فى "سكى إيجيبت" ستجد المغامرة الحقيقية، فإذا أردت أن تعيش حياة التشويق والإثارة فى درجة حرارة 2 تحت الصفر، إحنا نقلنالك القطب الشمالى إلى مصر ومش هتحتاج تسافر تعمل بره عشان تعمل سكى أو تشوف البطريق أو تتزلج على الجليد .

ويقول محمد عبد المنعم، مدير تسويق شركة ماجد الفطيم للمشاريع، والمسئول عن "سكى إيجيبت"، لكاميرا "فيديو 7"، إن سكى ايجيبت ستدعم السياحة المصرية بصورة كبيرة، حيث إنها أول إن دور سنور بارك فى مصر وافريقيا وننتظر السياحة العربية والغير عربية.

وتابع المسئول عن "سكى إيجيبت"، إن وجود البطاريق فى مصر واستقطابها من القطب الشمالى أحد أهم الأسباب لحضور الزوار إلى هنا والاستمتاع بالمشاهدة والمغامرة مع تلك الحيوانات التى لا تعيش فى الظروف الجوية الأفريقية.

وأردف، "ديه تجربة نادرة فى الجو الحار اللى عيشين فيه وتجربة ممتعة وفيها انبهار، والألعاب اللى متعودناش عليها فى مصر وافريقيا، وندعو الناس انها تيجى هنا تقابل البطاريق وتستمتع بالجو الساقع اللى هو 2 تحت الصفر".

واستكمل، "اللى بيدخل بيكون معاه فول أكسس على كل الألعاب من سنو بارك وقطار الثلج وهناك 5 ألعاب منها سنو روكيت وديه لعبة ممتعة جدا، وفى كمان سكى سكول بتعلمك التزلج وبنستقبل من سن 4 سنين" .