توقفت الحركة الصيد بالإسكندرية لليوم الرابع على التوالي، بسبب نوة أعياد الميلاد، وارتفاع الأمواج، والصقيع الذي يضرب المدينة، وشهدت منطقة بحري والمكس هجرة للصيادين من على مراكبهم، خوفا من تعرضهم للغرق، بعد أن غرقت أحد المراكب الصغيرة "فلوكة"، وتحطمت بفعل الرياح القوية، وبدت المراكب كأنه دمى صغيرة أمام قوة الأمواج. 

محمد سعد، أحد الصيادين المتضررين، يقول: "حاولنا النزول اليوم للبحر، علشان نشوف رزقنا معرفناش الموج عالي، والبحر غدار، رجعنا تاني، بقالنا كام يوم قاعدين في البيوت، حتي القهاوي مش بننزلها من السقعة".

يضيف: "إحنا أول مرة نشوف اللي بيحصل في إسكندرية، وخايفين على الفلوكة بتاعتنا، وربنا يستر".