اليوم العالمي للطفل النهاردة.. 10 حقايق غريبة عن أحباب الله

اليوم العالمي للطفل بيتم الاحتفال بيه كل سنة في نفس اليوم ده بسبب إنه بيوافق تاريخ إعلان اتفاقية دولية لحقوق الطفل في 20 نوفمبر 1959.. واللي بعد كده وقعت عليها كل الدول في نفس اليوم برضه بس سنة 1989 .. ما عدا الولايات المتحدة والصومال ..

"جوجل" بقى بيعمل احتفال سبيشيال كل سنة في اليوم العالمي للطفل .. إشمعنى؟ بسبب إن منظمة اليونيسيف التابعة للأمم المتحدة وصت إن يتعمل يوم عالمي للطفل في كل دول العالم.. عشان التوعية بحقوق الطفل وتحسين معيشته ومنع الانتهاكات اللي بيتعرض ليها.. وتم اختيار 20 نوفمبر عشان يبقى اليوم ده وده بسبب إنه يوم إعلان الاتفاقية وبرضه يوم التوقيع عليها .. ومن سنة 1990 ولحد النهارده وكل الدول بتحتفل بيه ..

وبمناسبة إن النهارده اليوم العالمي للطفل .. هنقدملك 10 حقايق غريبة وغلسة في نفس الوقت عن الأطفال :

المواثيق الدولية بتقول إن البشرية بتدين للأطفال بأفضل وأحسن حاجة ممكنة .

البنت العادية بتوصل لنص طولها وهي كبيرة وهي عندها 18 شهر.. أما الولد بيوصل لنص طوله وهو كبير لما يبقى عنده 24 شهر .

الإحصائيات بتقول إن السن اللي بيقدر فيه الطفل العادي إنه يستخدم الميكروييف هو سنة 7 .

الإحصائيات بتقول إن 10 بالمية من أطفال المملكة المتحدة ميقدروش يتعرفوا على وحيد القرن.

مسرحية "12 ليلة" لشكسبير هي المسرحية الوحيدة اللي مفيهاش كلمة طفل أو أطفال .

26 في المية من تعداد سكان العالم نصهم تحت 15 سنة.. وفي النيجر بقى النسبة دي بتوصل لخمسين في المية .

الفلوس اللي بتتصرف على الطفل من ساعة ما يتولد لغاية ما يوصل عمره 21 سنة حوالي 230 ألف دولار .

الست المتوسطة في بريطانيا تقدر تخلف نسبة 1و8 من عشرة أطفال.. لكن الست في النيجر تقدر تخلف نسبة 6 و49 أطفال .

بيتولد كل سنة 100 ألف طفل مدمن على مخدر الكوكايين بسبب إن أمهاتهم كانوا بيضربوا بودرة طول فترة الحمل .

تعريف الطفولة في قاموس الشيطان للكاتب أمبروز بيرس هي الفترة من الحياة ما بين هبل الرضاعة وحماقة الشباب .

<iframe width="100%" height="166" scrolling="no" frameborder="no" src="https://w.soundcloud.com/player/?url=https%3A//api.soundcloud.com/tracks/202039462&amp;color=%23ff5500&amp;auto_play=true&amp;hide_related=false&amp;show_comments=true&amp;show_user=true&amp;show_reposts=false&amp;show_teaser=true"></iframe>

لو عجبك الموضوع ده وعاوز تقرا مواضيع زيه أو أحسن خُش هنا ..

قط بلدي

العيال العفاريت .. لبسوا أم كلثوم مايوه وباعوا المدرسة بالناظر

طبق طائر بيحوم فوق الصحرا في ولاية كاليفورنيا.. بالصور

حكومة بولندا لرعاياها: إنتوا مبتخلفوش ليه؟.. خليكم زي الأرانب"

فيسبوك تعترف: 270 مليون "أكونت فيك" على الموقع

انتحار أب في بث مباشر على الفيس بسبب جوازة بنته