الميزان عملياً 

( الشغل والمذاكرة والتخطيط لبكرة ):

امشي ورا إحساسك النهاردة على قد ماتقدر وثق فيه ومتخافش مش هتغرق زي مانتا فاكر ابدا.. الحياة بتحبك.. جايز بتنكد عليك احيانا بزيادة بس ف الاخر بتحبك

برج الميزان صحياً 

( نفسيا وجسمانيا وكل مايخص طاسة المزاج ):

صحتك النهاردة محتاجة ثقة وأمل ف بكرة.. معرفش هتجيب الامل دة منين بس دي مهمتك يابطل..

تعرف على توافق برج الميزان مع باقي الأبراج النهاردة:

متوافق مع الابراج الدرامية والبحرية والبرميلية والسمكمكية والنيلية والفضية والنارية والبرمائية..

إعرف حظك اليوم برج العقرب بالتفصيل السبت 10/2/2018 مع عبدالله أحمد..

العقرب: من 23اكتوبر إلى 21 نوفمبر

برج العقرب عاطفياً 

( الكراش والإكس والبوي فريند والجيرل فريند والجوز والزوجة والقرايب ):

إبعد عن التكشير والتفكير الكتير.. وروق كدة على حالك ومزاجك بقلب جامد لا يلين أمام صعاب الحياة والحزن المستكين.

برج العقرب عملياً 

( الشغل والمذاكرة والتخطيط لبكرة ):

طول مانتا مركز واهدافك واضحة بالنسبالك هتوصل لكل اللي انتا عاوزه وبتحلم بيه مهما كان صعب.. شوية مجهود وصبر ومثابرة بس ومتزهقش ابدا.. ابدا..

برج العقرب صحياً 

( نفسيا وجسمانيا وكل مايخص طاسة المزاج ):

صحتك النهاردة محتاجة منك ترقد ف البانيو ف مية سخنة من نص ساعة لساعة عشان ميكروباتك محتاجة تريلاكس حبة..

تعرف على توافق برج العقرب مع باقي الأبراج النهاردة:

متوافق مع الابراج الحنكوشية والكهربائية والبرطمانية والكهرمانية والترابية والهوائية والنارية..

إعرف حظك اليوم برج القوس بالتفصيل السبت 10/2/2018 مع عبدالله أحمد..

القوس: من 22 نوفمبر إلى 21 ديسمبر

برج القوس عاطفياً 

( الكراش والإكس والبوي فريند والجيرل فريند والجوز والزوجة والقرايب ):

هتحتاج ف الاغلب تلبس الوش الابلكاش وانتا بتتعامل مع ناس كتير رخمة النهاردة.. كبر دماغك وصدرلهم الابتسامة الصفرا وبس.. متتخانقش مع حد علي حاجة مش مستاهلة.. بلاش

برج القوس عملياً 

( الشغل والمذاكرة والتخطيط لبكرة ):

هتحتاج تبذل مجهود مضاعف لإثبات كفائتك العملية النهاردة ويستحسن تعمل دة قبل ماحد يطلب دة منك او يحاول يلزمك بيه.. لازم تقفش انتا زمام المبادرة الاول ومتسيبوش لحد عشان متتفاجئش.. خصوصا وانك مبتحبش النوع دة من المفاجأت اساسا..

برج القوس صحياً 

( نفسيا وجسمانيا وكل مايخص طاسة المزاج ):

صحتك النهاردة محتاجة شوية حرص وعناية خصوصا ببشرتك وبلمعة طرطوفة مناخيرك..

تعرف على توافق برج القوس مع باقي الأبراج النهاردة:

متوافق مع الابراج الفركتوزية والحبشتكانية والحنجورية والمائية والهوائية والنارية..

إعرف حظك اليوم برج الجدي بالتفصيل السبت 10/2/2018 مع عبدالله أحمد..

الجدى: من 22 ديسمبر إلى 19 يناير

برج الجدي عاطفياً 

( الكراش والإكس والبوي فريند والجيرل فريند والجوز والزوجة والقرايب ):

طالما شعرك ناعم النهاردة ومش منكوش ونفسيتك سالكة ونيتك صافية ومنورة يبقى متقلقش من أي حد ولا أي حاجة من أي نوع.

برج الجدي عملياً 

( الشغل والمذاكرة والتخطيط لبكرة ):

تقدر تطلق لخيالك العنان النهاردة زي مانتا عاوز خصوصا بالنهار عشان الوقت هيبقى مناسب جدا لأحلام اليقظة تبرطع فيها براحتك وبمزاجك..

برج الجدي صحياً 

( نفسيا وجسمانيا وكل مايخص طاسة المزاج ):

صحتك النهاردة محتاجة شوية ترويق دماغ وإبتعاد كامل بالمشوار عن القلق ومسببات القلق..

تعرف على توافق برج الجدي مع باقي الأبراج النهاردة:

متوافق مع الابراج البربئية والمونوكرومية والحنتوسية والحلبسية والهوائية والكشرية والبرمائية

إعرف حظك اليوم برج الدلو بالتفصيل السبت 10/2/2018 مع عبدالله أحمد..

الدلو: من 20 يناير إلى 18 فبراير

برج الدلو عاطفياً 

( الكراش والإكس والبوي فريند والجيرل فريند والجوز والزوجة والقرايب ):

حاول تريح دماغك من التفكير حبة وخد بالك عشان في حد بيحبك وبيحاول يلفت نظرك بقاله فترة وانتا مطنش خالص مالص وغالبا مش واخد بالك اساسا..

برج الدلو عملياً 

( الشغل والمذاكرة والتخطيط لبكرة ):

تعبان ومستهلك وحاسس انك مش فاهم اي حاجة ف اي حاجة من اللي بتحصل حواليك.. عادي يابرنس الكوكب.. دة كله عادي خصوصا وان الناس مشغولة بالصراع على الولا حاجة طول الوقت..

برج الدلو صحياً 

( نفسيا وجسمانيا وكل مايخص طاسة المزاج ):

صحتك اليوم محتاجة منك لو تعبان او حاسس بوجع تروح تكشف وبلاش كسل وإهمال.. بلاش

تعرف على توافق برج الدلو مع باقي الأبراج النهاردة:

متوافق مع الابراج الكستبانية والدخانية والمونوكرومية والمائية والترابية والبرمائية..

إعرف حظك اليوم برج الحوت بالتفصيل السبت 10/2/2018 مع عبدالله أحمد..

الحوت: من 19 فبراير إلى 20 مارس

برج الحوت عاطفياً 

( الكراش والإكس والبوي فريند والجيرل فريند والجوز والزوجة والقرايب ):

متخربش حياتك بإيدك بتصرفات هوجاء طائشة غير مدروسة لمجرد انك حاسس بالملل.. بلاش وإفتكر اني قولتلك بلاش

برج الحوت عملياً 

( الشغل والمذاكرة والتخطيط لبكرة ):

فكر كويس النهاردة قبل ما تقول اي حاجة او تعمل اي حاجة ف اي اتجاه.. مهم تبقى حريص علي مشاعر الناس اللي حواليك زي مانتا حريص على مشاعرك بالظبط..

برج الحوت صحياً 

( نفسيا وجسمانيا وكل مايخص طاسة المزاج ):

صحيا النهاردة هتاخد بالك ان كيرف الطاقة عندك ف اول اليوم هيبقى هادي وجايز عادي بس علي نص اليوم هتنتعش بزيادة انتعاشة لو قدرتها صح ممكن تستمر معاك لبليل وممكن تكمل بيها لتاني يوم لو حبيت.. المسألة كلها ف ايديك انتا وبس

تعرف على توافق برج الحوت مع باقي الأبراج النهاردة:

متوافق مع الابراج البسبوسية واللولبية والفهلوية والكتكوتية والهوائية والمستحية والنارية والترابية.