هاشتاج مولع الدنيا على تويتر وأكتر من 20 ألف شخص بيكلم عن الموضوع دة..

إنتشر هاشتاج #اتنين_متستغناش_عنهم.. والكل بيقول اللي في نفسه طبعا انا عن نفسي من اهم الحاجات عندي  الموبايل والشاحن والباقة وأحط فلوسي في خزنة وأكون صاحب أملاك وأركب عربية موديل وأفتح الكونتاكت واتفسح كل يومين واعمل على الفيس هاشتاج انتاانتي بقى نفسكم في ايه؟.. طب تعالى نشوف الناس قالت ايه..

نتكلم الأول عن الموبايلات ومشاكلها وأكيد طبعا محدش يقدر يستغنى عن الموبيلات..

نمسك اول تويتة "محمد خطيب" بيقول "الواي فاي والباقة" ده انت تلاقيك مولع الدنيا يا جدع.. تاني تويتة من "ايماه" بتقول "الموبايل والهاند فري" اه عمرو دياب بقى وكدة صح.. لا نيجي بقى لـ "جارة القمر" بتقول في أحلى هاشتاج "النظارة والموبايل" هو انا مش عارف الصراحة ايه وجه التشابه بس ياللا عادي عادي..

حلو دا اوي.. كده الموبايلات خلصت..طب نتكلم بقى شوية عن حياتنا الجميلة الظريفة الجامدة طحن اللي مفيش منها اتنين.. "دعاء" بتقول "فين الاسكا بلاك هخلي يومكم بلاك" ليه كدة طيب هو حد زعلك.. "دي واي" بقى بتقول "البصل والتوم بس دول بستغنى عادي".. لا هو انتي تقريباً شوفتي التريند غلط أو ان التاتش ف موبايلك كان مهنج.. بتحصل عادي.. "العسل" بقى بيقول "الأكل" الصراحة عندك حق ياعسل ومش هتكلم..

لا في ناس تانية إتكلمت على موضوع يهم ناس كتير أوي خصوصا بعد ما السجاير غليت.."السجارة والهاش والكاس".. "عبد الرحمن" مثلا بيقول "السجارة والكاس" و "X" بيقول" احلى هاش ولا ايه؟"..احلى إصطباحة على عينيك ياعم..انتا بتفتن على روحك ولا ايه..ماعلينا..نشوف الباقي قالوا ايه..

طيب لحد كده وشكراً هاشتاج "#اتنين_متستغناش_عنهم" اتقلب لحاجات كتير ولسة شغال ومليان تعليقات مختلفة فيها كل واحد بيعبر عن نفسه ببساطة وبسلاسة وخفة دم..  بس تفكيرنا تحفة الصراحة أكل وموبايل وسجاير ونسينا أهم حاجة.. الفلوس اللس بتشتري كل الحاجات دي..كمان الشتاء والهدوم والسحلب حاجات مهمة أوي في حياتنا اليومين دول..يعني من غير السحلب مش هتقدر تدفى ومن غير الفلوس مش هتعرف تجيب هاش قصدي تقدر تجيب أكل لا ليك ولا لموبايلك اللي عمال يقوق وبيقولك كل شوية "إشحن الباقة".

كان معكم الأسطى:

إسلام ناصر..نصر الدين طالبية عريش

لو عجبك الموضوع دة وحابب تقرا زيه او احسن خش هنا..

بالفيديو| شوف بنفسك.. قط بلدي قرر يعمل شبح

نصايح وإنتا رايح.."خلف الدهشوري"..حاجات لازم تعرفها ف أول يوم ليك ف الجامعة

طبق طائر بيحوم فوق الصحرا في ولاية كاليفورنيا.. بالصور

قط بلدي