في يوم السعادة العالمي، ممكن متكونش سعيد أوي، وفيه حاجات كتير مضايقاك، بس أكيد فيه في حياتك على الأقل 15 حاجة، ولو بسيطة، ممكن تسعدك.. إفرح.

- لما تصحى من النوم والمنبه لسه مرنش.. وممكن تنام 10 دقايق زيادة

 - أول ما توصل بعربيتك للإشارة.. تفتح.

- تجيلك لايكات كتير على "فيس بوك"

-  تفكر في حد واحشك ويكلمك.

-  تشغل الراديو تلاقي أغنيتك المفضلة.

- تلاقي فلوس ناسيها في جيب الهدوم.

- حد يجيب سيرتك من وراك بالخير.

- ضحكة طفل صغير ليك.

- لما تخلص شغل كتير كان عليك.

- خروجة حلوة مع صحابك.

- تقرب لوزنك المثالي (تخس أو تتخن)

- هدية من غير ميعاد.

- تشتري لنفسك حاجة جديدة.

- تساعد حد كبير ويدعيلك دعوة حلوة.

- لما المواصلات تكون رايقة وتوصل بسرعة.